Navara

Da Wikipedia, l'ençiclopedia libara.
Va a: navigasion, serca
Navara
(EU) Nafarroako Foru Komunitatea
comunidà autonoma
Navara – Stema Navara – Bandiera
Dati aministrativi
Stato Flag of Spain.svg Spagna
Cavedal Pamplona
Presidente Miguel Sanz Sesma (UPN) dal 2005
Lengue spagnoło, basco
Data de istitusion 16 de agosto 1982
Teritorio
Coordinae
de ła Cavedal
42°49′05″N 1°38′38″W / 42.818, -1.644Coordinate: 42°49′05″N 1°38′38″W / 42.818, -1.644
Superfise 10 391 km²
Abitanti 629 569 (2009)
Densità 60,59 ab./km²
Comuni 0
Altre informasion
Fuxo orario UTC+1
ISO 3166-2 NA
Raprexentansa parlamentare 5 congresisti, 5 senadori
Locałixasion

Navara – locałixasion

Sito istitusionałe

Ła Navara o Comunità Foral de Navara (en castilian Navarra o Comunidad Foral de Navarra, en basco Nafarroa o Nafarroako Foru Erkidegoa) l'è na comunità autonoma e na provinçia spagnoła oltre che una de łe sete provinçe basche de Euskal Herria. Situà in te ła parte setentrionałe de ła penixoła iberica, ła confina a nord-ovest co ła comunità autonoma dei Paexi Baschi (Álava e Guipúzcoa), a nord-est co ła Francia (tuto l'Iparralde, in te łe so provinçe de Labourd, Soule e Basa Navara), a sud-est co l'Aragona (provinçe de Saragosa e Huesca) e a sud-ovest co Ła Rioja.

L'è conposta da 272 comuni e ła ga na popołasion de 605.876 áneme (2007) de cui çirca un terzo ła vive in te ła cavedal Panplona (Iruñea) —195.769 abitanti— e più de ła metà in te ła so area metropołitana (317.168 parsone).

Łe łéngoe ofisiałi de ła Navara i'è el castilian e 'l basco, seben sto último soło in te ła parte setentrionałe de ła comunità. En basco ła Navara l'è anca nota col nome de Nafarroa Garaia (Alta Navara), par distinguerla da ła Nafarroa Beherea (Basa Navara), che ła se cata in Francia.

Sto teritorio el ga a łe spałe na łonga tradision de autonomia: el regno de Navara l'è existío fin al 1841. Ła so storia połitica ła stà difati a ła baxe de ła so particołare organixasion juridico-aministrativa, che l'è regołamentà da na łeje speçifica del 1982, ciamà brevemente Amejoramento o co l'acronimo de LORAFNA. El spírito de sta łeje l'è queło de coniugar ła tradision forałe navarexe co ła costitusion spagnoła del 1978, de cui ła costituise na dispoxision adisionałe.

Etimołogia[canbia | canbia sorxente]

Ła prima atestasion scrita del termine Navarra l'è del IX secoło, in te l'opera Vita Karoli Magni de Eginardo,[1] capìtoło 15, che ła contien ła seguente fraxe en łatin: «[...] qui apud Navarros ortus et fertilissimos Hispaniae agros secans sub Dertosae civitatis moenia Balearico mari miscetur; deinde Italiam totam». Ve se descrive ła intruxioni del re franco Carlo Magno fin al fiume Ebro. Etimołogicamente, el topònimo el provien probabilmente dal vocàboło naba, d'orìgine preromana, forse protobasca, che se crede el significase "tera piana çircondà da montagne",[2][3] descrision che se adata pienamente a Panplona e al teritorio che łe çirconda. A sto vocaboło se gà xontà el sufiso -erri, che in basco vol dir "tera o popoło".[4]

Storia[canbia | canbia sorxente]

El castel Javier
Na capeła a Roncisvałe

Ai tenpi de l'Inpero roman, el teritorio de ła provinçia l'era abità dai vasconi, na tribù preromana che abitava el versante sud dei Pirenei. Sti qua i'è riusìi a mantegner ła propia łéngoa - el basco - e tradisioni anca soto i romani. L'area no l'è mai stà pienamente sotomesa, né dai Vixigoti né dai Arabi. In tel 778 l'exerçito franco el vien sconfito dai baschi in te ła bataia de Roncisvałe.

