Zinbàbue

Da Wikipedia, l'ençiclopedia libara.
Va a: navigasion, serca


Zinbàbue
Zinbàbue - Bandiera
Zinbàbue - Stemma
Motto: Unity, Freedom, Work
(Traduzione: Union, Łibertà, Łaòro)

LocationZimbabwe.svg


Informasion
Nome par intiero: Republica deło Zinbàbue
Nome ufisiałe: Republic of Zimbabwe
Łéngoa uficiałe: inglexe
Cavedal: Harare  (1 485 615 ab. / 1992)
Polìtega
Governo: Republica
Capo de stato: Robert Mugabe
Capo de governo:  
Indipendensa: 7 de apriłe 1980
Ingreso a l'ONU:
Area
Totale: 390 580 km²
Pos. nel mondo: 59°
 % delle acque: 1 %
Popolasion
Totałe: 12 576 742 ab.  (2003)
Pos. nel mondo: 66°
Densità: 32 ab./km²
Giografia
Continente: Africa
Fuxo oràrio: UTC +2
Economia
Vałuta: dołaro deło Zinbàbue
Energia:
Varie
TLD: .zw
Prefiso tełef.: +263
Sigla autom.: ZW
Ino nasionałe: Kalibusiswe Ilizwe leZimbabwe
Festa nasionałe:  

Zi-map.png

Ła Republica del Zinbàbue el xe on Stato (390 757 km², 13 milioni sirca de abitanti, cavedal Harare) de l'Africa meridionałe.

El se cata tra el fiume Zanbexi e el fiume Limpopo; nol ga sbochi sol mare, el confina a nord co ło Zanbia, a est co Mozanbico, a sud co Sudafrica e a ovest col Botswana. El presidente xe el ditator Robert Gabriel Mugabe che xe al potere da l’indipendensa (18 april 1980).

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Zinbabue.

Da i ricatamenti archeołoxeghi se sa che el regno de Monomotapa el xera ben svilupà za nel VI secolo. Łe roine de la Gran Zinbàbue conserva el pałazo real, le mure de la sità e de le caxe en piera fate co na tècnega avansada. I karanga, ła etnìa che deso ła vien ciamà shona, xera fàvari e ghe i resti de piasè do miła miniere de fero, ran, oro e stagno a far da testimoni. Dal sècoło X, i karanga fasea marcà co i arabi su la costa del Mozanbico. El re de i karanga, el Monomotapa, controlaa el Zinbàbue, un toco de Mozanbico e zone del Malawi. La civiltà de Monomotapa la gha perso forza col tempo. Le popolazioni bantu rotsi, un grupo afine a i karanga, xe rivà en tel nord nel XVI secolo e i gha spinto i karanga fora da le zone minerarie.

El arivo de i portoghexi gha fermà el mercà co i arabi e el regno de Zinbàbue gha perso forsa. Nel XIX secolo, tuti i popoli de l’Africa del sud xera in fermento. Soto la guida de Shaka Zulu, i zulu gavea scomensià a slargarse. Le popolazioni vicine le scapaa. I matebele (ndebele al singolar) xe rivà nel teritorio shona (1837) e se gha tolto el teritorio meridional.

Nel 1889, Cecil Rhodes, fondator de la British South Africa Company – na compania mineraria e de comercio – menò un grupo de 200 colonialisti inglexi e de 700 polizioti en tel Zinbàbue par costruir un pozo. Sti quà i ga fondà la cità de Salisbury. Nel 1895, con la scusa de arestar de i ladri de bestiame, i inglexi atacava Bulawayo, la capital del regno guidà dal re Lobenguela. El re scapò en te la foresta e en poco tempo Rhodes controlò tuto el paese che ciamo Rhodesia del Sud (la Rhodesia del Nord saria el Zambia de ancò).

Nel 1969, i coloni xera el 5% de la popolasion, ma i controlava el 70% de la tera. El governo inglexe voles dar l’indipendenza a la Rhodesia, ma el partito de i bianchi no volea. Nel novembre 1965, Ian Smith, capo del governo coloniale, gha dichiarà l’indipendenza unilaterale de la Rhodesia par star al poder. El Partito Union Popolar de lo Zinbàbue (ZAPU) gha tacar a far la gueriglia. Nel 1980, Robert Mugabe fu eleto primo ministro del governo provisorio, e dopo l’è diventà el presidente. El governo de Mugabe l’è diventà sempre più ditatorial e responsabile de gravi violasioni de i diriti umani de la zente.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia del Zinbabue.

La majoria de lo Zinbàbue l’è n’altopian che va da i fiumi Limpopo e Zanbesi. Le montagne se cata al nord, al confin col Mozanbico, e le riva a 2 600 metri de alteza. El fiume piasè grande xe el Zanbesi, al confin co lo Zanbia. L’acua del fiume alimenta la diga de Kariba, e forma le cascate Vitoria.

Popolasion[canbia | canbia sorxente]

La majoria de i abitanti vive ne le campagne. Ghe do etnie principali: i shona e i matebele. I bianchi xe el 2%.

Economia[canbia | canbia sorxente]

El Zinbàbue gavea na agricoltura avanzada. El produsea formenton, gran, fruta. El paexe esportava tabaco, cafè e bagigi. Le foreste le dava legni pregiati. Da la fin de i ani 1990, la politica agraria gha rovinà l’agricoltura. El governo gha tolto le tere a i bianchi par darle a i neri (4 500 fatorie bianche controlava el 50% de la tera agricola, contro i 4 500 000 agricoltori neri ne l’altro 50%). Però a tera le stà data a i amici del presidente e la produsion agricola l’è diminuia. Nel 2006, el Zimbabwe gha prodoto manco de un terso de la produsion del 1999. L’inflasion l’è del 3 600% e el paexe l’è pasà da esportator a importator de formenton.

Religion[canbia | canbia sorxente]

La majoria de i Zimbabueani segue i riti tradisionai (75%). I Catoleghi xe el 10%, el resto xe protestanti o cristiani de sete locali.

Laori en corso!
In sto moménto qua, l'uténte Ciaurlec (msg) el xe drio far modìfeghe inportanti a sta vóxe o sesion
Par scansar confliti de edision, no sta a modifegar sta vóxe fin a có che sto avixo no'l vien levà via.
Se l'ùltima modìfega ła xé de desferénte ore fa, par piaxer cava 'l avixo.