Belun

Da Wikipedia, l'ençiclopedia libara.
Va a: navigasion, serca
Sto articol al é scrit in belumat
Belun
comun
Belun – Stema
La catedral de Belun e da drìo la Sčara con la Gusela del Vescovà
La catedral de Belun e da drìo la Sčara con la Gusela del Vescovà
Dati aministrativi
Stato bandiera Itałia
Rejon Veneto – stema Veneto
Provincia Belun – stema Belun
Sìndico Jacopo Massaro (lista sìvega) dal 21/05/2012
Lengue ufisiałi italian
Lengue veneto
Teritorio
Coordinae 46°08′27″N 12°12′56″E / 46.140833, 12.215556Coordinate: 46°08′27″N 12°12′56″E / 46.140833, 12.215556
Altitudine 389 m s.l.m.
Superfise 147,19 km²
Abitanti 36 599[1] (31/12/2010)
Densità 248,65 ab./km²
Frasion Varda elenco
Comuni confinanti Fara d'Alpago, Limana, Longaron, Pont, Sedego, Sospiroi, Vitòrio (TV)
Altre informasion
Còd. postałe 32100; 32024 par el castionese
Prefiso 0437
Fuxo orario UTC+1
Còdexe ISTAT 025006
Còd. catasticałe A757
Targa BL
Cl. sismega 2
Cl. climatega xona F, 3043 GG[2]
Nome abitanti belumat (o anca bełunexi)
Patrono San Martin
Dì de festa 11 de novenbre
Locałixasion
Italy location map.svg
Belun
Italy relief location map.jpg
Belun
Posizion del comun de Belun inte la provincia de Belun
Posizion del comun de Belun inte la provincia de Belun
Sito istitusionałe

Belun (na olta ciamada anca Cividal de Belun) al 'è an comun de 36 112 abitanti, capoluogo de provincia, e pì gros zentro abità de la Valbelluna.

Giografia[canbia | canbia sorxente]

La žità vecia de Belun la se kata su na ponta de sas vesin de n'dè ke la Piave e gl'Art i se kata. Drio de la žità ghe n'è la Sciara (Sčara) (2531 m s.l.m) co la Gusèla del vescovà, al monte Serva (2133 m s.l.m) co la so panža grosa e il monte Talvena, inveže a sud ghe n'è le prealpi ke le tira na riga tra al Belumat e la Trevisana. Sempre a sud, te 'l Castionese, se kata l'alpe del Nevegal ko i so impianti de risalita e le piste da sci.

Storia[canbia | canbia sorxente]

Al nome de la žità al gnen dal celtico belo-dunum ke ol dir conkòl che slùsega, propio parkè 'l se kata 'te'n posto de oro in mež a la Valbelluna. La žità l'è nasèsta atorno al 200220 a.C. e dal 181 a.C. la è deventada 'na base militare de i romani e 'l municipium Bellunum al temp de Augusto l'è vegnèst ad aver an ruolo de primaria importanža ne la X Regio Venetia et Histria.

Al posto 'ndè ke la se katea, al controlo par gražia de la prima tor del' castel de Zumele, te la strada pi granda verso 'l nord, la Claudia Augusta Altinate, la ha fat in visa ke la diventese na roca forte inespuniabile. Taca a rivar i barberi e Belun la se camina verso 'n lent e trist tramont par kuel ke interesa l'età romana. Par an bel tok Belun la resta sot al dominio longobardo (VI sec. D.C.) e carolingio (VII sec.), e te'l finir del nono žentenèr al met radis al govèrno aristocratico del Vescovo Conte, nas così la žità medieval col castel, i murajoi, porte e torioi.

