Canada

Canada
Motto: A Mari Usque Ad Mare (Da on mar al'altro)
Informasion
Nome par intiero:	Canada
Nome ufisiałe:	Canada
Łéngoa uficiałe:	inglexe e fransexe
Cavedal:	Ottawa  (808.391 ab. / 2004)
Polìtega
Governo:	Monarchia parlamentare
Capo de stato:	Elisabetta II, Regina del Canada Governatrice: Michaëlle Jean
Capo de governo:	Stephen Harper
Indipendensa:	Dal Regno Unìo, 1 de lujo 1867 (autonomia); 11 de diçenbre 1931 (indipendensa)
Ingreso a l'ONU:	9 de novenbre 1945 1
Area
Totale:	9.976.140 km²
Pos. nel mondo:	2°
% delle acque:	8,62 %
Popolasion
Totałe:	33.098.932 ab.  (2006)
Pos. nel mondo:	35°
Densità:	3 ab./km²
Giografia
Continente:	Merica setentrionałe
Fuxo oràrio:	UTC da -3,5 a -9
Economia
Vałuta:	Dołaro canadexe
Varie
TLD:	.ca
Prefiso tełef.:	+1
Sigla autom.:	CDN
Ino nasionałe:	O Canada
Festa nasionałe:	1 de lujo
1El xe uno dei 51 Stati che i ga dà vita a ł’ONU ntel 1945.

El Canada el xé un paéxe de ła Mèrica setentrionàl, a nord de i Stati Unìi de la Mèrica, e el xé el secondo paéxe pì estexo del mondo.

En Canada xe riconosue do łéngoe ofiçiałi, ła łéngua inglexe e ła łéngua fransexe. El fransèxe el xé ciacołà come prima łéngoa inte ła provincia del Quebec e anca in serte parti de łe privince de Novo Brunswick, Teranova e Ontario. Pì d'un canadéxe su do xé de madrełéngoa ingléxe e sirca uno su quatro xé de łéngoa materna francéxe. I altri i ciàcoła łéngoe autoctone o, infrà i imigrai, łéngoe straniere. Inte'l Quebec el francéxe el xé ła łéngoa ofiçiałe; inte'l resto del Canada xé el angléxe. Alcune çità, en particołare Montréal e Ottawa, łe xe biłéngoi.

Ordenamento del Stato

EL Canada el xe un Stato federal, istituio cofà domigno inte'l 1867, e dal 1926 partegnente al Commowealth. El ga na nova Costitusion del 25 de April 1982.
El xe sudiviso in diese provinse e tre teritori.

Provinse

• Teranova e Labrador
• Nova Scosia
• Novo Brunswick
• Quebec
• Ontario
• Manitoba
• Saskatchewan
• Alberta
• Cołunbia Britanica

Teritori

• Yukon
• Teritori del Nord-Ovest
• Nunavut

A tuteła de łe minoranse indixene, el 1° de Avril del 1999 xe stà istituio el novo Teritorio autonomo de Nunavut (creà da na posizion dei Teritori del Nord-Ovest).

Sudivision del Canada en Provinze e Teritori

Sità

Ła capitałe Ottawa xe ła quarta sità del Canada. Ła pì popołà ła xe Toronto, seguia da Montreal e Vancouver. Altre sità 'nportanti łe xe Calgary, Edmonton, Quebec, Winnipeg, Hamilton, Łondra, Kitchener, Santa Catarina-Niagara, Halifax, Oshawa, Vitòria, Windsor, Sskatoon, Rejina, Sherbrooke, San Janni.

Łengoe

Ghe xe diverse łengoe in Canada, parchè i Inglexi e i Francexi i se gha da bataja par el controło del Stato. Ghe rexulta che ghe xe un 25% de Canadexi che i parla ła łéngua fransexe e quei che resta che i parla ła łéngua inglexe, anca se, grasie ałe imigrasion de Itałiani, Ucrajni, Cinexi, Rusi, Tedeschi, Spagnołi e de quei altri che resta, el Canada el xe na nasion multiłengoe. Da recordar, anca, łe łengoe parlae da i Inuit e da i Eschimexi.

Someje

• 

  Ła evołuxion storica del Canada

• 

  Toronto

• 

  Montreal

• 

  Vancouver