Gresia

Grecia
Motto: Libartà o morte Ελευθερία ή Θάνατος Eleftherìa i thànatos
Informasion
Nome par intiero:	Grecia
Nome ufisiałe:	Ελλάδα - Ellinikí Dhimokratía
Łéngoa uficiałe:	greco
Cavedal:	Atene  (3 761 810 ab. / 2001)
Polìtega
Governo:	Repubblica parlamentare
Capo de stato:	Karolos Papoulias
Capo de governo:	George Papandreou
Indipendensa:	25 de marso 1821
Ingreso a l'ONU:	25 de otobre 1945 1
Area
Totale:	131 940 km²
Pos. nel mondo:	94°
% delle acque:	0,86 %
Popolasion
Totałe:	10 665 989 ab.  (2004)
Pos. nel mondo:	70°
Densità:	82 ab./km²
Giografia
Continente:	Europa
Fuxo oràrio:	UTC +2
Economia
Vałuta:	Euro
Varie
TLD:	.gr
Prefiso tełef.:	+30
Sigla autom.:	Gr
Ino nasionałe:	Imnos Is Tin Eleftherian
Festa nasionałe:	25 de marso
1È uno dei 51 Stati che hanno dato vita all’ONU nel 1945.

La Grecia dal satelite

La Grecia la xe na Republica del sud Europa. La confina co l'Albania, co la Macedonia, co la Bulgaria e co la Turchia. El so nome oficial el xe Repulica Elenega (in gregco Ελληνική Δημοκρατία). La xe na democrazia dal 1974 e la gera na ditadura dal 1967. La xe granda 131 957 km² e la ga 10 655 989 abitanti.

Rento de la Grecia ghe xe anca el teritorio semi-autonomo del Mónte Athos.

Zeografia

Corfù

La Grecia la xe formada da la parte final de la penisola balcanega e da 2000 isole catae intei mari Jonio e Egeo.

• Suparficie:131 957 km²
• 15 021 chilometri de coste e 1 500 isole. (106.778 km². terafèrma - 25 166 km² isole - pianura 20%).

Ła Gresia ła confina a Nord-Ovest col'Albania, a Nord co ła Masedonia e ła Bulgaria e a Nord-Est co ła Turchia. Ła longhesa total dei confini terestri ła xé de 1 215,5 km.

Isole

Łe ìxołe greche łe se divide en arcipèłaghi:

• a nord ovest ghe xé quel de łe Ìxołe Jonie (tra łe quałi: Corfù, Zante, Lefcas, Ìtaca e Sefałonia);
• a sud se cata Candia, ła pì granda de łe ìxołe greche;
• a sud est, Rodi e łe ìxołe visine, catàe vanti a ła costa de ła Turchia, łe costituise el Dodecanexo, e łe divide el mar Egeo dal Mediteraneo oriental;
• 'ntel'Egeo se cata el Negroponte, visin al'Àtica, łe Spòrade e łe Grandi Egee (Lemno, Lesbo, Chio e Samo).

Na vedua de l'Isola de Idra

Coste

El Stato greco se fasa interamente sul mar e no existe miga parte del teritorio nasional chel sia distanto pì de 137 km da ła costa. Ła conformasion de łe coste ła xé bastansa iregołar co numaroxe frastagiadure, tra łe quałi ghe xé i gòlfi de Corinto e Egina, (divixi dal' Istmo de Corinto), Patraso, Salonichi, Mesenia, Łaconia, Argòłide, Casandra, Hagiu òrus e de Orfani. La parte continental de ła Gresia ła xé formada da un mucio de penìxołe conpagne, come ła penìxoła Calcidega, del'Atica e del Peloponeso. La costa jònega la xe bassa e paludosa. Quele egee e meridionale, le xe alte e pierose.

Montagne principale

L'entrotera el xe par l'80% montagnoso. La caena del Pindo, prolongamento de le Alpe Dinareghe, el nasse in Albania e el se slarga in direzion sud-est. La caena dei monti Rodopi ła se cata a Nord-est che se slarga da Ovest a Est al confin fra Gresia e Bulgaria. Ghe xé anca un mucio de caéne ixołae, come el Monte Ołinpo, el Monte Parnaxo e el Monte Taigeto.

Vèro noti dal'antighidà i xé l'Ołinpo, 2911 m, dove ghe gera tuti i dèi, e el Monte Parnaxo dove ghe gera łe 9 muxe che ła dava na man par łe arte.

En Tesaja se cata łe Meteore, de łe formasion de piera sora de łe quałi 'ntel Medioevo i xé stà fati dei monasteri.

Altri mónti inportanti i xé ła caéna del Pindo (fra Epiro e Tesaja) e el Taigeto (en Pełoponexo).

1. Monti Acarnaniani
2. Aenos
3. Agia Dynati nell'isola di Cefalonia
4. Agkistro
5. Aigaleo o Egaleo
6. Arachnaia
7. Monti Artemissio
8. Aroania o Chelmos
9. Askio
10. Attavyros

Pianure

Parché el teritorio greco el gà un mucio de mónti, xé siguro che łe pianure łe xé poche. Ła pianura pì inportante ła xé fata dal basin pianegiante de ła Tesaja, sèvito da ła Masedonia; łe pì pìcene łe xé visin a ła costa.

Fiumi

I fiumi greghi i ga un parcorso curto e dificil e i xe de caratare torentizio, donca la so portada la varia par piovosità e stagion. I fiumi pì inportanti i

• sboca sul mar Jonio: l'Achelòos, el secondo fiume par longhezza;
• sboca inte'l Mediteraneo;
• sboca inte'l mar Egeo e intieramente greghi: l'Aliakmonas, el fiume pì longo de la Grecia (297 km); el Peneiòs, che el nasse da la caena montagnosa del Pindo e el xe el principal fiume de la Tessagia;
• sboca inte'l mar Egeo e i vien da de altri stai: l'Axios, da la Masedonia dove el ga el nome de Vardar, chei entra inte'l mar Egeo; da la Bulgaria i vien fora el Strimòn, el Néstos, l'Arachthos, l'Alfeiòs, l'Evròtas, el Màrisa, o Ebro, che el fa da confin co la Turchia. Altri fiumi i xe: Penelos, Mestae.

Laghi

• Lago Trichonida 96 km².
• Lago Volvi 70 km².
• Lago Vegoritis 54 km².
• Lago de Prespa 39 km². (parte greca, totale 3,28 km²)