OPEC
Da Wikipedia, l'ençiclopedia libara.
L'OPEC la xe l'Organixassion dei paesi esportadori de petrolio (inglese: Organization of the Petroleum Exporting Countries). Fondà nel 1960, la conprende 12 paesi che se ga unìo in sto cartèlo economico par decìdar insieme su la produssion de petrolio, el prezo de vendita e le concession a le varie conpagnie petrolifere. Tuti insieme, i paesi OPEC i produse el 42% del petrolio mondial e el 17% del gas naturale. Inoltre i ga el 78% de le riserve mondiali de petrolio e el 50% de quele de gas. La sede la xe a Viena in Austria.
I paesi de l'OPEC i xe:
- Algeria – dal 1969
- Angola - dal 2007
- Arabia Saudita - dal 1960
- Ecuador – dal 1973 al 1992, rientrà dal 2007
- Emirati Arabi Uniti – dal 1967
- Iran – dal 1960
- Iraq – dal 1960
- Kuwait – dal 1960
- Libia – dal 1962
- Nigeria – dal 1971
- Qatar – dal 1961
- Venesueła – dal 1960
Paesi ex-menbri:
Alcuni dei pi grandi produtori de petrolio no i fa mia parte de l'OPEC: tra questi ghe xe USA, Russia, Cina, Messico, Canada.
