YouTube

Da Wikipedia, l'ençiclopedia libara.
Va a: navigasion, serca
You Tube

YouTube xe un sito web de video-sharing, fondà inte'l 2005, inte'l 2006. L'è de proprietà de Google Inc. e xe el terso sito pì visità al mòndo dopo, Google e Facebook. L'axienda ga sede a San Bruno (California) e, utiłixa ła tegnołogia Adobe Flash Video par visuałixare na vasta gama de contenùto xenera daji utenti de video, tra cui film, video tełevisivi e video musicałi, cossì come i contenui amàtoriałi come Video blog de brevi video orixinałi. La majior parte de contenui su YouTube l'è sta carica dai singołi individui o da vari grupi, talvoltà anca musicałi, e così, molti divegnono famosi; anca se le società dei midia tra cui ła CBS, BBC, VEVO e altre organixasioni i offre parte deł łoro materiałe tramite el sito, come parte deł programa de partnership de YouTube. Xe anca possibiłe crearse el proprio canale, co tuti i video preferii.

Descrision[canbia | canbia sorxente]

You Tube utiłixa ła tecnołogia de Adobe Flash par tor xo i so contenuti. El so fin xe queło de ospitar soło che video reałixà diretamente da chi che łi carga, ma speso contien materiałe de terse parti cargàe sensa autorixasion, cofà spetacołi tełevixivi e video muxicałi. El rispeto del regołamento del sito, che vieta l'upload de materiałe proteto da dirito d'autor se no se xe titołari, se baxa so' na verifica ex post de quanto proposto dai utenti.

You Tube consente l'incorporasion dei pròpi video a l'interno de altri siti web, e se ocupa anca de xenerar el codexe HTML necesario.

You Tube xe acesibiłe conetendose al web co' PC, coì Media Internet Tablet (M.I.T.) e co' dispoxitivi che gà funsion simiłi. Xe acesibiłe anca da tełefono cełulare senpre cołegandose al sito wwww.youtube.it.

Recentemente el sito dà ła posibiłità de vixionar, in modałità beta, alcuni filmati in HTMLS.

El limite de durata dei video xe de 15 minuti, paròmo i gà da eser masimo de 2 GB de "pexo" e i pol esar co' diversi codec; a partir dal 9 disenbre 2010. You Tube gà conceso a utenti che gà cargà almanco un video e che no gà infrànto łe so "łinee guida" l'upload ilimità, riservà sołitaménte ai Partnership.

A partir da novenbre 2011, i upoload ilimitài xe posibiłi anca fornìndo un nùmaro de cełulare vałido, in ùltima par descoragìr le infrasion ałe so norme de community; tute łe informasion se cata a ła pajina de cargadùra del video.

Storia[canbia | canbia sorxente]

You Tube xe stà fondà 'ntel febraro 2005 da Chad Hurley (aministrator demandà), Steve Chen, (diretor tecnico), e Jawed Karim (consegier), che gera stài tuti dipendenti de Paypal. El primo video cargà, ałe 20.27 del 23 apriłe del 2005, xe stà Me at the zoo de Jawed Karim. El video gà 'na durata de 19 secondi e 'l xe stà girà danànsi a ła cheba dei leofànti del zoo de San Diego. Xe suo anca el primo account, la prima registrasion so'l sito.

You Tube xe 'l sito web che prexenta el maxor taso de cresìta. 'Ntel xugno 2006 l'azienda gà comunicà che xornalménte vien vixuałixài sirca 100 miłion de video, co' 65.000 novi filmati de baìn xontài ogni 24 ore. L'azienda de anałixi Nielsen/NetRatings vałuta ch'el sito gabia sirca 20miłioni de vixitadori al mexe. L'incremento de popołarità ch'el sito gà avùo da ła so fondasion ghe gà parmeso de deventàr el terso sito più vixità 'ntel mondo dopo Google e Facebook.

'Ntel agosto 2006 Sony cronpa par 65 miłioni de dołari el sito concorente Grouper. Questo evento lasa presuponer a l'epoca ch'el vałor de You Tube so'l marcà podese esare de sirca un miłiardo de dołari, ma ła stima se riveła sotodimensionà, parchè el 10 otobre 2006 Google Inc. conpra You Tube par 1,65 miłiardi de dołari pagài in asion pròpie.

