Akrotiri e Dhekelia
Da Wikipedia, ła ençiclopedia libara.
Sta vóxe no ła xe stà gnancora tradota tuta quanta da ła łengoa ingléxe. Se te si bon de farlo, te podaresi finirla ti. Grassie.
Nota: se no ti vedi el testo da tradure, xe parché el xe stà sconto. Maca su modifica par védarlo.
| Akrotiri e Dhekelia | |||||||||
|---|---|---|---|---|---|---|---|---|---|
|
|||||||||
| Motto: nessuno | |||||||||
|
|
|||||||||
| Informasion | |||||||||
| Nome completo: | Teritorio militar de Akrotiri e Dhekelia | ||||||||
| Nome ufficiale: | Akrotiri and Dhekelia Sovereign Base Areas | ||||||||
| Stato sovrano: | Regno Unito | ||||||||
| Łéngoa ofixial: | Inglexe e greco | ||||||||
| Cavedal: | Episkopi Cantonment | ||||||||
| Połitica | |||||||||
| Capo del governo: | Richard Lacey | ||||||||
| Area | |||||||||
| Totale: | 254 km² | ||||||||
| Pos. nel mondo: | ° | ||||||||
| % delle acque: | 0,5 % | ||||||||
| Popolazione | |||||||||
| Totałe: | 14.500 ab. | ||||||||
| Pos. nel mondo: | ° | ||||||||
| Densità: | 60 ab./km² | ||||||||
| Geografia | |||||||||
| Continente: | Europa meridionale | ||||||||
| Fuso orario: | UTC +2 | ||||||||
| Economia | |||||||||
| Valuta: | Lira cipriota | ||||||||
| Varie | |||||||||
| Prefisso tel.: | +357 | ||||||||
| Festa nazionale: | 10 de giugno | ||||||||
|
|
|||||||||
| Mapa de l'ìxoła de Cipro co Akrotiri e Dhekelia evidenzià in róso | |||||||||
Akrotiri e Dhekelia łe xe dó enclave aministràe dal Regno Unìo rento el teritorio de ła Repùblica de Cipro che łe vien ciamàe uficialmente Aree de Baxe Sovrane (ingl. "Sovereign Base Areas") parché łe serve come baxe de łe forzse aeree miłitari britàniche.
Łe fa parte a tuti i efeti del teritorio britànico parché 'ntel 1960, quando che el resto del teritorio de Cipro l'è deventà independente e'l s'à trasformà in Repùblica, łe baxe le è stàe trategnùe dal Regno Unìo.
Akrotiri ła xe ła baxe òvest e l'è l'area pi granda mentre Dhekelia ła fórma ła baxe est insieme col paexoto de Agios Nicholaos (San Nicoła) e co na stradéta picenina de cołegaménto.
Indice |
[modifica] Storia
Łe Aree de Baxe Sovrane łe xe stàe mése in pie 'ntel 1960 col Tratato de Creasion del 1960 quando che Cipro, che 'l xera na cołonia britànica el ga otegnù l'independensa. El Regno Unìo el vołéa tegnerse 'ste aree qua par garantirse l'uxo de łe baxe aeree miłitari, incluxo RAF Akrotiri e na unità de l'Exèrsito Britànico. L'inportanzsa de 'ste baxe qua ła vien da ła poxision stratègica de Cipro su ła pónta est del Mediteraneo, tacà al Canal de Suez e al Medioriente.
[modifica] Proteste e Beghe Legałi
In calche ocaxion Cipro el ga domandà de aver indrio Akrotiri e Dhekelia, łagnàndose che łe baxe łe porta via un bel toco de teritorio che podarìa vegner doprà par el progreso zsiviłe. Par quatro ani dopo l'independensa de Cipro 'ntel 1960, el governo Britànico el ga pagà a ła Repùblica de Cipro el nołegio de łe baxe. Dopo ła guera intercomunałe del 1963-64 i ga petà łà de pagar, sostegnendo che no ghe xera mìa garanzsìe che i schei i vegnése doparài insieme da tute dó łe comunità. El governo de Cipro el xe ancor drio domandar i schei par tuti i ani dal 1964 fin deso. Se càlcoła che el dèbito el vaga de vari xentenari de miłeri a pi de miłiardo de Èuri.
