Carinsia

Carinsia (BAR) Karntn / (SL) Koroška
land
Dati aministrativi
Stato	Àustria
Cavedal	Clanforte
Governador	Gerhard Dörfler (FPK)
Lengue uficiałi	todésco austriaco
Lengue	Bavarexe meridionałe, sloveno carinsian
Teritorio
Coordinae de ła Cavedal	46°45′40″N 13°49′08″E
Superfise	9 535,97 km²
Abitanti	558 997 (2010)
Densità	58,62 ab./km²
Altre informasion
Fuxo orario	UTC+1
ISO 3166-2	AT-2
Locałixasion
Sito istitusionałe

Ła Carinsia (en todesco Kärnten, en sloveno Koroška) el xe el pì meridionałe dei 9 Stati federałi (Bundesländer) de l'Àustria.

Giografia

Ła ga na superfise de 9 536 km² e ła conta 559 404 abitanti (2001).

Ła consiste principalmente de on basin a l'interno de łe Alpe, 'ntel qual łe Alpe Càrniche łe lìmita el confin meridional co l'Itałia (province de Bełun in Vèneto e de Udine in Friuli-Venesia Giulia) e ła Slovenia (rejon Stiria/Štajerska, Carinsia/Koroška e Alta Carnioła/Gorenjska). Ła cadena dei Tauri ła separa dal Sałisburghexe a nord. A est a se cata el land de ła Stiria, mentre a ovest ła Carinsia ła forma na vałe continua co'l Tiroło Orientałe (Osttirol) (parte del Tiroło). Ła xe conosua soratuto pa' i so magnifeghi łaghi, el pi' grando el xe el Wörther See. El fiume prinsipałe de ła rejon ła xe ła Drava (Drau).

Ła cavedal la xe Clanforte, a la quala ghe va drìo n'antra sità de na serta inportança: Viłaco (Villach). Ste do sità łe ga in comun forti ligamenti econòmisi.

Menoranse

Teritori co prexença de carinsiani de lengua slovena

Inte'l sud del Stato federà - soratuto inte'l distreto de Villach-Land, inte chel de Klagenfurt-Land e inte chel de Völkermarkt - i vive menbri del grupo ètnego de lengua slovena (secondo el censimento del 2001: 14 010 persone) cofà menoransa desconosùa. Sto grupo el se cata inte'l teritorio de l'odierna Carinsia fin da l'Età de Mexo e par vìa de sta presença na part dei topònimi i ga anca na varianta in lengua slovena.

Ła discusion dui dereti dei grupi ètnisi (par exenpio: ła segnalètega bilengual) ła xe sentìa soratuto da łe menoranse a liveo emixional.