Marco Paolini

Da Wikipedia, l'ençiclopedia libara.
Va a: navigasion, serca
Marco Paolini

Marco Paolini (Belun, 5 marzo 1956) el xe un ator, regista e autor de teatro veneto. El ga fato un mucio de spetacołi, soratuto monologhi, dedicà a i grandi disastri e scandałi italiani (ma anca foresti), insoma a tute quełe robe che ga fato morir un mucio de xente ma no se ga mai savù de chi l'è ła colpa.

Tra i so spetacołi piesè famosi ghe xe Il racconto del Vajont, che conta ła storia del disastro de ła diga del Vajont che'l gà inondà Longaron e i paesi vizini, I-TIGI Canto per Ustica dedicà a ła straje de Ustica, Parlamento chimico - Storie di plastica su l'inquinamento provocà dal Petrolchimico de Porto Marghera, Bhopal 2 dic. '84 su l'incidente a na industria chimica de Bhopal in India, e Il Sergente, ispirà al libro Il Sergente nella Neve de Mario Rigoni Stern.

El ga anca recità in diversi film, come I piccoli maestri tratto dal romanzo de Luigi Meneghello, dove el faxea ła parte del capo partigian Toni Giuriolo.

Commons

So Commons ghe xè de i file multimediałi so Marco Paolini