In tel 824 el capitan Iñigo Arista el vien incoronà re de Panplona, el che el porta a ła fondasion del Regno de Navara. El regno el riva a ła so màsima espansion soto Sancho III de Navara, quando el cuerxe el teritorio de l'atuałe Navara, Paexi Baschi, Ła Rioja, e parte de ła Cantabria, Castilia e Leon e Aragona. A ła so morte el paexe el vien parò divixo tra i so fioi e no'l vearà mai più interamente ricostituío. L'exercito de Navara el ciapa parte a ła decixiva bataia de Łe Nave de Tolosa del 1212 al fianco dei altri regni cristiani de Spagna dopo de ła qual i posedimenti musulmani in te ła penixoła iberica i vien ridoti a un picoło teritorio in tel sud.

L'inclinasion de i re navari par ła połitica francexa e i negosiati par spoxar el so primogenito, Enrico, prinçipe de Viana, co na fioła de Luixi XII de Francia, i'è łe motivasioni che porta Ferdinando el Catòłico a inviar el duca d'Alba a conquistar el regno de Navara in tel 1512. El 25 de lujo Federico de Tołedo, duca d'Alba, l'ocupa Panplona e ła famea real navara l'è costreta a rifujarse in Basa Navara e a Bearn. El 23 de marso de l'ano dopo, łe corte de Navara, co ła soła prexensa dei leader de ła fasion beaumontexa, łe proclama Ferdinando el Catòłico "re de Navara". In tel 1515, łe Cortes de Castilia, a Burgos e sensa ła prexensa de nisun raprexentante navarexe, i anete l'Alta Navara a ła Corona de Castilia. Nonostante łe diverse bataie conbatúe par recuperar l'Alta Navara e łe rivolte de i abitanti (anca de fasion beaumontexa), no se otien alcun rixultato e 'l teritorio de ła Basa Navara el resta separà dal resto del regno fin a vegner incorporà in te l'inpero francexe. Malgrado l'union co ła Castilia, el regno de Navara el riese a conservar molti priviłeji e i so fueri, molti dei quałi conservà fin al XX secoło. L'è grasie al riconosimento de sti fueri, ancora vałidi, se ła Navara ła pol godar ancó de un special grado de autonomía, garantío dal status de comunità foral.

Geografia e clima[canbia | canbia sorxente]

Situà in tel nord-est de ła penixoła iberica, ła Navara ła confina a nord col dipartimento francexe dei Pirenei Atlantici (in te ła rejon de Aquitania), a ovest co i Paexi Baschi, a su co Ła Rioja e a est co l'Aragona. El teritorio l'include n'enclave, Petilla de Aragón, che l'è conpletamente circondà da l'Aragona.

Nonostante ła so superfiçie mia tanto estexa, ła Navara l'è gran variegà dal punto de vista geografico. Ła majoransa del teritorio de ła rejon l'è montagnoxo, dominà da ła cordiliera pirenaica, el che el contrasta co łe pianure de ła vałe del fiume Ebro in tel sud.

El clima de ła Navara el misia influense da i monti Pirenei e łde a vałe del fiume Ebro, creando na grosa diferensa tra i climi del nord (molto piasè umidi e con frequenti precipitasioni) e del sud (clima più mediteraneo co tenperature piasè alte e precipitasion più sporadiche). Se pol pasar, in tel giro de pochi kilometri, da łe umide vałi del nord a łe aride Bardenas Reales su łe sponde de l'Ebro.

Łéngoe[canbia | canbia sorxente]

Distribusion del basco come łéngoa materna par comune

En Navara se parla spagnoło e basco. Entranbe łe łéngoe i'è ofiçiałi, parò, mentre el castilian el dè en tuta ła comunità foral, el basco l'è ofiçialmente riconosúo soło en łe xone specificà da ła Ley Foral del Vascuence (Ley Foral 18/86 de 15 de deciembre de 1986)[5]. Sta łeje ła divide difati ła Navara en tre aree: bascòfona (ndo el basco l'è łéngoa majoritaria), mista e no bascòfona (ndoe domina el castilian). De 272 comuni navarexi, 109 i apartien a łe xone bascòfona e mista e i pol godar de i vantaji oferti da ła coofiçiałità del basco, tra cui ła toponomàstica biłéngoe e 'l dirito dei çitadini a comunicar co łe aministrasioni publiche en basco. Sta łéngoa ła vien parlà en ła xona çentrałe e setentrionałe del teritorio, esendo ła łéngoa materna de ła majoransa de ła popołasion in tel nord e estremo nordovest. Considerando ła Navara in tel so insieme, el castilian l'è ła łéngoa materna de l'88,9% de ła popołasion, el basco del 7,0%, el 2,1% el ga entranbe łe łéngoe come materne e 'l restante 2,1% el parla n'antra łéngoa come materna[6].