[modifica] Poxision Legałe
Łe Aree de Baxe Sovrane le è stàe trategnùe 'ntel 1960 come baxe miłitari sóto svranità britànica [1]- e nò come teritori cołoniałi.
'Sta qua l'è l'inpostasion de fóndo de ła só aministrasion come che xe stà dichiarà dal Governo de Só Maestà 'nte l' Alegà O al Tratato del 1960 co Cipro Łe baxe łe ga el só sistema legałe, difarente sia da queło britànico sia da quel de Cipro. El xe fato da łe leje de ła Colonia de Cipro in vigor l'agosto del 1960, co i canbiaminti necesari. Łe leje de Akrotiri e Dhekelia łe vien tegnùe el pi posìbiłe conpagne de quełe de Cipro.
Ła Córte de łe Aree de Baxe Sovrane ła va drio i reati no-miłitari fati da chiunque rento el teritorio de Akrotiri e Dhekelia e ła Połizisìa de łe Baxe Sovrane (Sovereign Base Areas Police) ła ga da mantegner l'órdene pùblico, mentre ła leje miłitar ła vien gestìa da l'Unità Conposta de Połizsìa de Cipro (Cyprus Joint Police Unit).
[modifica] Aministrasion
Drio quel che dixe el Ministero de ła Diféxa, «Sicome che łe Baxe łe vien doparàe par prima roba come baxe miłitari e nò come teritori dependenti normałi, l'Aministrasion ła riferise al Ministero de ła Diféxa a Łondra.» [2]
Łe baxe łe vien governàe da l'Aministrador de łe Aree de Baxe Sovrane, che l'è el Comandante de łe Forzse britàniche a Cipro (dal 2006 Air Vice-Marshal R Lacey). L'Aministrador el vien nominà uficialmente dal Sovran Britànico, su proposta del Ministero de ła Diféxa. L'Aministrador el ga tuti i poteri legislativi e executivi de un Governador de un Teritorio Britànico da Mar. Vien nominà anca un Chief Officer, che 'l xe responsàbiłe 'ntei cunfrunti de l'Aministrador par ła gestion quotidiana del governo zsiviłe. No gh'è mìa ełesion 'nte łe Baxe, seben che i sitadini britànici i gabia normalmente dirito de vóto par łe ełesion britàniche (dato che łe Forzse Britàniche łe xe formalmente dei eleturi d'oltre mar).
[modifica] Riferimenti
- Vassilis K. Fouskas. 2003. Zones of Conflict: U.S. Foreign Policy in the Balkans and the Greater Middle East. Pluto Press. ISBN 0-7453-2030-9. Pp. 93, 111
[modifica] Ligadure esterne
L'Atlante Wikimedia de Akrotiri and Dhekelia el tien dele cartine ligà a Akrotiri and Dhekelia.- Sovereign Base Areas Administration web-pages
- BBC News- "UK offers to cede Cyprus land"
- BBC News- "Cyprus protesters clash at UK base"
- Paxena del CIA World Factbook su Akrotiri
- Paxena del CIA World Factbook su Dhekelia
- - The Princess Mary's Hospital RAF Akrotiri
| Stati del mondo | Eoropa |
 Albania |  Andora |  Austria | .svg){kind=small} Belgio |  Biełorusia |  Bosnia e Erzegovina |  Bulgaria | .svg){kind=small} Cipro |  Croàsia |  Danimarca |  Estonia |  Finlandia |  Francia |  Germania |  Grecia |  Irlanda |  Islanda |  Itałia |  Łetonia |  Liechtenstein |  Łituania |  Lusenburgo |  Republica de Macedonia |  Malta |  Moldavia |  Prinsipato de Mònaco |  Montenegro | Norvegia |  Ongarìa |  Paéxi Basi | .svg){kind=small} Połonia |  Portogało |  Regno Unio |  Republica Ceca |  Romania |  Rusia |  San Marin | .svg){kind=small} Servia |  Slovachia |  Slovenia |  Spagna |  Svezia |  Svissera |  Turchia |  Ucraina |  Vatican |
| Altri tereni |
|---|
| Akrotiri e Dhekelia · Ixołe Fær Øer · Gibiltera · Jan Mayen · Ìxołe del Canal · Ixoła de Man · Svalbard |
