San Lorenso
Lorenso (Laurentius in latin), el xe sta uno dei sette diaconi de Roma, martirizà 'ntel 258 durante ła persecusion scatenà da ł'inperatore Valeriano I 'ntel 257.
Vita [canbia]
Le notisie sora ła so vita łe xe scarse.
A se sa che 'l gera originario deła Spagna e più precisamente de Osca, in Aragona, visin ai Pirenei.
Ancora xovane, el xe sta mandà a Saragosa par completare i studi umanistiçi e teołogici; lì el ga conosesto el futuro papa Sisto II e tuti do i ga lasà ła Spagna par trasferirse a Roma.
Quando el 30 de agosto 257 Sisto el xe sta eleto vescovo de Roma, el ga afidà a Lorenso el compito de arcidiacono, cioè de responsabile dełe atività caritative 'nte ła diocesi de Roma.
Il martirio [canbia]
Ai scuminsi de agosto 258 ł'inperatore Valeriano gaveva emanà on edito, ordinando che tuti i vescovi, preti e diaconi i doveva esare copà: El 6 de agosto a xe sta copà Sisto II e quatro dì dopo a xe sta copà san Lorenso.
