Iraq

Da Wikipedia, l'ençiclopedia libara.
Va a: navigasion, serca
Grafèma
Grafèma

Se cûalche caràtere de sta voxe no se 'l vede e se vede de i cuadratini vodi o punti interogativi, varda ła pàgina Unicode.


Iraq
Iraq - Bandiera
Iraq - Stemma
Motto: Allāh Akbar "Dio xe grande"

LocationIraq.svg


Informasion
Nome par intiero: Republica irachena
Nome ufisiałe: جمهوريّة العراق
al-Jumhūriyya al-ʿIrāqiyya
Łéngoa uficiałe: arabo, curdo
Cavedal: Baghdad  (5 772 000 ab. / 2003)
Polìtega
Governo:
Capo de stato: Jalāl Tālabānī
Capo de governo: Nūrī al-Mālikī
Indipendensa: Dal Regno Unìo nel 1932
Ingreso a l'ONU: 21 dicenbre 1945 1
Area
Totale: 437 072 km²
Pos. nel mondo: 57°
 % delle acque: trascurabile %
Popolasion
Totałe: 27 102 912 ab.  (2005)
Pos. nel mondo: 44°
Densità: 62 ab./km²
Giografia
Continente: Asia
Fuxo oràrio: UTC +3
Economia
Vałuta: Dīnār iracheno
Energia:
Varie
TLD: .iq
Prefiso tełef.: +964
Sigla autom.: IRQ
Ino nasionałe: El vecio inno Arḍ al-Furātayni Waṭan (La tera dei do Eufrate xe la Patria) el xe stà sostituìo, dopo l'invasion anglo-mericana, da Mawtini (Patria mia)
Festa nasionałe:

Iraq in its region.svg

1El xe uno dei 51 Stati che ga fondà l’ONU nel 1945.


L'Iraq (a olte se cata scrito anca Irak par via de la trasliterassion francese o inglese) el xe un Stato del Medio Oriente. El confina co la Turchia a nord, l'Arabia Saudita e el Kuwait a sud, la Siria a nordovest, la Giordania a ovest e l'Iran verso est. El so teritorio el corisponde a quelo de la vecia Mesopotamia, la "tera dei do fiumi" (Bilād al-Rafidayn in arabo), mentre el nome de desso el vien dal persian eraq, che vol dir "tere basse" (rispeto a l'altopian iraniano). La cavedal la xe Baghdad.

L'Iraq el xe el quindicesimo paese al mondo par produsion de petrolio, ma el quarto contando inveze le riserve.

Storia[canbia | canbia sorxente]

In Mesopotamia xe nato alcune de le pi vece siviltà del mondo: i Sumeri, i Babilonesi, i Assiri. La ga fato parte de l'inpero persian fin quando xe rivà i Arabi in tel 656 d.C.. I Arabi i ga portà l'Islam e Baghdad la xe deventà una de le sità pi inportanti del mondo islamico. I Mongoli i ga invaso do volte l'odierno Iraq, nel 1251 e dopo nel 1401 con Tamerlan. In tel 1638 el xe passà soto l'inpero otoman.

Indipendensa[canbia | canbia sorxente]

A la fine de la prima guera mondial i lo ga ciapà i inglesi, che i lo ga proclamà indipendente el 1° otobre 1919, soto forma de monarchia. I inglesi però i ga continuà a governarlo co un mandato de la Società de le Nassion e nel 1941 i ga stofegà nel sangue un colpo de stato sostegnùo da la Germania nazista. Finìa la seconda guera mondial i inglese i xe ndà via, ma in tel 1958 l'esercito iracheno el ga fato n'altro colpo de Stato proclamando la republica. Dopo varie lote par el potere, nel 1979 Saddam Hussein el xe deventà presidente de l'Iraq, metendo su na ditatura che durarà fin al 2003.

Guera Iran-Iraq[canbia | canbia sorxente]

In tel 1980 l'Iraq, col sostegno economico dei mericani, el ga atacà l'Iran dove da poco i gavea parà via el scià e messo su na republica islamica. La guera la xe finìa solo nel 1988 sensa canbiamenti teritoriali e con piassè de un milion de morti.

Guera del Golfo[canbia | canbia sorxente]

In tel 1990 l'Iraq el ga invaso el Kuwait. In risposta le Nassion Unìe le ga autorixà l'invio de na forsa multinassional guidà dai mericani, che nel zenaro-febraro 1991 la ga liberà el Kuwait.

Invasion mericana[canbia | canbia sorxente]

El 19 marso 2003 l'Iraq el xe stà invaso da na coalission guidà dai mericani, che ga conquistà in pressia tuto el paese, metendo in piè un governo novo, de tipo democratico. In tel dicenbre 2003 i mericani i ga ciapà Saddam Hussein. Le nove autorità irachene le lo ga processà e condanà a morte pa i so crimini. El 30 dicenbre 2006 i lo ga picà.

El novo governo el ga vuo finora tanti problemi, sopratuto par via dei atachi teroristici scadenà dai islamici fondamentalisti contro i soldai ocupanti, che de conseguensa no i ga gnancora podesto ndar via par paura che el governo iracheno nol sia bon de controlar da solo el paese. In più drento del governo a olte i barufa tra curdi, sciiti e sunniti (le tri etnie prinsipali in cui se divide el popolo iracheno). Però pararìa che un fià a la olta sti problemi i se staga risolvendo. I mericani i pensa de poderse ritirar da l'Iraq nel 2011.

Altri progeti[canbia | canbia sorxente]


Colegamenti par fora[canbia | canbia sorxente]

Laori en corso!
In sto moménto qua, l'uténte Ciaurlec (msg) el xe drio far modìfeghe inportanti a sta vóxe o sesion
Par scansar confliti de edision, no sta a modifegar sta vóxe fin a có che sto avixo no'l vien levà via.
Se l'ùltima modìfega ła xé de desferénte ore fa, par piaxer cava 'l avixo.