Zuberoa

Da Wikipedia, l'ençiclopedia libara.
Va a: navigasion, serca

Zuberoa
Soule

Bandiera de Zuberoa Scudo de Zuberoa
Teritorio Flag of the Basque Country alternative proportions.svg Euskal Herria
Capitałe Mauleón-Licharre (Maule-Lextarre)
Zuberoa Kokapena.gif
Stato Flag of France.svg Fransa
Rejon Aquitania
Dipartimento Pirenei Atlantici
Superfiçie 760 km²
Abitanti 15 481 ab. (1999)
Densità 17,7 ab/km²

Zuberoa ( Xiberua o Xiberoa in diałeto sułetin, Soule in francexe, Sola in guascon) l'è el nome in basco unificà del teritorio storico più picenin del Paexe Basco francexe. L'è situà in tel dipartimento dei Pirenei Atlantici, in te ła vałe del Saison (Uhaitza in basco). In francexe el vien ciamà anca Pays de Soule. Secondo ła Euskaltzaindia (Real Academia de la Lengua Vasca) el sarea uno de i sete teritori che forma Euskal Herria, cioè un teritorio con carateristiche culturałi, antropołogiche e etnografiche comuni, come ła prexensa del basco.

I comuni che le conpone i forma parte de i cantoni de Mauléon-Licharre e Tardets-Sorholus in tel distreto (arrondissement) de Oloron-Sainte-Marie e Saint-Palais (parsialmente), in tel distreto (arrondissement) de Baiona. Inoltre, i comuni che se considera apartenenti a sto teritorio storico e i forma parte del distreto de Oloron-Sainte-Marie i s'à asocià in te na comunità de municipi (Communauté de communes de Soule-Xiberoa). Quei che apartien al distreto de Baiona no i forma parte de ła comunità.

Ła capitałe storica l'è Mauleón-Licharre (in basco Maule-Lextarre), rixultà da ła fuxion de i comuni de ła çità de Mauleón e ła łocałità de Licharre in tel 1841.

Ła so economia ła dipende prinçipalmente da l'agricoltura, el subapalto aeronautico e calche picoła industria artixanałe come queła de łe espadrillas.

Vista de Santa Grazi.


Geografia[canbia | canbia sorxente]

El Zuberoa el confina:

  • a nord el torente pirenaico d'Oloron el le separa da Bearn
  • a est con ła vałe de Barétous (Bearn)
  • a sud con ła vałe de Salazar in Navara (Spagna)
  • a ovest con ła Basa Navara

Ła çima più alta del Zuberoa l'è el monte Orhia (2017 m), ła prima çima de 2000 m dei Pirenei partendo da oçidente. L'è anca ła çima più alta de Euskal Herria dopo del Toła dei tre re (in basco Hiru Errege Mahaia, in spagnoło Mesa de los Tres Reyes), Ezkaurre e Arlas.

D'altra parte, l'Otsogorrigaina (1.922 m) e 'l Sardekagaina (1 893 m) i'è rispetivamente el secondo e 'l terzo monte più alto de ła provinça. In tuto, ghè 27 çime che supera i 1 000 metri.


Storia[canbia | canbia sorxente]

Dal Zuberoa antico al dominio bearnexe[canbia | canbia sorxente]

Par che sto teritorio storico el fuse popołà xa in tel Pałeołitico Medio, esendo stè catè resti preistorici de l'omo de Neanderthal in te łe grote de Xaxixiloaga (Aussurucq) e Etxeberri. A ła fine del Neołítico, ła popołasion la s'era estexa e l'avea asimiłà tecniche e conosense de altri popołi. I Romani i ga avuo gran influensa in Zuberoa, cosita come in tel resto de l'Aquitania, anca se l'à manteguo el protobasco (predecesor e continium del basco).

Dopo ła caduta de l'Impero Roman in tel secoło V scominsia łe invaxioni de i Vixigoti e de i Franchi. In te l'ano 602, i teritori baschi del nord dei Pirenei i vien riunii in tel ducato de Vasconia, vinsendo poco dopo (635) l'exercito del re franco Dagoberto I e tentando de asicurarse in sta maniera na rełativa indipendensa. Spario el Regno de Tołoxa, che l'era in man franca, el ducato de Vasconia el se inpadronise de łe tere del ducato de Aquitania (660), anca se el resta indipendente fin a ła conquista carołingia del 768. Nonostante łe łote par restar indipendente, el Ducato de Vasconia el rixulta unio a queło de Aquitania tra i secołi VII e IX.

