Mar Jonio

Da Wikipedia, l'ençiclopedia libara.
Va a: navigasion, serca
Mar Jonio
EFS highres STS034 STS034-86-96.jpg
Imaxene satełitar da ła Gresia verso nordovest, co' ła Puja parxialmente coverta dałe nuvołe.
Parte de Mar Mediteraneo
Coordinae

38°06′04″N 18°17′41″E / 38.101111, 18.294722Coordinate: 38°06′04″N 18°17′41″E / 38.101111, 18.294722

Giografia fixica
Superfise 616000 km²
Fondità masima 5267 m
Fondità mexana 4000 m
Idrografia
Sałinità mexana 38 ‰
Tenperadura 13 °C÷25 °C
Ìxołe Corfù, Łeucade, Ìtaca, Sefałonia, Xante
Całanche Golfo de Noto, Golfo de Catania, Golfo de Sciłaċe, Golfo de Taranto, Golfo de Patraso, Golfo de Córinto, Golfo de Arcadia, Golfo de Mesènia
Giografia umana
Giografia pułitega
Stati bandiera Itałia
Flag of Albania.svg Albania
Flag of Greece.svg Grecia
Locatie Ionische Zee.PNG
łocałixasion

El Mar Jonio o anca Mar Ionio (in itałian Mar Ionio, in albanexe Deti Ion, in greco Ιóνιo Πέλαγoς, Ionio Pelagos) el xe 'na porxion del Mar Mediteraneo.

Ła se cata intra łe coste de ła Sicilia e de ła penixoła itałiana a ovest e chełe de ła penixoła balcanica a est. El se cołega a nordest col Mar Tiren tramite el Streto de Mesina, a nord col Mar Adriàtego grasie al Canal de Òtranto, a sud comunica diretamente col Mar Mediteraneo. [1]

Łe so calanche pi' grande indando in senso orario da ovest verso est le xe, el Golfo de Noto, el Golfo de Catania, el Golfo de Sciłaċe, el Golfo de Taranto, el Golfo de Patraso, el Golfo de Córinto, el Golfo de Arcadia, el Golfo de Mesènia. [2]

Giografia Fixica[canbia | canbia sorxente]

In roso łimiti secondo la OHI, in naranson secondo la Meteomar, in xało chełi tradixionałi

No converse un area molto granda, ma el ga na gran fondità (5.267 m), ła masima del Mar Mediteraneo. Ła so parte meridional ła forma el Basin del Jonio (fondo sirca 4000 m), separà da ła piataforma continental dała Scarpata Siciłia-Malta[3] a ovest, dal Rialso de Mesina a nordovest e dała Platea Sałentina a nord. Intra łi primi do tochi de scarpata se cata el Canion de Mesina, tra staltri do ła Vałe de Taranto [4]. A est invese se cata ła fosa oseanica Ełenica e el bordo de ła Dorsal Pełoponeso-Creta.

El Mar Jonio coverse inteła so parte osidentale e setentrional łe piataforme continentałi africana e eoropea, inteła so parte mexana un vecio fondal oseanico, e a oriente un arco insułar. El fondo oseanico el xe un rełito del vecio Oseano Tetide, formà intel mesosoico, l'arco invese el xe ancora in formaxion. Tuta l'area ła xe sogeta a sismisità ełevata, łe coste sudosidentałi e orientałi łe xe a riscio de zunami.

El xe misià in superfisie da na circołaxion co verso antiorario e intensità de 0,4÷0,7 nodi; int'el Golfo de Taranto ghe xe 'na circołaxion secondaria col steso verso.

Łi fiumi pi' inportanti che łi se jeta intele so acue łi xe l'Achelò, e l'Alfeo; tra i pi' łonghi se ga da sitar i fiumi łucani Basento e Agri, tra chełi col basin pi anpio el siciłian Simeto e tra chełi co ła portata pi' granda l'epirota Aracto.

Łe ixołe pi grande łe xe Corfù, Łeucade, Ìtaca, Sefałonia, Xante.

Giografia umana[canbia | canbia sorxente]

mapa połitega

El bagna łe coste de l'Itałia (rejon de Siciłia, Całabria, Baxiłicata, Puja), de l'Albania (contea de Vałona) e de ła Gresia (Periferie de le Ìxołe Jonie, de Epiro, de Gresia Osidental e de Pełoponexo).

Łe sità pi' grandi łe xe Catania, Mesina, Regio Całabria, Siracuxa, Taranto e Patraso. Tra łi porti petrołiferi se pode ricordar Augusta.

No el xe un mar particołarmente pescoxo, ła pesca pi' inportante ła xe cheła del tón praticada soratuto su łe coste orientałi e sudosidentałi. Se ricorda anca ła pesca del pese spada fata senpre tra Siciłia e Całabria, e l'ałevamento de peoci a Taranto.

So ła costa visin Croton se estrae gas naturałe preso el canpo de Luna.

Note[canbia | canbia sorxente]

  1. Secondo ła definixion tradixional el comunica anca col Mar Egeo tramite łi canałi de Cerigo e de Cerigoto; secondo cheła del servixio meteo itałian el comunica anca col Mar de Sicilia tramite el Canal de Malta.
  2. Secondo la definixion tradixional conprende anca el Golfo de Łacònia.
  3. Nota anca cofà Scarpata de Malta
  4. Nota anca cofà Canion de Taranto

Altri projeti[canbia | canbia sorxente]


Cogamenti esterni[canbia | canbia sorxente]