Montenégro

Montenegro
Informasion
Nome par intiero:	Montenegro
Nome ufisiałe:	Crna Gora Црна Гора
Łéngoa uficiałe:	Montenegrino
Cavedal:	Podgorica  (139 100 ab. / 1999)
Polìtega
Governo:	republica parlamentare
Capo de stato:	Filip Vujanović
Capo de governo:	Milo Đukanović
Indipendensa:	Da la Serbia e Montenegro, 3 giugno 2006
Ingreso a l'ONU:	28 giugno 2006
Area
Totale:	13 812 km²
Pos. nel mondo:	157°
% delle acque:	%
Popolasion
Totałe:	598 000 ab.  (2007)
Pos. nel mondo:	162°
Densità:	43,3 ab./km²
Giografia
Continente:	Europa
Fuxo oràrio:	UTC +1
Economia
Vałuta:	Euro
Varie
TLD:	.me
Prefiso tełef.:	+382
Sigla autom.:	MNE
Ino nasionałe:	Oj, svijetla majska zoro
Festa nasionałe:	13 lujo
{{{note}}}

Ła Republica del Montenegro (serbo: Црна Гора, Crna Gora, che vol propio dir "monte néro") la xè na republica picenina in te łi monti de i Balcani, che ła se mostra sul mar Adriatico. La conta 598 000 abitanti e la ga na superficie de 13 812 km². Ła so capital ła xè Podgorica.

Storia

Nassuo inte l'Età de mezo cofà principà serbo, passando soto i Otomani nel 1499. Dopo varie rebelion, nel 1878, col Congreso de Berlin, el Montenegro el xe riussio a farse riconossar da l'Inpero Otoman cofà principà independente, el 1910 el principe Nicola I el se proclama Re. Però durante la prima guera mondial el xe stà invaduo dai Austriachi, e nel 1918 el ga perso la so independenza, ndando a far parte del Regno dei Serbi-Croati-Sloveni (che dopo el ndarà chiamarse Jugoslavia). Inte'l 1919 i montenegrini restai fedei al re Nicola i ga anca proà a rebelarse ai Serbi, ma i xe sta batui. Nel 1941-43, durante la seconda guera mondial, el xe stà ocupà dai taliani (e dopo i todeschi fin del 1944). L'idea del re Vitorio Emanuele III la gera quela de ricostruir un regno del Montenegro, tacando sul trono uno dei Savoia (che i era inparentà co la fameja real montenegrina), ma no i ga mia fato in tenpo a realisar sto prozeto prima de la sconfita taliana.

Dopo che sa desfà la Jugoslavia nel 1991, el xe sta l'ugnola republica che xe restà insieme co la Serbia inte'l novo Stao de Serbia e Montenegro, ma dal 3 de lujo 2006 el xe independente in sevito a un referendum.

El nome

Eł nome "Montenegro" eł xe stà introdoto da i Venesiani, e eł fa riferimento al color scuro e intenso de łe foreste che na olta łe cuerzéa łe Alpi Dinareghe, cosita come se podéa védarle dal mar. Tralatro ł'è interesante notar come, in quasi tute łe lengoe ocidentałi, se dòpara propio el termine "Montenegro" par indicar sto paéxe, pitosto de tradurlo o de doparar el termine suo de lori (e cioè Crna Gora). Ła republica de Venesia ła gavéa però soło ła çità de Cátaro e łe só boche.