Continente

Na posibile sudivision de la Tera in continenti

Un continente (dal latin continere, cioè "tegner insieme") el xe un grando toco de tera emersa de la crosta terestre. No ghe xe però na definizion ciara de continente, per cui ghe xe diverse maniere par sudividar le tere emerse. Le Meriche a olte le se considera un continente solo e a olte do (Merica de sora e Merica de soto, unìe da l'istmo de Panama. L'Europa la se considera de solito un continente da par ela, nonostante che la sia tacà a l'Asia par un bel toco; se inveze se vol indicar Europa e Asia insieme se parla de Eurasia o de supercontinente eurasiatico. Se se tira dentro anca l'Africa in sta definizion, elora se ghe ciama Eurafrasia. Inoltre a olte par indicar l'India e le tere vizine se parla de subcontinente indian, parché na olta la penisola indiana la jera un continente da par ela che dopo el xe ndà incosto a l'Asia, tacandoseghe insieme e formando la cadena montuosa de l'Himalaya.