Bùcarest

Da Wikipedia, l'ençiclopedia libara.
Va a: navigasion, serca
Bùcarest
(RO) Bucureşti
munisipio
Bùcarest – Stema Bùcarest – Bandiera
Bùcarest – Veduta
Dati aministrativi
Stato bandiera Romania
Rejon Bucarest-Ilfov
Distreto No prexente
Sìndico Sorin Mircea Oprescu dal 2008
Teritorio
Coordinae 44°25′00″N 26°06′00″E / 44.416667, 26.1Coordinate: 44°25′00″N 26°06′00″E / 44.416667, 26.1
Altitudine 75 m s.l.m.
Superfise 228 km²
Abitanti 1 944 367[2] (01-01-2009)
Densità 8 527,93 ab./km²
Sotodivixion ulteriori 6 setori
Altre informasion
Còd. postałe 030000
Fuxo orario UTC+2
Targa B
Rejon storega Valacia
Locałixasion
Romania location map.svg
Bùcarest
Romania location map Topographic.png
Bùcarest
Sito istitusionałe

Bùcarest (rum. Bucureşti /bu.ku'reʃtʲ/ ) ła xe ła cavedal e ła sità pi granda de ła Romanìa (1 944 367 ab., 2,1 milioni có l'àrea metropoitana). Tacada a sud del paexe, so'l fiume Dâmboviţa, ła xe el pi gran sentro industrial e comersal de ła Romanìa.

Ła superfìse total de Bùcarest ła xe de 228 km². Fin a pochi ani indrìo łe xone in banda łe jera prinsipalmente rurai, però dal 1989 se ga scuminsià a tirar su novi cuartieri datorno de ła sità.

Secondo antighe scriture ła xe stà fondà so ła riva del fiume Dâmboviţa inte'l 1459 da Vlad III de Valacia. El só nome se lo fa rivar da cueo là de un pegorer ciamà Bucur, che in romen el vol dir "Bagoes"; par sta raxon el nome Bucarèst el pol èsar traduxesto cofà "Sità de l'aegrìa".

Ła popolasion ła xe cresesta tanto rapidamente inte i ùltimi do sècoi ma ła xe drìo conósar na faxe de aresto da ła seconda metà dei ùltimi ani '90.

Eco el nùmaro dei abitanti de ła sità dal 1800 al 2002:

  • 1800: 32 000
  • 1859: 12 000
  • 1900: 282 000
  • 1918: 383 000
  • 1930: 639 000
  • 1966: 1 452 000
  • 1992: 2 067 545 (2 354 510 l'inglomerà urban)
  • 2002: 1 926 334

Pur gavendo sol che el 9% de l'intiera popolasion de ła Romanìa, Bùcarest ła produxe el 21% del PIL del paexe, sendo ła xona pi sviupà e industriaixà.

Aministrasion[canbia | canbia sorxente]

Bùcarest ła ga na condision aministrativa ugnoła inte'l stato rumeno, El xe infati 'l ugnoło comun che no apartien a un distreto.

A cao del goerno sitadin (Primăria Generală in rumeno) gh'è el sìndico de Bùcarest (Primarul general al municipiului Bucureşti in rumeno). Po ghe xe el consejo sitadin (Consiliu general), costituio da 55 consejeri eleti ogni cuatro ani.

Setori aministrativi de Bùcarest

Ła sità ła xe sudivixa in sie setori (sector) aministrativi. Ognun de chesti el ga un propio sìndico e un propio consejo che i se ocupa de cuestion locałi. Anca i conseji de setor i xe eleti ogni cuatro ani. Ogni setor el conprende diversi cuartieri (cartiere) che no i ga funsiona aministrative.

  • Setor 1 (cuartieri: Dorobanţi, Băneasa, Aviaţiei, Pipera, Aviatorilor, Primăverii, Romanǎ, Victoriei, Herǎstrǎu, Bucureştii Noi, Dǎmǎroaia, Strǎuleşti, Chitila, Griviţa, 1 Mai, Pajura, Domenii e na picoła parte de Giuleşti); 67,5 km², co 227 717 abitanti[1]
  • Setor 2 (cuartieri: Pantelimon, Colentina, Iancului, Tei, Floreasca, Moşilor, Obor, Vatra Luminoasă, Fundeni, Ştefan cel Mare); 38 km² con 357 338 abitanti[1]
  • Setor 3 (cuartieri: Vitan, Dudeşti, Titan, Centrul Civic, Balta Albă, Dristor, Lipscani, Muncii, Unirii); 34 km² con 399 231 abitanti[1]
  • Setor 4 (cuartieri: Berceni, Olteniţei, Văcăreşti, Timpuri Noi, Tineretului); 34 km² con 300 331 abitanti[1]
  • Setor 5 (cuartieri: Rahova, Ferentari, Giurgiului, Cotroceni, 13 Septembrie, Dealul Spirii): 32 km² con 288 690 abitanti[1]
  • Setor 6 (cuartieri: Giuleşti, Crângaşi, Drumul Taberei, Militari, Grozǎveşti, anche conosciuto come Regie, Ghencea); 30 km² con 371 060 abitanti[1]

El comun de Bùcarest e 'l distreto de Ilfov, che'l sirconda ła sità, i costituise una de łe rejon de sviłupo de ła Romania, uxae da ła Romania e da ła UE par fini statistisi ma sensa vałensa aministrativa.

Gaerìa fotogràfega[canbia | canbia sorxente]

Note[canbia | canbia sorxente]