Provincia autonoma de Trento

Provincia autonoma de Trento
Provincia a statuto speciałe Provincia autonoma de Trento – Bandiera
Dati aministrativi
Stato	Itałia
Rejon	Trentin-Alto Àdexe
Cavedal	Trento
Presidente	Lorenzo Dellai dal 24-02-1999
Lengue uficiałi	Itałian, ladin
Lengue	veneto, lonbardo Minori: cinbro, mocheno
Teritorio
Coordinae de ła Cavedal	46°04′00″N 11°07′00″E
Superfise	6 216 km²
Abitanti	531 510 (31-07-2011)
Densità	85,51 ab./km²
Comuni	217
Province confinanti	Bolxan, Verona, Bresa, Sondrio, Belun, Vicensa
Altre informasion
Prefiso	0439, 0461, 0462, 0463, 0464, 0465
Fuxo orario	UTC+1
Còdexe ISTAT	022
Targa	TN
Locałixasion
Sito istitusionałe

El Trentin el xe ła xona giografega corispondente a ła provincia autònoma de Trento, che ła fa parte de ła region itałiana del Trentin-Alto Adexe/Südtirol. Ła so cavedal ła xe Trento.

El Trentin el confina a nord co' ła Provincia autonoma de Bolzan, a est e a sud co'l Veneto (Provincia de Bełun, Provincia de Vicensa e Provincia de Verona), a ovest co ła Lonbardia (Provincia de Bresa e Provincia de Sondrio).

Storia

Dai primi insediamenti a l'età romana

Ricostrusion de łe pałafite de l'Età del Bronzo preso el łago de Ledro.

El canbiamento del clima sirca 10 000 ani fa, rexose pì mite e manco rigido, el ga permeso 'l insediamento de popołasion sedentarie 'nte'l teritorio del Trentin, in particołar in prosimità de corsi d'aqua e łaghi picinini.

Dei scavi arecheołoghi fati durante i anni 30 visin a ła sponda meridional del łago de Ledro, 'nte'l comune de Mołina de Łedro, i ga portà a ła luxe on inportante insediamento che el xe sta fato risałire a sirca 2000 anni prima de Cristo.

Intorno al VI secoło a.C. a se ga insedià inte'l teritorio provinciałe, come del resto in bona parte de l'arco alpin sentral e orientale ła popołasion dei Reti, che ła se ga stabiłìo inte łe diverse vałade e in particołar inte'l Trentin osidental (reperti inportanti i xe sta catai a Sanzeno in Val de Non, inte 'l altopiano de ła Paganeła, a Stenico inte łe Giudicarie esteriori).