Spagna

Spagna
Motto: Plus Ultra'
Informasion
Nome par intiero:	Regno de Spagna
Nome ufisiałe:	Reino de España
Łéngoa uficiałe:	spagnoło 1
Cavedal:	Madrid
Polìtega
Governo:	Monarchìa parlamentar
Capo de stato:	Re Juan Carlos I
Capo de governo:	Mariano Rajoy Brey
Indipendensa:	1479, union de Castiglia e Aragona (Reyes católicos)
Ingreso a l'ONU:	14 de diçenbre 1955
Area
Totale:	504.782 km²
Pos. nel mondo:	50°
% delle acque:	1,04 %
Popolasion
Totałe:	44.708.964 ab.  (2006)
Pos. nel mondo:	27°
Densità:	88,39 ab./km²
Giografia
Continente:	Europa
Fuxo oràrio:	UTC +1 2
Economia
Vałuta:	Euro (€) 3
Energia:	0,59  kW/ab.
Varie
TLD:	.es
Prefiso tełef.:	+34
Sigla autom.:	E
Ino nasionałe:	Marcha Real
Festa nasionałe:	12 de otobre
1 Inte serte comunità autònome, el catałan, el basco e 'l gałisian i è coufisiai; in Val d'Aran, el dialeto aranéxe del ocitan el xe coufisial 2 Fora che inte le Ìxole Canarie, che le xe inte'l Fuxo Orario GMT (UTC +0; UTC +1 de istà) 3 Prima del 1999: pexeta.

El Regno de Spagna el se cata inte'l sud-est de l'Eoropa: el confina a òvest co'l Portogało, a nord co Andora e Fransa e a sud co Gibiltera.

La cavedal la xe Madrid. La Spagna la xe na monarchìa costitusional raprexentativa onde che regna el Re Juan Carlos I che el ga trasportà el paexe da la ditaùra de Francisco Franco a la democrasia parlamentar.

Giografia

Seben che no'l sia un Stato federal la ghe lasa tanti poderi a le comunità autònome.

Ghe xe 17 comunità autònome in Spagna:

• Andalusìa
• Aragona
• Asturie
• Ìxole Baleare
• Ìxole Canarie
• Cantàbria
• Castegia e Leon
• Castegia-La Manchia
• Catelogna
• Estremadura
• Galisia
• Madrid
• Mursia
• Navara
• Paexi Baschi
• La Rioja
• Comunità Valensiana

La ga anca vari ixoloti e le dó Sità Autonome de Ceuta e Melilla 'nte'l Continente African su le coste nord del Maroco, anałogamente a Gibiltera che la depende dal Regno Unìo pur esendo in fóndo a la Penìxola Ibèrica. El Teide xe la pì alta montagna de la Spagna (3718 m).

Lengue

'L articolo 3 de la Costitusion Spagnola de 1978 el dixe che:

1. El castilian el xe la lengua ufisial del Stado. Tuti i spagnoi i ga el dover de conosarla, e el dirito de dopararla.
2. Le altre lengue de la Spagna le sarà anca ufisiai inte le so respetive Comunità Autonome, dependendo de i so statui.
3. La deversità lenguistega de la Spagna la xe condiderada un patrimogno cultural che el gh'havarà protesion e respeto speciai.

Lengue coufisiai

El 35% de i spagnoi el parla na segonda lengua.

Algune comunità autònome le gh'ha anca una o do lengue coufisiai, recognosue inte la costitusion del 1978

• galego o galisian en Galisia,
• catelan en Catelogna, Comunità Valensiana (prinsipalmente el valensian, che el xe na variansa del catelan) e Ixole Baleare (prinsipalmente el majorchin, che el xe n'altra variansa del catelan).
• basco (o euskera) inte i Paexi Baschi e Navara. El basco ufisial (par la televixion, radio, xornai e scole) el se ciama euskera batua (che vol dir basco unefegà). Ghe xe, in banda de questo, tanti dialeti baschi.
• aranexe (dialeto ocitan) inte la val de Aràn (a nord de la Catelogna).

Lengue no ufisiai

Altre lengoe che no le xe gnancora recognosue ufisialmente:

• aragonexe (o fabla) inte'l nord de l'Aragona.
• asturian (o bable) en Asturia.
• lionexe inte Lion, Zamora e Salamanca.
• portoghexe a Olivensa (paese de Estremadura co 11000 abitanti, che el jera del Portogalo, ma el xe stà ocupà da la Spagna inte'l ano 1801).

Spagna | Comunità autonome

Andalusìa - Aragona - Prinsipato d'Asturie - Ìxołe Bałeari - Ìxołe Canarie - Cantabria - Castiglia La Mancha - Castiglia e Leon - Comunità Autonoma de Catałogna - Comunità Vałensiana - Paexi Baschi - Estremadura - Gałisia - Comunità de Madrid - Region de Mursia - Comunità Forałe de Navara - La Rioja

Çità autonome

Ceuta - Melilla