Astego

Da Wikipedia, ła ençiclopedia libara.

L'Àstego el xe un fiume del Vèneto e el core tuto in provinça de Vicensa. El nase suła montagna dełe Laste, in un posto ciamà Ortesino (che xe un s-ciantin drento el teritorio del Trentin).

I Romani i lo ciamava Medoacus Minor, ma dopo, coi secołi, i ga scuminsià a darghe el nome dała montagna 'ndove che'l nase: łe Laste. E ałora, prima i lo ga ciamà Lastego e par ùltimo Astego.

El fiume, prima el va a nord-est, dopo el piega a est e infine a sud. Andando in xo, ła Val d'Àstego ła divide l'Altopian de Asiago da ł'Altopian de Tonezsa del Cimon. Suła sinistra orografica, prima de Arsiero, sboca in Vale, vegnendo dał'Altopian dei sete comuni ła Val d'Asa. Ad Arsiero riva, dała destra, ła Val Poxina con torente omonimo. Rivà ai pie dei monti, ł'Àstego el pasa par Lugo e, dopo aver fato 34 chiłometri dal fontego, a Sandrigo el se mete insieme al Tesina, 'naltro fiume che nase dałe risorgive de Sandrigo. Insieme, i va drento el Bachijon a Longare.