Prinsipato de Mònaco

Monaco
Motto: Deo iuvante (tradusion: "Con l'ajuto de Dio")
Informasion
Nome par intiero:	Prinsipato de Monaco
Nome ufisiałe:	Principatu de Múnegu Principauté de Monaco
Łéngoa uficiałe:	fransese, monegasco
Cavedal:	Monaco1  (31.842 ab. / 2000)
Polìtega
Governo:	monarchia costitusional
Capo de stato:	Alberto II de la casa Grimaldi
Capo de governo:	Jean-Paul Proust
Indipendensa:	8 xenaro 1297
Ingreso a l'ONU:	28 majo 1993
Area
Totale:	1,97 km²
Pos. nel mondo:	261°
% delle acque:	trascurabile %
Popolasion
Totałe:	32.796 ab.  (2008)
Pos. nel mondo:	188°
Densità:	16.648 ab./km²
Giografia
Continente:	Europa
Fuxo oràrio:	UTC +1
Economia
Vałuta:	Euro
Varie
TLD:	.mc
Prefiso tełef.:	+377
Sigla autom.:	MC
Ino nasionałe:	Inno monegasco
Festa nasionałe:	19 novembre
1Monaco è una città-stato

El Prinsipato de Mònaco (monegasco: Principatu de Múnegu; franséxe: Principauté de Monaco; ocitan: Principat de Mónegue; italian: Principato di Monaco), el xe conosùo normalmente soło come "Monaco", el xe el secondo Stato pi ceo del móndo. L'è na sità-stato governà da na monarchìa costitusionałe e 'l se cata łóngo a costa franséxe pena drio el confin itałian.

Monaco el xe el Stato co ła densità de popołasion pi fisa del móndo e 'l xe anca uno dei Stati pi richi.

Połìtica e Governo

El Prinsipato de Mònego e 'l Liechtenstein i xe łe ùniche dó monarchìe de Europa indove che el Sovran el ga dei poteri veri e no soło formałi. El Prìnsipe de Mònego el ga el poter legislativo insieme col Conséjo Nasionałe (parlamento), el ga el poter executivo exersità traverso un Ministro de Stato nominà de sòłito su proposta franséxe e l'à anca el poter judisiario. Fin puchi ani fa un Tratato fra Mònego e Fransa el dixéa che, se mancava eredi par el Prinsipato, Mònego el sarìa deventà parte de ła Fransa ma col nóvo Tratato del 2002 xe garantìo che Mònego el restarà ar senpre un Stato sovran e indipendente anca in caxo che manche eredi. Sóto el Pr. Ranieri (deso morto) l'ùltimo Ministro de Stato el xera stà nominà autonomamente rispeto ła proposta franséxe.

Ła diféxa del Prinsipato ła depende da łe forse miłitari fransixi ma Mònego el ga comunque un só exèrsito picenin che se òcupa de defènder el Prìnsipe e anca de controłar łe coste e 'l póco mar teritoriałe del Stato.

Mònego el vien normalmente clasificà fra łe sità-stato ma sarìa pi justo definirlo sità-e-stato parché oltre che Stato el xe aministrativamente anca un Comun: geograficamente el Comun el ga i stési confini del Stato ma legalmente el ga dei organismi comunałi (Conséjo Comunałe e Sìndico) diversi da quii statałi e che i va drio i mistieri locałi.

Divixion aministrative

El Comun de Mònaco (che coincide col Stato) el xe divixo in quatro quartieri: Monaco-Ville conosùo anca come Ła Roca, La Condamine, Montecarlo famóxo quartier del Casino e Fontvieille el nóvo quartier fato sugando un tochetin de mar. I quartieri, dopo, i xe divixi in distriti pi picenini: spiaja de Larvotto, Moneghetti, Tenao, Jardin Exòtico...