Ongarìa

Da Wikipedia, l'ençiclopedia libara.
Va a: navigasion, serca


Ongarìa
Ongarìa - Bandiera
Ongarìa - Stemma
Motto: 

LocationHungary.svg


Informasion
Nome par intiero: Ongarìa
Nome ufisiałe: Magyarország
Łéngoa uficiałe: óngaro
Cavedal: Budapest
Polìtega
Governo: Repùblica
Capo de stato: János Áder
Capo de governo: Viktor Orbán
Indipendensa: 1918
Ingreso a l'ONU: 14 de diçenbre 1955
Area
Totale: 93.030 km²
Pos. nel mondo: 108°
 % delle acque: 0,74 %
Popolasion
Totałe: 10.076.581 ab.  (2006)
Pos. nel mondo: 82°
Densità: 108 ab./km²
Giografia
Continente: Europa
Fuxo oràrio: UTC +1
Economia
Vałuta: Euro (€)²
Energia: 0,40  kW/ab.
Varie
TLD: .hu
Prefiso tełef.: +36
Sigla autom.: H
Ino nasionałe: Himnuszl
Festa nasionałe: 20 de agosto

Hu-map.png


L'Ongarìa (o Ungarìa) ła xe na nasion de l'Europa Sentrałe e ła ga cofà capitałe Budapest.

Storia[canbia | canbia sorxente]

El teritorio de l'Ongaria a destra del Danubio el xe sta conquistà nel I secolo a.C. dai Romani, e el xe deentà parte de l'Inpero come provincia de Pannonia. Co le invasion barbariche xe rivà i Avari, che nel 796 i xe sta batui da Carlo Magno. In seguito xe rivà i Ungari, che ne l'anno 1000 i ga incoronà el primo re de l'Ongaria, Stefano I (in seguito proclamà santo col nome de santo Stefano d'Ongaria), che el ga convertio el so popolo al cristianesimo e creà un forte Stato feudal. Quando el xe morto, nel 1038, xe ndà su par un breve tocheto el venexian Pietro Orseolo, che l'era fiol de la sorela de Stefano, e quindi l'era l'erede legitimo, visto che Stefano nol gavea fioi. Però dopo pochi ani el ga perso el trono par na rivolta. I disendenti de Stefano i ga comunque mantegnesto el trono de Ongaria, fondando la dinastia dei Arpadi, fin al 1302, quando la fameja la sa estinto. El regno el ghe xe passà quindi a na serie de sovrani foresti (i Angiò, i Lusenburgo, i Asburgo etc.).

Dal XV secolo i Ongaresi i ga dovesto vedarsela coi Turchi Otomani. A l'inizio i Ongaresi i ga tegnuo bota, venzendo presenpio la bataja de Belgrado nel 1456, ma dopo un secolo e passa de guera continua i Turchi i ga vinto la granda bataja de Mohacs (1526), conquistando bona parte de l'Ongaria, che i ga doparà come base par atacar Viena nel 1683. Dopo la sconfita patia a Viena, i Turchi i ga scuminzià a cedar, e i Asburgo i ga podesto conquistar un toco a la olta tuta l'Ongaria (conquista confermà dal tratato de Karlowitz, 1699).

Nel 1848 i Ongaresi i se ribella ai Austriaci dichiarando l'indipendenza, ma la rivolta la va a finir mal. I ghe riproa però dopo la sconfita de l'Austria ne la guera contro la Prussia del 1866, e col Conpromesso (Ausgleich) del 1867 i riese a farse dar un'anpia autonomia. l'Inpero Austriaco el deenta cosita Inpero Austro-Ungarico. Nel 1918, dopo la sconfita ne la prima guera mondial, l'Ongaria la dichiara l'indipendenza e nase la Republica. Ne la seconda guera mondial l'Ongaria la se mete da la parte de Germania e Italia, e a la fine de la guera la vien ocupà da l'Union Sovietica, che la mete in pié un goerno comunista e totalitario. I Ongaresi i proa a ribelarse nel 1956, ma el paese el vien invaso de novo da l'Armata Rossa, che la stofega nel sangue la Rivoluzion. Finalmente nel 1989, quando casca el Muro de Berlin, el regime el cede e ritorna la democrazia. Nel 2004 l'Ongaria l'è entrà ne l'Union Europea.