Storicamente s'à parlà anca altre łéngoe, sparíe al dì d'ancó, come el romanxo navaro o navaro-aragonexe e, minoritariamente, el guascon, francexe, ebrèo e àrabo.

Diałeti baschi en Navara[canbia | canbia sorxente]

El basco l'è parlà en Navara secondo diverse forme diałetałi (nóve secondo ła clasificasion seguía dal Diccionario General Vasco de ła Euskaltzaindia anca se in sèguito i'è stè riragrupè): el piasè estexo l'è el diałeto alto-navaro, che se parla en te ła parte çentrałe e setentrionałe. En łocałità come Basaburua, Imotz e altre al confin co ła Gipuzkoa, se parla el diałeto gipuzcoan e in te ła parte çentral del Pireneo navaro (par exenpio in te łe vałi de Aezcoa e Salazar) se parla na varietà del diałeto baso-navaro posteriormente ciamà diałeto navaro-oriental. En ła parte più oriental de Pireneo, en ła vałe de Roncal, se parlava fin a calche ano fa el diałeto roncałexe, estinto a ła fine del XX secoło. En łe łocałità de Urdax e Zugarramurdi se parla el diałeto de Lapurdi.

Oltre ai diałeti existe anca diversi subdiałeti e tipicità łenguistiche łocałi.

Organixasion połitica e aministrativa[canbia | canbia sorxente]

I fueri de Navara[canbia | canbia sorxente]

I fueri navarexi, originari del Medioevo, i'è stà un pato tra ła nobiltà e 'l popoło, trasmeso a l'inisio oralmente e, a partir dal XIII secoło, butà xo par iscrito en Fueros y Compilaciones.[7]

In tel 1512 el Regno de Navara el vien conquistà da ła Corona de Castilia, ma el mantien el propio regime d'autogoverno łegislativo, executivo, judisiario e fiscałe, conservando ła so condision de "regno" soto ła figura de un vicerè. Sto sistema l'era propio de ła Navara e no l'era mia na regołamentasion inposta da ła Castilia, come l'è stà invese par altri regni, quałi par exenpio el Regno de Granada.

Dopo ła Prima goera carlista, en el congreso de Vergara, el jenerałe łiberal Espartero el racomanda al governo de "propor a łe Cortes ła concesion o ła modifica dei fueri"; sto dixegno el se reałixa co ła leje del 25 de otobre 1839 (ciamà Ley de confirmación de fueros), quando i fueri i vien ribadìi "sensa dano par l'unità costitusional de ła monarchía",[8] e che ła diventa efetiva co ła publicasion de ła Ley de modificación de los fueros de Navarra (denominà ani più tardi Leje Paccionada de Navarra) el 16 de agosto 1841.[9]. Con sta leje, ła Navara no ła vien più dexignà come un "regno" e ła se converte in provinçia, adatàndose a ła divixion teritorial de ła Spagna del 1833 de Javier de Burgos. Dopo ła Goera çiviłe spagnoła vien sopreso i fueri de Gipuzkoa e Bizkaia, parché considerà "provinçe traditore", parò i fueri de Navara e Araba i vien mantegnúi, avendo donà el so suporto a ła rivolta.

Ła fine de ła ditatura e ła restaurasion del sistema democràtico ła porta a na nova costitusion in tel 1978; una de łe questioni più spinoxe ła rivardava propio ła problematica foral. El rixultato de sto laoro el se cata in te ła Disposición Adicional Primera, che ła stabiłise:"Ła costitusion ła tuteła e ła rispeta i diriti storici dei teritori forałi". I fueri i vien adatà a ła nova realtà de autonomie del Stato spagnoło par mexo de ła publicasion de ła "Ley Orgánica 13/82 de 10 de agosto de Reintegración y Amejoramiento del Regimen Foral de Navarra".

