Osèano Pasìfego
Da Wikipedia, ła ençiclopedia lìbara.
L'Osèano Pasìfego, el xe el pì grando Osèano del mondo, l'ocupa sirca on terso de ła superfsie terestre, co on'area de 179 milioni de chiłometri quadrati. El se estende da nord a sud par sirca 15.500 chiłometri, dal mar de Bering 'nte ł'Artico fin ai marxeni giasà del mar de Ross inte ł'Antartide. Ła magior łarghesa in senso est-ovest ła se cata a sirca 5 gradi de łatitudine nord, co 'na distansa de 19.800 chiłometri da ł'Indonexia ałe coste deła Cołonbia. El łimite osidental del'osèano el xe in xènare meso visin aò Streto de Małaca. El łogo pì basso de ła superfisie terestre el se cata 'ntel Pasìfego, visin ła fosa de łe Mariane.
