Antartide

Da Wikipedia, ła ençiclopedia libara.

L'Antartide el xe el continente pi meridional de la Tera. El xe grando 14 milioni de km², e el 98% del so teritorio l'è cuerto in eterno da un strato de giazo alto in media milesiezento metri. El xe el continente pi fredo de la Tera, e anca quelo con le pi grande riserve de aqua dolza. Le uniche bestie che ghe sta le xe i pinguini, le foche e calche tipo de oseo. No ghe xe na vera popolazion: i unici insiedamenti abità le xe le basi sientifiche (na otantina, costruìe da varie nazion), dove ghe vive su le quatromila persone d'istà e mile d'inverno.

Politicamente l'Antartide nol xe de nisuni: vari stati ga rivendicà la sovranità su tochi de l'Antartide, ma ste rivendicazion le xe sta sospese col Tratato Antartico firmà nel 1959 da 45 paesi del mondo. Co sto Tratato i ga deciso che in Antartide se pol far solo atività de riserca sientifica; no se pol farghe atività militari.

Continenti de la Tera
Eurafrasia						Meriche						Eurasia						Oceania
Africa				Antartide				Asia				Eoropa				Merica setentrional				Merica meridional
Supercontinenti de le vecie ere giologiche: Gondwana · Laurasia · Pangea · Rodinia