Łe istitusioni forałi de ła Navara[canbia | canbia sorxente]

Edifiçio del Parlamento de Navara, Panplona.
  • Parlamento de Navarra o Cortes de Navarra: òrgano łegislativo de rapresentansa połítica ełeto a sufrajo universałe par un periodo de quatro ani. El ga ła potestà łegislativa par quanto riguarda łe materie de so conpetensa come Comunità Foral. El Parlamento l'elexe al Presidente del Governo de Navara e 'l exercita un ruoło de inpulso e controło de łe atività del Governo de Navara.
  • Gobierno de Navarra o Diputación Foral: el Governo de Navara l'è l'òrgano cołegial che, soto ła diresion del so Presidente, el stabiłise ła połítica general e l'dirixe l'aministrasion de ła Comunità Foral de Navara. L'è conposto dal Presidente e dai Consejeri o Deputati Forałi, da eło nominè. El Governo el ga el poter executivo e ła potestà regołamentaria. Atualmente l'è direto da ła coałision de Unión del Pueblo Navarro e Convergencia de Demócratas de Navarra, de sentro-destra rejonałista.
  • Cámara de Comptos: en basco Nafarroako Comptos Gambera, l'è l'istitusion dèdita a ła gestion econòmica e finansiaria del setor público de ła Comunità Foral de Navara.
  • Defensor del Pueblo de Navarra: el Difensor del Popoło o Ararteko en basco, l'è ła istitusion che, su mandato del Parlamento, ła vigiła su el rispeto de i diriti fondamentałi e de łe łibartà publiche de i çitadini, e con sta finałità el supervixiona l'atuasion de łe aministrasioni pùbliche de st'altri enti łocałi navarexi.

L'autonomia navarexe[canbia | canbia sorxente]

El regime foral el dà a ła Navara determinà conpetense come na so propia połisia (ciamà Policía Foral de Navarra, Foruzaingoa en basco), un sistema fiscal difarente [2] e tante altre equivałenti a quełe garantíe dai Statuti de Autonomia de łe altre Comunità Autonome, che en Navara el ciapa el nome de Ley Orgánica de Reintegración y Amejoramiento Foral de Navarra. Alcune carateristiche de ła łegislasion navarexa in materia çiviłe e fiscałe i'è:

  • En Dirito çivil, el codexe çivil spagnoło el se cata soto a i uxi en te l'ordine de priorità de łe fonti.[10]
  • En Dirito fiscal, pararea che łe inposte che grava su ła persona fixica, na olta minori, łe se sia ultimamente uniformà al resto de ła Spagna. Pararea persistar qualche vantajo soło par l'IRPEF.
  • Tra persone fíxiche, ła vantajoxa tasa su łe sucesioni da pare a fioi (0,8% de l'eredità), l'è stà motivo che 'a portà grande fortune a pagar łe tase en sta comunità.[11] Reçentemente, parò, łe comunità łimitrofe a łe comunità con regime fiscałe special, ła Cantabria e Ła Rioja, i'à praticamente sopreso el tributo par disiendenti e coniugi,[12] mentre ła Comunità de Madrid o ła Comunità Vałensiana i l'à sopreso conpletamente in tel 2007.
  • Anca tra łe persone jurídiche (inprexe) existea fin a qualche ano fa dei vantaji fiscałi; par exenpio, un studio[13] l'indicava che łe inprexe cantabre in tel 1996 łe avarea otegnúo un risparmio del 57%, e del 42% in tel 1997 se se g'avese aplicà el regime tributario foral. Sto tratamento l'è stà però equiparà gradualmente, urtà tanto da łe dichiarasioni de incostitusionałità portà avanti da łe comunità visine, par exenpio ła STC 96/2002, del 25 de april,[14] tanto da i reclami efetuà davanti a l'Union Eoropea.[15]
  • En Dirito tributario, ła Navara ła ga piena potestà łegislativa en materia tributaria, cosita come en el controło e riscosion de tute łe inposte. L'aprova łe so spexe e i so conti. Al Stato l'aporta na cifra anuałe, stabiłía en el "Convenio Económico"[16], par i servisi e łe funsioni forníe da questo.

