Provincia de Bełun

Da Wikipedia, ła ençiclopedia lìbara.

Provincia de Bełun
Visita il [[Portale:{{{portale}}}]]
Stato:	Itałia
Regione:	Vèneto
Capoluogo:	Bełun
Superficie:	3.678 km²
Abitanti:	212.244 2005
Densità:	57,7 ab./km²
Comuni:	Elenco di 69 comuni
Targa:	BL
CAP:	32100, 32010-32047
Prefiso teł:	0437
Codice ISTAT:	025
Presidente:	Sergio Reolon (L'Unione)  27.06.2004
{{{note}}}
Sito istitusionałe

Ła Provincia de Bełun, ła fa parte deła Rejon del Veneto ła confina al nord cò l'Austria (Tirolo e Carinsia), al est co el Friułi-Venesia Julia (Provincia de Udine e Provincia de Pordenon), al sud cò ła Provincia de Treviso e co ła Provincia de Vicensa, al ovest co el Trentin-Alto Adexe (Provincia de Trento e Provincia de Bolzan).

Indice 1 Giografia 2 Economia 3 Minoranse lenguìstiche 4 Cołegamenti forésti

[modìfega] Giografia

Ła provincia, tanto łarga e squaxi par intiero fata de munti, ła ga drento łe rejion jeografiche del Cadore, del Feltrin, del'Alpago, deła Val de Zoldo e del'Agordin.

Se ghe trova, par la gran parte deła provincia, ła sesion orientałe dełe Dołomiti, co łe sime dełe Tofane, dełe Tri Sime de Lavaredo, del Monte Pelmo, del Monte Civetta, de ła Marmolada e de łe Pale di San Martino (ste ultime dò al confin còl Trentin). Ła provincia ła xe sìora de corsi de acòe. El pì grande l'è par serto el Piave, co i afluenti Boite e Cordevołe. Ghe entra un tocheto 'ntel Feltrin anca el fiume Cismon, afluente del Brenta.

'Nte ła parte meridionałe de ła provincia ghe xe na vale pi larga de le altre, ła Valbelluna, onde che se alsa łe Prealpi vènete, che deso łe fa parte del Parco Nazionale delle Dolomiti Bellunesi.

I sentri pi grosi de 'sta provincia qua (oltre al capoluogo) i è Feltre, Cortina d'Ampezzo, Agordo, Pieve di Cadore, Mel e Sedico.

[modìfega] Economia

Na volta l'economia del teritorio l'era baxà su l'alpeggio e su na pòvara agricoltura de montagna. Deso l'agricoltura ła cónta de manco, fora che in serti caxi tìpisi come ła coltivasion dei faxułi su l'altopian de Lamon.

'Nte Belumat xe vegnesto sù un dei distretti industriali pi importanti del Nord-est, quel dei ociałi, in particołar su łe xone de l'Agordin e del Cador. A Agordo gh'è ła sede de ła Luxottica, una de łe industrie itałiane pi ative a liveło internasionałe. A Longaron invése, se cata un stabiłimento de ła Safilo.

Un setor ben important par l'economia l'è el turismo: ła provincia ła pol vantar alcune de łe stasion turistiche de montagna pi conosùe a liveło nasionałe come Cortina d'Ampezzo, Alleghe, Auronzo di Cadore, Falcade, Arabba, Sappada al col del Nevegal e in xeneral łe xone del Cador e de l'Agordin.

[modìfega] Minoranse lenguìstiche

Nella Provincia xe presenti alcune minoranse lenguistiche, tutelà dal statuto provinciałe:

• ła minoransa ladina situà nei tri comuni de Colle Santa Lucia/Col, Livinallongo del Col di Lana/Fodom e Cortina d'Ampezzo/Anpezo;
• łe minoranse germanofone dei comuni de Sappada/Plodn, Farra d'Alpago e Tambre.

[modìfega] Cołegamenti forésti

• Informasioni turistiche suła Provincia de Bełun
• Parco nasionałe de łe Dolomiti Bełunesi
• I Ladini de ła Provincia de Bełun

	Italia | Province deła region Veneto
Venessia | Bełun | Padoa | Rovigo | Treviso | Verona | Vicensa