Dal dominio de ła viscontea de Bearn fin al dominio inglexe[canbia | canbia sorxente]

In tel secoło IX sorge ła viscontea de Zuberoa a cauxa de ła nasita del regno de Panplona (824), el cui primo re, Iñigo Arista, el nomina Aznar primo visconte in tel 832, dando inisio a na dinastia che sarea durà fin al XIII secoło.In tel secoło XI el duca de Guascogna el cede i so diriti sul Zuberoa al visconte de Bearn, mentre el re el continuava a esar el paron del castel de Mauleón. El ducato de Aquitania el se inposesa de i teritori baschi, conservando łe so istutisioni, par cedarło poco dopo in tel 1152 insieme col Lapurdi a i Inglexi, a cauxa del matrimonio tra Ełeonora de Aquitania e Enrico Plantageneto. Soto ła dominasion inglexe, el Zuberoa el consegue gran łibertà e 'l conserva i so costumi, xviłupando ła so economia. Dopo el dominio inglexe, in tel 1449, el pasa in te łe mane del visconte de Bearn Gaston IV de Foix.


Cultura e łéngoa[canbia | canbia sorxente]



Mauleón-Licharre, capitałe del Zuberoa.

In Zuberoa existe na tradision de teatro muxicałe folclórico, el coxì ciamà pastorałe: i abitanti de i paexi i dedica tuto l'ano a preparar e provar danse e opare de teatro. Tradisionalmente, el tema de l'opara l'era soratuto rełijoxo, ma da poco s'à scomisià a raprexentar anca epixodi de ła storia de i Baschi.

El francexe l'è l'unica łéngoa ofisiałe, anca se ła majoransa de ła popołasion (el 64% de i abitanti de ła provinçia) ła parla anca el basco in te ła forma del diałeto sułetin[1] e guascon. Nonstante ła mancansa de ofisiałità, el basco el ga un çerto riconosimento, con ła posibiłità comune a tuto el Paexe Basco francexe de ła cartełonistica stradałe biłengoe par indicar i nomi de łe łocałità. El Zuberoa l'è stà biłengoe par secołi a cauxa de ła viçinansa de Bearn, ła cui łéngoa, el bearnexe, na variante del guascon, l'à influensà on mucio el sułetin.

L'identità culturałe basca l'è molto sentia: el 71% dei sułetini i se dichiara basco, ła parsentuałe più alta de tuto el Paexe Basco francexe.[2]


Comuni[canbia | canbia sorxente]