Demografia[canbia | canbia sorxente]

Nafarroa.png

Al 1º jenar 2007 ła popołasion de ła Navara l'era de 605.876 abitanti, e ła densità de 58,31 ab./km². De sti qua, el 9,23% i era foresti, prinçipalmente ecuadoregni. Ła popołasion l'è en cresita (de un 0,66% rispeto al 2006), ma ła densità ancora basa. Par quanto riguarda el seso, se prexenta na difarente situasion tra spagnołi e foresti: mentre tra i spagnołi prevałe łe done, tra i foresti ghè na predominansa de omeni. El grupo de età pì numaroxo l'è queło che va da i 25 ai 54 ani, mentre queło piasè exiguo el fa riferimento a l'età più avansà; ła tendensa a l'inveciamento ła continua parò a manifestarse e tra 'l 2006 e 'l 2007 l'età media l'è aumentà de un deçimo. I comuni che i vede major cresita i'è quei in te łe viçinanse de Panplona; l'è invese el capołogo uno de i çentri abità che perde più abitanti.[17]

I comuni più popołà dopo Panplona, che da soła ła ospita un terzo de tuti i abitanti de ła rejon, i'è (al 2007):

Economia[canbia | canbia sorxente]

A partir dal 1964, ła Navara l'à scomisià un profondo proceso de transformasion economica, da n'economia baxà su l'agricoltura e che ocupava ła metà de ła popołasion economicamente ativa a n'economia equiłibrà e moderna. El motor de sta trasformasion l'è stà l'industria che ancora ancó, nonostante el proceso de tersiarixasion de łe ùltime decade, l'è più prexente che in te łe altre rejoni.[18]

El setor primario l'ocupa el 5,9% de ła popołasion navarexa.[19] Ghè coltivasioni de formenton, çereałi, fruti e girasołi; anca ła produsion vinicoła l'è inportante. El setore secondario l'è raprexentà par ło più da picołe e medie inprexe, ma no manca mia łe multinasionałi, che i'à contribuío a ła modernixasion de l'aparato produtivo rejonałe e al sviłupo economico de ła comunità foral. Ła majoransa dei inpianti industriałi con łivei tecnołogici ełevà e capacità de esportasion i apartien al setor automobiłistico e dei machinari e equipajamenti. Ła tersa industria più inportante l'è cheła agroałimentare: łe prime tre mese insieme łe costituise ła metà del vałor xontà de ła produsion industriałe de Navara. [19] El tersiario l'è el setor più inportante en termini de vałor xontà e 'l continua a trasformar ła strutura economica de ła comunità foral. Rispeto al resto de ła Spagna, el setor tersiario de l'economia navarexa el raprexenta l'1,4% del total del tersiario spagnoło.[19]

Połitica energetica[canbia | canbia sorxente]

Ła Navara l'è leader en Europa par quanto riguarda łe energie rinovabiłi, e ła conta de rivar a generar entro el 2010 el 100% de l'energia da fonti rinovabiłi. Al 2004, el 61% de l'energia de ła rejon l'era generà da fonti rinovabiłi, de cui el 43.6% el provegnea da 28 mułini a vento, el 12% da oltre 100 turbine idraułiche in scała ridota e 'l 5.3% da 2 inpianti biomase e 2 de biogas. In xonta, ła rejon ła gavea el pì groso inpianto fotovoltaico de Spagna, a Montes de Cierzo de Tudela (capacità de 1.2 MWp), più diverse altre sentenara de instałasioni fotovoltaiche.

Feste[canbia | canbia sorxente]

  • Ùltima dominica de apriłe: Nafarroaren eguna (jorno de ła Navara); el vien çelebrà a Baigorri par rivendicar l'unità culturałe de Alta e Basa Navara.
  • 7 de lujo: San Fermin; l'è ła festa piasè nota de ła provinçia, conosúa en tuto el mondo.
  • 3 de diçenbre: jorno de San Francesco Saverio; festa ofisiałe.

