Negroponte

Da Wikipedia, ła ençiclopedia lìbara.

Negroponte (sto qua el topònimo venesian, en itałian Eubea o Evia; en greco Εὔβοια) ła xé un'ìxoła de ła Grecia che se cata 'ntel Mar Egeo vixin al'Atica. Ła xé anca na prefetura de 4.167 km² e 218.032 abitanti che gà cofà cavedal Calcide.

'Ntel 1205 ła xé stà conquistà da Bonifaso I del Monferato e 'ntel 1209 ła xé pasà a ła Republica de Venesia, che ła gà vùa fin a ła conquista turca, avvegnua dopo un łóngo asedio el 12 de lujo 1470. Ła pèrdita de Negroponte da parta de ła Serenìsima, nonostante l'eròega difexa prestà dal presidio del'ìxoła, ła gà cauxà grando sconserto en Itałia e xé stà mortałà 'nte ła "Rełasion del viagio de Negroponte" del patrisio vicentin Giovan Maria Angiolello.

'Ntel 1688 i turchi i gà rexistio a un viołentìsimo asedio dei venesiani, capexai da Francesco Morosini deto el Pełoponesìaco. Dopo secołi de dominasione otomana, l'ìxoła ła xé ritornà infin a ła Grecia 'ntel 1830.