Piave
| Ła Piave | |
|---|---|
| Longhesa | 220 km |
| Portada mexana | 100 m³/s |
| Basin idrografego | 4 126,84 km² |
| Altitudine de ła sorxente | 2 037 m s.l.m. |
| Nase | Monte Peralba, val de Sappada |
| Sboca | Mar Adriatico visin Cortellazzo (VE) |
El fiume Ła Piave el nase 'ntełe Alpi Orientałi, ała base meridionałi del Monte Peralba, 'ntel comun de Sapada, in provincia de Bełun, a quota 2.037 m s.l.m.. Ła sò foce ła xè 'ntel Mar Adriatico, al nord-est de Venesia, visin del porto de Cortełaso. El xè el quinto fiume deł'Itałja par łonghesa fra quełi che se buta diretamente in mar.
El fiume el xè par intiero contegnù 'nte i confini del Veneto. El traversa el Cadore e ła Valbełuna in Provincia di Bełun e ła pianura veneta 'ntełe province de Treviso (Valdobbiadene, Ponte della Priula, Ponte de Piave) e de Venesia (San Donà di Piave)
Za dopo pochi chiometri da a sorgente ła Piave el asume 'na notevoe portada dovua all'afluso de numaroxi torenti. Ła paroła Piave etimołojicamente ła vol dir tera che ła se inpina de acoa de piova che daspò score/và xò par ła pendensa, verso łe gran buxe dei laghi o del mar.
I so principai affluenti i è:
- Ansiei
- Boite
- Cordevole
- Maè
- Soligo
- Sonna
- Tesa
el pi inportante de questi l'è el Cordevole, co un bacin inbrifero de 66,77 km².
El bacin superior del Piave, de cui el fiume costituisae l'asta principae, el comprende i laghi alpini
- lago de Alleghe
- lago de Misurina
- lago de S.Croce sul Tesa ('na derivazion del Piave regimenta el lago pi un numero de bacini artificiai).
Cenni storici [canbia]
El fiume ła Piave l'è considerà sacro aea patria, in virtù degi avenimenti storici accadui sue so sponde durante a prima guerra mondiałe.
A part meridional del cors dea Piave a iera diventada 'na linea strategica importante in tel 1917, in corispondenza dea ritirata avegnua in seguito a Caporeto. Dopo el pasajo sua riva destra del rest dee armae 'taliane e a distruzion dei ponti, el fiume deventa a linea de difesa contro e truppe striache e todesche che, nonostante svariai tentativi, non i è stati boni a varcar el fiume. A dificoltà dell'atraversamento a iera anca dovua al periodo de piena del fiume dovuo ae forti piove. A linea a è resistìa fin all'otobre 1918 quando, dopo a battaja de Vittorio Veneto, i avversari i è stadi sconfitti e se rivò all'armistizio. Insieme a Vittorio n'altra cità che 'a'à subìo tante distrutziòn (completamente rasa al suolo) 'a é stata San Donà di Piave, che 'a'à ligà el sò destin co quel del fiume, e proprio par sto motivo 'a é stata insignìa dea Crose al Merito de Guera).
Curiosità [canbia]
A canzon probabilmente pi famosa dea prima guera mondial a iera La leggenda del Piave de Giovanni Gaeta pubblicata in tel 1918.
Fra i grandi fiumi italiani, ła Piave xè el soło ch'el'à a sorgente e a foce che xè in tel stes meridian jeografico.
