Viena

Da Wikipedia, ła ençiclopedia libara.

Viena


Nome ufficiale:	Wien
Stato:	Austria
Stato federałe :	Viena
Coordinate:	Latitudine: 48° 12′ N Longitudine: 16° 22′ E
Superficie:	414,90 km²
Altitudine:	151-543 m s.l.m.
Popołazsion:	1.631.082 ab. (2005)
Targa:	W
CAP:	1010-1500
Prefiso teł:	01
Sito istituzsionałe

Viena (en tedesco Wien, en bavarese Wean) ła xé ła cavedal e ało steso tenpo no stato federà deł'Austria, conpletamente çircondà da ła Basa Austria.

Viena ła xé sede de inportanti organizsazsiòn internazsionałi fra łe quałi: OPEC, AIEA e ONU.

El çentro storego de ła çità xé stà dichiarà patrimonio deł'umanità dał'UNESCO.

[modifica] Storia

Abità za dai Celti, Viena la xe deentà na zità romana nel I secolo d.C., col nome de Vindobona. Catandose proprio sul Danubio, la xera na zità de frontiera, inportante par defendar l'Inpero da le tribù germaniche del nord. Ne l'alto Medioevo la zona de Viena la xe sta invasa da vari popoli, prima i Longobardi, po i Slavi, i Avari e i Magiari, finché nel 955 l'inperador del Sacro Romano Inpero Otto I el ga parà via i Magiari e nel 976 el ga dato Viena a la fameja dei Babemberg. Xe tacà quindi un longo periodo de sviluppo, deentando una de le zità pi inportanti de l'Inpero, e nel 1156 xe nato el Ducato d'Austria, con Viena capital. Nel 1246 sa estinto la dinastia dei Babemberg, e nel 1278 l'Austria la xe sta ciapà da Rodolfo d'Asburgo re de Germania, e xe tacà la dominazion asburgica (che la ndarà vanti fin al 1918). La xe sta asedià dai Turchi na prima olta nel 1529, ma i Vienesi i ga tegnù bota; i Turchi i ga riproà nel 1683 e i xe rivà a tanto così da ciapar la zità e invadar l'Europa zentral, ma i xe sta fermà da n'aleanza de polachi e todeschi soto el comando del re de Polonia Jan Sobieski. Nel 1815 la a ospità el Congreso de Viena, che'l ga ridisegnà l'Europa dopo le guere de Napoleon. Dopo che xe cascà l'Inpero Austro-Ungarico a seguito de la prima guera mondial, Viena la xe deentà capital de la Republica Austriaca. Nel 1938 la xe sta ciapà da Hitler, e dopo la seconda guera mondial i Aleati i la ga divisa in quatro zone de ocupazion, come a Berlin, e dal 1955 la xe tornà capital de l'Austria.