A l'è sto cuà al temp de brute guere forèste contro i trevisani, specie kuando ke governa al cativo vescovo conte Giovanni che agli'à ingrandì i domìni belumat fin a la grasa piana de Montebelluna, ma presto la grandeža de Venezia la obliga al governo belumat a kogner de sielier, no senža grosi rabagas interni, a la dedižion spontanea a la žità de la laguna tel 1404 an, so kuà, kuando le se finis le guere contro i Trevisani e le lote interne fra le varie fažion. La žità la se fa nova 'n tel tesuto urbano in visa anka alla kostružion di case e palaž dei nobili e dei novi siori borghesi, te sti tempi de "vache grase" anka par gražia de i streti raporti co Venezia, infati se ghe vendèa legne e spade. La Piave la era, te sti secoli navigada da i žater ke i portea do al legnan che dai bosch del Cadore i 'ndea a rifornir la Serenisima e alimentea l'atività economica de i artigiani, de i marangoi, de i porti. Riva pò i burti ani de Napoleòn (1797-1815), e nas co lù al Dipartimento della Piave, Belun al pasa sot i muk striaci e po dopo longhi ani al pasa sot al Regno d'Italia.

La žità[canbia | canbia sorxente]

'ndando in su co la scala mobile se pol veder an gran bel panorama su la Valbelluna, se riva 'n tel kor de žità vecia e se riva in piaža Domo 'nde ke ghe nè al gran campanil projetà nel '700 da Filippo Juvarra, e 'ndove che se afacia i palaž de kuei ke comendea na olta, al palaž dei Retori del 1491 (ancoi prefetura), al palaž ros del municipio e al palaž dei vescovi ancoi sede dell' Auditorium, mes sù tel 1190 dal vescovo-conte Gerardo de' Taccoli. Palaž 'nde ke al stile nordico ben al se misia co 'l stile architetonico venežian ko bifore e polifore a sesto acuto, porteghi cornicioi e ornamenti di tant bei, anca ancoi kuel che tira meio i oci l è la bela fontana central fata tel 1411, la statua nova meśa in zima al pilastro la è stata fata da poc e la rapresenta San Joatà (la statua oriunda la è conservada tel vesin Museo Civico). Al domo l'è stat fat su tel 1400 al se svilupa su tre navade co l'abside girà verso ocidente, al projet del domo de ades l' è attribui a Tullio Lombardo, architetto venežian, che l'è gnest a Bełun tel 1517 kuando che i lavori de costružion i era bel che scominziadi sot la direzion de 'n capomastro del posto, an certo Nicolò Tagliapietre, ke le quel che l'a fat anca l'Orolojo del palaž de i Retori. Ndando par via Medatera (al veciodecumano masimo de la žità romana), 'nde che se facia desine de Palaž fati su tra 1300 e 1600 se riva a la ceŝa de San Piero tacada a un dei chiostri del vesin Seminario Gregoriano, come ke l'è skrit te na iscrižion entro te l'atuale Capela Fulcis, la ceŝa de S. Piero la è stata finida tel 1326, dopo pi de quaranta ani de laori, kuando ke ghe n'era al Jubileo del 1300 olest da Bonifacio VIII. La ceŝa, fata su dai frati minori in stile gotico, ancoi la è in stile barocco ko tante opere d’arte: ben žinque piture de Andrea Schiavone (San. Pietro, San Paolo, l’Annunciazion …), tre capolaori de Sebastiano Ricci nella Capela Fulcis (fata nel 1704 tra la ceŝa e la sagrestia): na Sacra Conversazion, su tola, meŝa nell’abside, e i do afreschi: “Decollazione di San Giovanni Battista” e “Chiamata di San Pietro” e sin maniera speciale le do meraviliose pale de lenc de Andrea Brustolon. In zima, sora al presbiterio, ghe n'è un dei pochisimi esempi de organo fonocromico a do tastiere de Giovan Battista De Lorenzi (1860). Te i do cantoi estremi de la žità vecia se pol veder, ancora intere, le do porte majori, l'imponente porta Dojona a nord e, ko i so merlet in piera e matoi, porta Rugo a sud 'ndè che veŝin se kata al Palaž del Capitano e la zinquezentesca ceŝa de Santa Maria dei batuti.

