Prima guera mondiałe

Da Wikipedia, ła ençiclopedia libara.

Sto articoło l'è sołamente 'no schizso (stub). Se ti pol dàne na man a finirlo indeso. Se ti pol da na man a mejorar secóndo łe convenzsion de Wikipedia. Par l'ełenco conpleto dei schizsi, varda ła categoria dei stub.

Prima guera mondiałe
Data: 1914–1918 (armistizio)/1919 (trattato de pace) Posto: Europa, Africa, Medio Oriente, oceani Pacifico, Atlantico, Indiano. Èxito: Vitoria de l'Intesa
Schieramenti
Intesa: Servia, Rusia, Franzsa, Belgio, Inpero britanico, Giapòn, Montenegro, Italia, Grecia, Portogało, altre nazsion ałeate de ł'Intexa	Inperi Zsentrałi: Austria-Ungheria, Inpero Germanico, Inpero Otoman, Bulgaria
Comandanti
Armando Diaz, Joseph J. C. Joffre, Douglas Haig, Alexander Samsonov, John Pershing, Ferdinand Foch	Franz Conrad von Hötzendorff, Erich von Falkenhayn, Paul von Hindenburg, Erich Ludendorff
Perdite
circa 5.165.000 miłitari e 3.155.000 civiłi, 13.990.000 ferii.	circa 3.486.000 miłitari e 3.485.000 civiłi, 8.390.000 ferii.

[modifica] El fronte itałian

[modifica] Łe tre Batagie del Grapa

[modifica] Antefato

Tuto scominsia co ła "ritirata" (ritirada) de Caporeto, efeto de ła pèrdita neła 12° batagia del'Isonso, e neła conseguente rotura del fronte. L'Exercito el torna indrio e el se ferma sul Grapa , fra el Brenta e el Piave, novenbre 1917. Dopo i primi dì de sbandamento, ła ritirada ła se organixa megio par mèrito del General Luigi Cadorna. Ła serve rèndarse conto che i soldai i gera strachi morti, afamài e demorałixai. Tanti no i gaveva gnanca el fuxil: el 91. Quaxi tuto: canoni mortai e munision i gera stài abandonài par far presto e no èser circondài. I austriaci , visto come ndava łe robe , za i pensava de rivar in pianura e de méter łe zsate su łe zsità, paexi, e su tuto el ben de Dio che ghe gera ne łe campagne, senzsa pensar che i gavarìa ciapà i nostri Bocia a łe spałe sul Monteo e sul Piave. I Nostri Soldai, capia ła situazsion e tirae sù łe màneghe, i ga costruì co tanta fadiga e tanti morti na łinea difensiva nóva par fermar na volta par tute sti foresti.

[modifica] Ła Batagia de bloco

Ła prima batagia par fermar i austro-ungarici ła xe divixa in do tempi : dal quatordexe al vintisie de novenbre e da l'ùndexe al vintiun de desenbre del 17. Dopo un viołento bombardamento de canoni , i austriaci i taca łe nóve łinee de difexa tra Cismon e el Piave. I méte in campo tuto queło che i ga :i grossi caibri , i spara fógo , e anca i gas asfisianti, e pian pianeło i scominsia a rosegar łe primìsime łinee . Giorno dopo giorno, sempre più posti vien investii dała fanteria (el Roncon , el Prasoean , Col Caprie ,el Pertega ,el Tomba ecc.). Sti monti Sacri i vien ciapai e persi tante volte co tante pèrdite fin al vintisie novenbre ,giorno che vede ła Brigada Aosta e soldai del batagion alpin "Val Brenta" butar fora dal Col dea Bereta ła divison "Edelweiss".

I austriaci i gera de più , più ripoxai e in quel momento più caricai , ma i nostri Soldai i gera disperai per el pericoło che coreva tuta l'Italia , e sta disperazsion xe stà ła forzsa che ga tirà fora l'altìsimo vałor da tuti i fanti.

In 'sto momento intanto, riva i Francesi e i Inglexi per darne na man, dato che gèrimo a corto de canoni e ne vołeva calcosa per tirarne suxo el moral.

Gnanca el tempo de un cafè che i austro-ungarici i taca n'altra volta l'undexe de desembre. E se torna a coparśe sul Col de ła Bereta , sul Col de l'Orso su l' Axołon, evc.

I nostri i rexiste, ma perdémo l'Axołon e cusì łori i riva in vista de Basan. Ma no xe mìa finio, e el vintiun de desembre i austriaci i śe ferma e tuto pel momento taxe.

Ła batagia de bloco ła xe nostra.

[modifica] Ła Batagia de diféxa

Durante l' inverno col frédo łe forzse itałiane łe organixa dei gran łavori de diféxa sia sul teren che in rocia, sicure che co i primi caldi, saria scominsià ła łota. I łavori i xe pexanti e pericołoxi, dato che sémo stai spenti a ła fine de ła Montagna verso Basan, e no ghe xe tanta tera da drio. Par fortuna o par mèrito , el Cołonło del Genio Nicola Gavotti el studia e l'inventa ła Galleria Vittorio Emanuele III: na vera e propria strada drento ła Montagna de 5.000 metri tra el brazso prinzsipal e quei secondari. Questi i sbóca sui fianchi del Grapa , co postazsion de artiglieria e posti de oservazsion . Da staltra parte viceversa, i austro-ungarici i se prepara co ła 11° armada a ła conquista del Grapa e, dopo averlo ciapà, riversarse su ła pianura e ciapar a łe spałe łe nostre diféxe sul Piave nel steśo momento che ła 5° e 6° armada austriaca łe gavaria tacà frontalmente.

Ła Batagia del Solstizsio ła scominzsia ne ła note del quìndexe giugno del disdoto, da l' Astico al mar. In gergo miłitar , doprando tuti i canoni fémo un gran tiro di contropreparazione in risposta al tiro di preparazione che gaveva scominsià i austro , łasandołi de stuco.

Sul Grapa ghe xe un gran caigo, no se véde un tubo , e in queła situazsion staltri taca senzsa èser visti, e in póco tempo i riva sul Col Moschin e anca fin sul Ponte San Łorenzso. Anca Cima Grapa vien tacada da diverse direzsion , e i Nostri no i ghe ła fa a tegnirli: grandi scontri e tanti morti, a ła fine i austro-ungarici i se ferma su ła diretrice Valderoa - Solarolo , riciapada dai Nostri el giorno dopo. Tuto o quasi xe tornà come prima, soło che tanti Fiołi de łe dó parti no i ghe xe altro.

In queła batagia Epica, ben siezsentoquaranta medagie al Vałor Miłitar łe xe stà dae ai Fanti, Alpini, Arditi e Genieri .

'Sto rixultà el xe stà na copada par i Austro-ungarici parché i gera restai co poco magnar, senzsa abiti, pochi rifornimenti e senzsa più moral. I gaveva naxà ła vitoria e deso ła sconfita.