Poło

Da Wikipedia, l'ençiclopedia libara.
Va a: navigasion, serca

El poło el xe ciascun de łi do ponti estremi de un diametro, perpendicołar a el pian de un sercio masimo de na sfera; sto diametro el raprexenta el ase de rotasion de ła sfera, e da chesto, insieme co el sircoło masimo, el dipende el sistema de cordinae co el cual el xe posibiłe de stabiłir ła poxision de tuti łi ponti de ła superfisie sferega.

Tera in rełasion a un sistema de cordinae ecuatorial: i połi sełesti i se cata in ciel, chełi terestri a ła intersesion co ła superfisie de el pianeta (o ła so raprexentasion cofà ełisoide de rotasion).

Łi połi łi coresponde a robe difarenti a seconda de el sistema de riferimento che se uxa: int’el sistema altaximutal łi coresponde a el zenit e al nadir, donca a łi połi de el orixonte; int’el sistema ecuatorial a łi połi sełesti; int’el sistema eclitego a łi połi de ła eclitega; int’el sistema gałatego a łi połi de ła Via Łàtea.

In giografia se fa riferimento a łi połi sełesti[1] distinguendo do caxi.
Łi połi veri łi xe i do ponti indove che el ase istantaneo de rotasion terestre el incontra ła superfisie de ła Tera.
Łi połi terestri o giografeghi łi xe invese łi do ponti indove che el ase istantaneo de rotasion terestre [2] el incontra el ełisoide de rotasion, co el cual se aprosima ła superfisie de ła Tera. Łi se ciama rispetivamente poło nord [3]e poło sud[4], sendo el Nord cheło da indove un oservator el vedaria ła Tera xirar in senso antiorario soto łi so pie. Ła proiesion de el ase de rotasion da sta banda ła ponta verso ła costełasion de ła Orsa Minor, da staltra banda ła ponta verso ła costełasion de ła Croxe de el Sud.
Poło vero e poło giografego łi xe distanti sirca 15 m.

Gałeria de imaxene[canbia | canbia sorxente]

Note[canbia | canbia sorxente]

  1. cusì in realtà se definise łi do ponti individuai so ła sfera cełeste
  2. in sto caxo anca ase de simetria de el ełisoide de rotasion
  3. dito anca artego o boreal
  4. dito anca antartego o austral