A partir dal mexe de april 2006, You Tube gà tacà 'na inponénte atività de scançełasion dei video che vioła el copyright. El nùmaro de video ełiminài se agira datorno ai sentomiłe e xe stài sospexi i account dei utenti che co' pì frequensa cargava contenuti in viołasion de łe norme so'l dirito d'autor.

Dal 14 magio 2007 el sito oltre ad esare disponibiłe in inglexe, xe visuałixabiłe anca ne łe altre lengue, anca in itałiàn.

Atension dei media[canbia | canbia sorxente]

Grasie soratuto al pasaparoła online YouTube xe cresùo in modo rapido, fin da quando che xe stà creà, e ghe gà dà al so sito el so primo aumento de notorietà quando ch'el gà ospità el popołàr Saturday Night Live. Tutavia, ła łinea de condota de YouTube proìbise ła publicasion de materiałi proteti da dirito de autor e NBC Universal, propietaria de SNL, gà decixo presto de intraprender asion contro YouTube. 'Ntel febraro 2006, NBC richiede ła remosion de alcuni dei so contegnui proteti dal dirito de autor da You Tube, conprexa Lazy Sunday e łe imàxeni de łe Ołinpiadi del 2006. El mexe drìo, in un tentativo de fortesàr ła so połitega contro łe infrasion al copyright, YouTube gà meso un limite masimo de tenpo ai video, guałìvo a 10 minuti (fora che par i contegnùi spedìi atraverso el so programa nel quało se pol spesifegàr che se trata de video amatoriałi). Anpo', el limite masimo xe de 10 minuti e 58 secondi. Sta restrinsión speso xe sorpasàda da chi che inserise video spartìndo el video orixinàl in segmenti pì cei o al masimo al limite conpagni.

Anca se YouTube gaveva fato ła so parte par vegnirghe incontro ałe richieste de NBC, l'incidente xe deventà 'na notisia publica, rendendo YouTube ancora pì popołare. Mentre el sito jera senpre più drìo cresare, NBC gà scomisià a capire łe posibiłità e 'ntel xugno del 2006 gà fato 'na mosa stranba. El network gà considerà el pròpio operà e ga cussì anuncià 'na ałeansa strategica co' YouTube. Cofà parte de l'ałeansa, xe stà 'verto un canałe uficiałe de ła NBC so YouTube, ospitando filmàti promosionałi de ła Serie TV The Office. Inaxonta, YouTube, promovarà i video de ła NBC nel so sito.

La CBS che in precedensa ghe gaveva chiesto a YouTube de scansełàr alcuni dei so filmati, s'a fata risentìr 'ntel lujo 2006. In un documento indicativo de come che jera drìo canbiàr la percesion de YouTube (e de siti simiłi) da parte de l'industria tradisionałe dei media, Sean Mc Manus, prexidente de ła CBS News and Sports gà dito:


'Nte l'agosto 2006, You Tube gà anuncià che, entro 18 mexi, se augura de ofrìr ogni video muxicałe mai creà, finchè restarà a maca. Warner Music Group ed EMI gà confermà che xe infra łe conpagnìe in tratative par rénder efetìvo sto progeto. In setenbre, Warner Music e YouTube gà parafà un pato, nel qual You Tube sarà abiłità ad ospitàr ogni video musicałe prodòto da ła Warner, mentre condividarà 'na parte dei recàvi publicitari. Inaxonta, i video creà dai utenti de You Tube sarà autorixà ad uxàr canson de ła Warner ne łe so cołone sonore.

El 9 otobre, ła CBS, co' ła Universal Music Group e ła Sony BMG Music Entertainment gò patuìo de fornìr contegnùi so YouTube.

El 29 xenaro 2007, el cofondador de YouTube, Chad Hurley, gà anunçià ch'el sito pagarà i utenti pì inportanti, staltri podarà anca deventàr propietari dei diriti de autor e davagnàr 'na parte dei recavi publicitari. Ad ogni modo, al Forum Economico Mondiałe, Mr. Hurley no gà dichiarà ła soma concreta che YouTube ghe pagarà ai pròpi contribuenti.


Eventi recenti[canbia | canbia sorxente]

You Tube e SIAE[canbia | canbia sorxente]

Cołegamenti estèrni[canbia | canbia sorxente]