Poki sas i ne dis ke ghe n'era 'n kasel te ka žità vecia, da drio apena fora da le mura se verde in tuta la so beleža e grandeža la piaža Campedel che ancoi se ciama "Piazza dei Martiri" in ricordo de cuei ke i è stadi picadi dai muc su pa i pai de la piaža. Sta piaža la è cosiderada al saloto dei belumat col so liston (paseggiata) co la cieša de San Roc dove ke ghe n'è cuadri de Padre Santo da Venezia e Luigi Cima. 'ndando verso est e paša ia piža Tojo Lele (Vittorio Emmanuele), 'nde ke se afacia al teatro Comunale, se riva in via Roma e da là se riva al la ceša de Sant Stefen.

La ceša de Sant Stefen, la pi bela cesa de Bełun, la è stata fata su tel 1463, al posto de la vecia ciešeta de la Madona de le Grazie. Tel 1480, ko i era drio scavar i a katà al sarcofago de Flavio Ostilio, ke ìncoi l'è stat mes tel kortivo de palazzo Crepadona. A cener su le volte a krošéra, e consideradi tra le opere d'arte pi interesanti conservade in te la ceša, ghe n'è doi angioli de Andrea Brustolon

(ke a gl'a fat anca na kros - takà sul mur a sinistra); 'n te la Capela Cesa (1485) a sinistra del presbiterio: 'n altar de lenc intajà, e se pensa che lo epie fat al belumat Andrea di Foro (XV sec), ko i afreschi picenini 'n te la cornìs ke se pensa i epie fati Matteo Cesa; afreschi de Jacopo da Montagnana, ko su al martirio de Sant Stefen e la conversion de Paolo, la vita de 'l Signor, i e saltadi fora da sot le malte dopo de 'l taremoto del 1873. Bel anca al tabernacol de lenc de frà Francesco della Dia; tele del la scola de Vecellio, na "Adoražion de i Magi", fursi de la bo tega de Tiziano; quindese formele de ram e una in tela de Francesco Frigimelica te la capela de sinistra; tele de Cesare Vecellio e del Frigimelica sui mur del batistero. Vesin de la cesa ghe ne al convento dei Serviti col bel chiostro gotico ancoi sede dell'intendenža di finanža. 'Nde che finis le "scalete" l'unico esempio de cesa in stile romanico de la žità dedicada a San Biagio.

Da pensarse: palaž Barcelloni Corte, palaž Doglioni, palažPiloni, palaž Barpo, le cese de Santa Maria de Loreto, la Seicentesca cesa di San Gervasio, la iesa di San Nicolò do a Borgo Piave che lambis le sponde dell'omonimo fiume e la cesa de San Giuseppe "marangon" (falegname) a Borgo Prà che fin a la fin del medioevo fu la capitale della produpalažion de spade da bataglia. La žità po la continua verso i cuartieri residenziali de Cavarzan, Baldenich, Musoi e San Lorenzo.

La cultura[canbia | canbia sorxente]

Sebastiano Ricci Diana e Endimione, 1714, Londra, Chiswick House

Tante le manifestažion culturali organizade in ambito citadino. Palazzo Crepadona in 'sti ultimi ani l'è gnest al centro culturale citadino par antonomasia co le so numerose importantisime mostre da Vincent Van Gogh a Pablo Picaso, da Jean-Baptiste-Camille Corot a Claude Monet, Ippolito Caffi, Sebastiano Ricci e tanti altri. La žità la è sede de n'orchestra da camera, de numerosi cori polifonici e popolari, La stajon teatrale de prosa la ciama spetatori da ogni žità del Veneto. Ogni an, in occasion de la festa patronale di San Martin, gnen organizada l'ex tempore di scultura su lenc dove che decine de artisti de fama internazional e se fa guera a kolpi de scalpel sparsi par tuti i kantoi pi bei de la žità. Ogni an in te la manifestažion "Oltre le Vette" gnen fati tanti incontri, concerti, convegni ecc.. dedicadi a la montagna.