Comune Distreto Canton Note
Ainharp (Ainharbe in basco) Oloron-Sainte-Marie Mauléon-Licharre
Alçay-Alçabéhéty-Sunharette (Altzai-Altzabeheti-Zunharreta in basco) Oloron-Sainte-Marie Tardets-Sorholus
Alos-Sibas-Abense (Aloze in basco) Oloron-Sainte-Marie Tardets-Sorholus
Aroue-Ithorots-Olhaïby (Arüe in basco) Bayona Saint-Palais No l'apartien mia a ła Communauté de communes de Soule-Xiberoa .
Arrast-Larrebieu (Ürrüstoi-Larrabile in basco) Oloron-Sainte-Marie Mauléon-Licharre
Aussurucq (Altzürükü in basco) Oloron-Sainte-Marie Mauléon-Licharre
Barcus (Barkoxe in basco) Oloron-Sainte-Marie Mauléon-Licharre
Berrogain-Laruns (Berogaine-Lahüntze in basco) Oloron-Sainte-Marie Mauléon-Licharre
Camou-Cihigue (Gamere-Zihiga in basco) Oloron-Sainte-Marie Tardets-Sorholus
Charritte-de-Bas (Sarrikotapea in basco) Oloron-Sainte-Marie Mauléon-Licharre
Chéraute (Sohüta in basco) Oloron-Sainte-Marie Mauléon-Licharre
Domezain-Berraute (Domintxaine-Berroeta in basco) Baiona Saint-Palais No l'apartien mia a ła Communauté de communes de Soule-Xiberoa .
Espès-Undurein (Ezpeize-Ündüreine in basco) Oloron-Sainte-Marie Mauléon-Licharre
Esquiule (Eskiula in basco) Oloron-Sainte-Marie Oloron-Sainte-Marie-Ouest Comune de Bearn durante l'Ancien Régime. El se include abitualmente in te ła łista de łe popołasioni sułetine, esendo ła so popołasion storicamente vascófona.br/>No l'apartien mia a ła Communauté de communes de Soule-Xiberoa e no l'à fato domanda par entrar in tei Conseji del Paexe Basco francexe.
Etcharry (Etxarri in basco) Baiona Saint-Palais No l'apartien mia a ła Communauté de communes de Soule-Xiberoa .
Etchebar (Etxebarre in basco) Oloron-Sainte-Marie Tardets-Sorholus
Garindein (Garindaine in basco) Oloron-Sainte-Marie Mauléon-Licharre
Gestas (Jestaze in basco) Baiona Saint-Palais No l'apartien mia a ła Communauté de communes de Soule-Xiberoa .
Gotein-Libarrenx (Gotaine-Irabarne in basco) Oloron-Sainte-Marie Mauléon-Licharre
Haux (Hauze in basco) Oloron-Sainte-Marie Tardets-Sorholus
Idaux-Mendy (Idauze-Mendi in basco) Oloron-Sainte-Marie Mauléon-Licharre
Lacarry-Arhan-Charritte-de-Haut (Lakarri in basco) Oloron-Sainte-Marie Tardets-Sorholus
Laguinge-Restoue (Liginaga-Astüe in basco) Oloron-Sainte-Marie Tardets-Sorholus
Larrau (Larraine in basco) Oloron-Sainte-Marie Tardets-Sorholus
L'Hôpital-Saint-Blaise (Ospitalepea in basco) Oloron-Sainte-Marie Mauléon-Licharre
Lichans-Sunhar (Lexantzü-Zünharre in basco) Oloron-Sainte-Marie Tardets-Sorholus
Licq-Athérey (Ligi-Atherei in basco) Oloron-Sainte-Marie Tardets-Sorholus
Lohitzun-Oyhercq (Lohitzüne-Oihergi in basco) Baiona Saint-Palais No l'apartien mia a ła Communauté de communes de Soule-Xiberoa .
Mauléon-Licharre (Maule in basco) Oloron-Sainte-Marie Mauléon-Licharre
Menditte (Mendikota in basco) Oloron-Sainte-Marie Mauléon-Licharre
Moncayolle-Larrory-Mendibieu (Mitikile-Larrori-Mendibile in basco) Oloron-Sainte-Marie Mauléon-Licharre
Montory (Montori in basco) Oloron-Sainte-Marie Tardets-Sorholus
Musculdy (Muskildi in basco) Oloron-Sainte-Marie Mauléon-Licharre
Ordiarp (Urdiñarbe in basco) Oloron-Sainte-Marie Mauléon-Licharre
Ossas-Suhare (Ozaze-Zühara in basco) Oloron-Sainte-Marie Tardets-Sorholus
Osserain-Rivareyte (Ozaraine-Erribareita in basco) Bayona Saint-Palais No pertenece a la Communauté de communes de Soule-Xiberoa.
Pagolle (Pagola in basco) Baiona Saint-Palais No l'apartien mia a ła Communauté de comunnes de Soule-Xiberoa.
Roquiague (Arrokiaga in basco) Oloron-Sainte-Marie Mauléon-Licharre
Sainte-Engrâce (Urdatx in basco) Oloron-Sainte-Marie Tardets-Sorholus
Sauguis-Saint-Étienne (Zalgize-Doneztebe in basco) Oloron-Sainte-Marie Tardets-Sorholus
Tardets-Sorholus (Atharratze Sorholuze in basco) Oloron-Sainte-Marie Tardets-Sorholus
Trois-Villes (Iruri in basco) Oloron-Sainte-Marie Tardets-Sorholus
Viodos-Abense-de-Bas (Bildoze-Onizpea in basco) Oloron-Sainte-Marie Mauléon-Licharre
Comuni del Zuberoa.


Varda anca[canbia | canbia sorxente]


Bibliografia[canbia | canbia sorxente]

  • Juan José Lapitz (1984), Amar a Euskalerría conociéndola, Fuenterrabía. ISBN 84-400-5011-9


Riferimenti[canbia | canbia sorxente]

  1. Jacques Leclerc. "Les variétés dialectales du basque" Université Laval, Trésor de la langue française au Québec. 23 marso 2006
  2. Richard Y. Bourhis. "Ła continuità del basco: Clasificasion de ła popołasio secondo l'identità culturałe. Universidad de Québec en Montréal (novenbre 1994). Consultà el 23-12-2006


Ligamenti de fora[canbia | canbia sorxente]

Province basche (Euskal Herriko herrialdeak)
Sinboło tradisionałe de Euskal Herria Flag of the Basque Country alternative proportions.svg Euskal Herria    Flag of Spain.svg Spagna (Hegoalde): Paexi Baschi (Gipuzkoa flag.svg Gipuzkoa · Flag of Alava.png Araba · Bizkaikobanderea.svg Bizkaia) · Flag of Navarre.svg Navara
Flag of France.svg Fransa (Iparralde): Lapurdi.png Lapurdi · Bandera Navarra.svg Basa Navara · Zuberoa.png Zuberoa
Province tradisionałi de Euskal Herria