Teritorio Britànico da Mar

Un Teritorio Britànico da Mar (ingl. British Overseas Territory) el xe un posediménto da mar, co dirito de autogoverno ma che fa parte del Regno Unìo de Gran Bretagna e Irlanda del Nord difarentemente da łe Dependense de ła Coróna.

Quaxi tuti 'sti posediminti qua i ga i só Parlaminti locałi che va drio łe question interne mentre el Parlaménto e 'l Governo de Londra i łi raprexenta internasionalmente e i se incarga de defèndarli in caxo de guera.

Quaxi tuti i xe sóto el Foreign Commonwealth Office, fora che Akrotiri e Dhekelia che sendo de łe baxe miłitari łe depende diretamente dal Ministero de ła Diféxa e no łe ga nisun Parlaménto locałe.

Quaxi tuti i xe fora da l'Union Europea, fora che Gibiltera che invese ła fa parte de l'Union ma l'è fora dal tratato doganałe e ła vien comunque raprexentà dal Regno Unìo a Bruxelles.