Cusina[canbia | canbia sorxente]

Piati tipici de la tradiẑion belumata:

  • Formai schiz
  • Torsela
  • Pastin a la piastra
  • Polenta e caoriol,
  • Casunziei
  • polenta e osei
  • Pendole
  • Risi co i bruscandoi
  • Risi e bisi
  • Fasoi de Lamon
  • Kodinzòn
  • Scorzinciole
  • pom noselà
  • Pan de Belùn

Fiere[canbia | canbia sorxente]

La "sagra de i fiŝċiòt" la è senža dubio la più grosa fiera della žittà e la è in primavera, dò domeneghe prima de Pasqua. Ghe n'è la mesa e na longa procesion 'nde che se porta in giro la statua de la Mađona de i sete dolori che la è cenesta te la capela piciola de la cesa de Sant Stefen. Ghe ne na mucia de roba da magnar, đughi par i bocete e traghene varie de artigianato locale. Co riva sera i fa i foghi de artificio che i sluseghea in žiel che imbarlumea tuta la žità.

In sto periodo in te la piaza se fà an veċio žogo tipico co i ovi sodi, ke se ċiama Ròlo.


La Fiera de San Martin, patrono della žità, la è a novembre e ghe nè, oltre a la già menžionada ex tempore internažional de scultura su lenc, an bel marcà de la roba vecia te pol snisar i prodoti locali e žercar le canstegne col vin novo. Tut finis a la sera con un concerto de musica sinfonico-corale entro te 'l Domo.

Sport[canbia | canbia sorxente]

A Belun ghe ne na starnera de impianti sportivi, na pisina olimpionica co cuatro vasche, an palaž del giaž, an stadio polisportivo, un palažet de lo sport e vesin del zentro su sul Nevegal an comprensorio siistico co piste da sci alpino de varie difficoltà e pendenze e un pista di sci nordico su ai Pianlonghi.

Hockey su ghiaccio
Skating in salita

L' Associazione Calcio Belluno 1905, la porta i colori gial e blu.

Fražion[canbia | canbia sorxente]

  • Antole,
  • Bes,
  • Bolzan (Bolzano Bellunese),
  • Caleipo,
  • Castion,
  • Castoi,
  • Cavesach (Cavessago),
  • Cet,
  • Ciesuraža (Chiesurazza),
  • Žirvoi (Cirvoi),
  • Col di Piana,
  • Col di Salce,
  • Colunch (Collungo),
  • Cusighe,
  • Faverga,
  • Fiamoi (Fiammoi),
  • Fistere (Fisterre)
  • Giamosa,
  • Giažoi (Giazzoi),
  • Levego,
  • Madeach (Madeago),
  • Miér,
  • Nevegal,
  • Orzes,
  • Pedeserva,
  • Pra de Luni,
  • Rivamaor,
  • Saforže (Safforze),
  • Sala,
  • Salže (Salce),
  • Sanpiero (San Pietro in Campo),
  • Soracroda (Sopracroda),
  • Sois,
  • Sosai (Sossai),
  • Tasei (Tassei),
  • Tisoi,
  • Vignole,
  • Visome.

Cuartieri citadini[canbia | canbia sorxente]

  • Baldenich,
  • Borgo Piave,
  • Borgo Prà,
  • L'Anta
  • Cavarzàn (Cavarzano),
  • Musoi (Mussoi),
  • Nogarè,
  • San Lorenzo,
  • Quartier Cadore,
  • San Francesco,
  • Lambioi,
  • Piave,
  • Via Cairoli,
  • Via Feltre-Maraga,
  • Via Garibaldi.

Persone inportanti[canbia | canbia sorxente]

Persone inportanti naseste a Belun:

Note[canbia | canbia sorxente]

  1. Dato ISTAT - Popolasion residente al 31 de diženbre 2010
  2. (IT) D.P.R. 26 agosto 1993 n. 412 In efficienzaenergetica.acs.enea.it. URL consultà el 27 settembre 2009.
Sta qua ła xè na voxe en vetrina. Struca qua par major informasion
Crystal Clear action bookmark.svg
Sta qua ła xè na voxe en vetrina, identificà come una de łe mejo voxe prodote da ła comunidà.
Naturalmente te pui far ben sujerendo e modifegando en mejo.

Voxi de quałidà en altre łengue