Provincia de Rovigo

Da Wikipedia, l'ençiclopedia libara.
Va a: navigasion, serca
Provincia de Rovigo
provincia
Provincia de Rovigo – Stema Provincia de Rovigo – Bandiera
Dati aministrativi
Stato bandiera Itałia
Rejon Vèneto – stema Vèneto
Cavedal Rovigo
Presidente Tiziana Michela Virgili (PD) dal 22/06/2009
Teritorio
Coordinae
de ła Cavedal
45°04′00″N 11°46′00″E / 45.066667, 11.783333Coordinate: 45°04′00″N 11°46′00″E / 45.066667, 11.783333
Superfise 1 789 km²
Abitanti 248 049 (01/01/2012)
Densità 138,65 ab./km²
Comuni 50 comuni
Province confinanti Ferara, Venesia, Rovigo, Pàdoa, Mantoa
Altre informasion
Còd. postałe 45100, 45010-45039
Prefiso 0425, 0426
Fuxo orario UTC+1
Còdexe ISTAT 029
Targa RO
Locałixasion

Provincia de Rovigo – locałixasion

Provincia de Rovigo – Mapa
Sito istitusionałe


Ła Provincia de Rovigo ła xè na provincia itałiana che ła fa parte deła region del Vèneto. El capołogo el xè ła sità de Rovigo. Ła confina a nord co łe province de Verona, Pàdoa e Venesia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co 'l Mar Adriàtico.

Giografìa[canbia | canbia sorxente]

El teritorio de ła provincia el xe el Połéxine d'inqûo[1] o 'l ghe se cata tuto rento[2]. El gà n'àrea de 1 789 km² e a ghe stà 244 625 àneme ('nte 'l 2005). El xe un guałivo alto tra i -2 e i 15 m s.l.m..

El confin setentrional el va seconda del Àdexe a partir de Badìa Połéxine fin 'nte 'l mar, fora che 'l teritorio de Cavàrsere che 'l xe 'nte ła provincia de Venesia. El confin meridional el va seconda del Po a partir de Mełara fin 'nte 'l mar. 'Nte ła provincia se cata tuto el delta del Po, e 'l confin el va seconda del Po di Goro.

Ła tera ła se ga fata da poco, tirà su da łe fiumane del Àdexe e del Po, che i ne ga dà un percorso fiso e dei àrxeni soło che in sti ùltimi tenpi. Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se gà xontà anca l'omo, che 'l ga tirà su l'aqua e 'l metano da sototera[3].

N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e 'l Àdexe i xe el primo e 'l terzo dei fiumi itałiani par portar aqua, e donca ghe xe asè aqua da tirar vìa. I scołi pì asè inportanti i xe el Collettore Padano, el Ceresoło e 'l Valdentro.

Ghe xe anca dei altri canałi che i xe stà inportanti par ła storia: i xe l'Adexéto, che 'l xera un vecio córso del Àdexe; el Poaso, che 'l xera un vecio córso del Po; ła fosa Polxeła, che 'l xera un vecio canal che se podéa navigar dal Canal Bianco 'nte 'l Po.

El clima el xe semicontinental e asè mojo; ghe xe sòfego d'istà e ghe xe nebia d'inverno. Ła piova ła vien xó normal, specie de primavera e d'autuno[3].

Ghe xe 50 comuni 'nte ła provincia de Rovigo; i pì asè grandi i xe:

Comun Àneme (2005)
Rovigo 50 922
Adria 20 593
Porto Viro 14 484
Lendinara 12 198
Badìa Połéxine 10 741
Ociobeło 10 621
Porto Tołe 10 377
Tajo de Po 8 389
Rosołina 6 304
Viładóxe 5 285

Anca ai dì d'anqûo ghe xe xente che i emigra da ła provincia de Rovigo; i xe soratuto i xóveni che i va a laorar inte łe sità pì sviłupàe del Vèneto o de l'Itałia, e par questo che 'nte ła provincia ghe xe senpre pì asè veci. Ghe xe anca qûei che i migra da łe canpagne ma che i resta 'nte ła provincia e i va 'nte i sentri pì svilupài[3].

Note[canbia | canbia sorxente]

  1. (IT) "polesine", Il Vocabolario Treccani, Roma: Istituto della Enciclopedia Italiana, 1992
  2. (IT) "Polesine", Sapere.it, vol. Enciclopedia Generale, Novara: De Agostini, 2002
  3. 3,0 3,1 3,2 (IT) "Rovigo (provincia)", Sapere.it, vol. Enciclopedia Generale, cit.
Bandiera del Veneto Italia | Province deła region Veneto Bandiera del Veneto
Bełun | Padoa | Rovigo | Treviso | Venessia | Verona | Vicensa