Riferimenti[canbia | canbia sorxente]

  1. En el Vita Karoli Magni, capítoło 15
  2. Naba, Enciclopedia Auñamendi.
  3. Definision spagnoła de [1] in tel disionario de ła RAE.
  4. Luis Landa El Busto, "Stòria de Navara", p. 73
  5. Ley Foral 18/86, de 15 de diciembre de 1986, del Vascuence. Regołasion del so uxo normal e ofiçial.
  6. Instituto de Estadística de Navarra. Censimento de ła popołasion 2001
  7. I Fueri de Navara
  8. Leje del 25 de otobre, 1839
  9. Llei Paccionada de Navarra
  10. Artículo 2 de la Ley 1/1973, de 1 de marzo, por la que se aprueba la Compilación del Derecho Civil Foral de Navarra
  11. Impuestos 'a la Carta'. Las normativas autonómicas sobre IRPF, Sociedades, Patrimonio o Sucesiones obligarán a empresas y particulares a estudiar las 'condiciones' que ofrece su comunidad, análisis del diario El Mundo, 8 de noviembre de 1998.
  12. El Registro de Economistas Asesores Fiscales detecta un aumento de los impuestos a la vivienda por parte de las comunidades, noticia en consumer.es de 11 de febrero de 2005.
  13. I vantaji fiscałi baschi, en cifre studio de l'Università de Cantabria.
  14. Sentencia STC 96/2002, de 25 de abril, dictada en recurso de inconstitucionalidad promovido por el Consejo de Gobierno de la Comunidad Autónoma de La Rioja contra la disposición adicional 8ª de la Ley 42/1994, de 30 de diciembre, de medidas fiscales, administrativas y del orden social. En ella se trataba de hacer frente al llamado "efecto frontera" originado por disposiciones fiscales favorables de los vecinos territorios del País Vasco y Navarra. La Sentencia declara la incostitucionalidad y consiguiente nulidad de dicha disposición adicional octava de la ley de acompañamiento de aquel año que decía: "Los residentes en la Unión Europea que no lo sean en España y que, por su condición de tales, deban someterse a la legislación tributaria del Estado, sin que, por esta circunstancia, puedan acogerse a la de la Comunidad Autónoma o Territorio Histórico del País Vasco o Navarra en el que operen, tendrán derecho, en el marco de la normativa comunitaria, al reembolso por la Administración Tributaria del Estado de las cantidades que hubieran pagado efectivamente en exceso con respecto al supuesto de haberse podido acoger a la legislación propia de dichas Comunidades Autónomas o Territorios Históricos, en los términos que reglamentariamente se establezcan."
  15. Ayuda estatal nº E 22/2004 – España. Inçentivi fiscałi direti a favor de łe atività rełasionà a l'esportasion.
  16. http://noticias.juridicas.com/base_datos/Fiscal/l28-1990.html
  17. El 1 jenar 2007 ła Navara ła gavéa 605.876 abitanti (diariodenavarra.es)
  18. Así es Navarra. Economía y Servicios
  19. 19,0 19,1 19,2 Setori produtivi de ła Navara

Ligamenti de fora[canbia | canbia sorxente]

Commons

So Commons ghe xè de i file multimediałi so Navara






Flag of Spain.svg Spagna | Comunità autonome
Bandera de Andalucía.svg Andalusìa - Flag of Aragon.svg Aragona - Flag of Asturias.svg Prinsipato d'Asturie - Flag of the Balearic Islands.svg Ìxołe Bałeari - Flag of the Canary Islands.svg Ìxołe Canarie - Flag of Cantabria.svg Cantabria - Bandera Castilla-La Mancha.svg Castiglia La Mancha - Flag of Castilla y León.svg Castiglia e Leon - Flag of Catalonia.svg Comunità Autonoma de Catałogna - Flag of the Land of Valencia (official).svg Comunità Vałensiana - Flag of the Basque Country.svg Paexi Baschi - Estremadura - Flag of Galicia.svg Gałisia - Flag of the Community of Madrid.svg Comunità de Madrid - Flag of the Region of Murcia.svg Region de Mursia - Flag of Navarre.svg Comunità Forałe de Navara - Flag of La Rioja (with coat of arms).svg La Rioja
Çità autonome
Ceuta - Flag of Melilla.svg Melilla
Province basche (Euskal Herriko herrialdeak)
Sinboło tradisionałe de Euskal Herria Flag of the Basque Country alternative proportions.svg Euskal Herria    Flag of Spain.svg Spagna (Hegoalde): Paexi Baschi (Gipuzkoa flag.svg Gipuzkoa · Flag of Alava.png Araba · Bizkaikobanderea.svg Bizkaia) · Flag of Navarre.svg Navara
Flag of France.svg Fransa (Iparralde): Lapurdi.png Lapurdi · Bandera Navarra.svg Basa Navara · Zuberoa.png Zuberoa
Province tradisionałi de Euskal Herria