Euskal Herria
Da Wikipedia, ła ençiclopedia libara.
| Euskal Herria | |||||||||
|---|---|---|---|---|---|---|---|---|---|
|
|||||||||
| Moto: Zazpiak bat | |||||||||
|
|
|||||||||
| Informasioni | |||||||||
| Altri nomi: | Euskalerria Vasconia Paese Basco (it) |
||||||||
| Łengoe: | euskara, francexe e castiglián | ||||||||
| Capital storica: | Panplona (195.769 ab. / 2006) | ||||||||
| Çitá piú granda: | Bilbao (354.145 ab. / 2006) | ||||||||
| Politica | |||||||||
| Sudivixioni: | |||||||||
| Area e Popolasión | |||||||||
| Superficie: | 20.664 km² | ||||||||
| Popolasión: | 2.902.962 ab. (2001) | ||||||||
| Densità: | 140,48 ab./km² | ||||||||
| Geografia | |||||||||
| Continente: | Europa | ||||||||
| Fuxo orario: | UTC +1 | ||||||||
| Economia | |||||||||
| Valuta: | Euro | ||||||||
| Mapa dei comuni
|
|||||||||
|
|
|||||||||
| Mapa de le regioni
|
|||||||||
|
|
|||||||||
| Legenda: |
Paexi Baski |
||||||||
En basco con Euskal Herria se intende sia el posto abità dai baschi, sia l' insieme dei baschi, el popoło basco. El motivo de tale particołarità l'è da risercar in te ła storia basca, che no l' à quaxi mai visto na unità teritoriale basca; storicamente difati l'è l' atacamento a ła so cultura (e in particolare ła lengoa) quel c' à parmeso ai baschi de mantegner un forte grado de unità nonostante le divixioni de confine e la conservazsión de un patrimonio lenguistico de valore fondamental par l'intiera comunità umana. Se pol quindi dir che un basco l'è principalmente ci parla basco (in basco "Euskaldun") prima che un abitante de Euskal Herria.
Quando che se parla de Paexi Baschi se ga da star tenti a no confondar Euskal Herria con el teritorio de la Comunità Autonoma dei Paexi Baschi, de la qual l'è solo na parte, anca se la ga la stesa bandiera, l' Ikurriña. N'altro termine doparà par indicar Euskal Herria, ma soło in te l'acesión de teritorio dei baschi, l'è Euskadi, conià da Sabino Arana, pare del nasionalismo basco moderno, fato che 'l dona a ła paroła un significato marcatamente połitico.
Euskal Herria l'è situà a caval dei Pirenei sul golfo de Bizkaia su na superfice de 20.664 km2 e ła conprende sete province (en basco lurraldeak, teritori) divixe tra Francia e Spagna ke łe gode de łivełi de autonomia difarenti: łe province francexi (l'Iparralde) i' è ła Basa Navara (Nafarroa Beherea), Lapurdi e Xiberua e no łe vede riconosuo el basco (euskara) come łengua oficiałe. Ła situasión l'è diversa in te łe province spagnołe (l' Hegoalde): in te la Comunità Autonoma Basca (conprensiva de le province de Bizkaia, Gipuzkoa e Alaba) e in parte de la Comunità Foral de Navara el basco l'è riconosuo da lo Stato e doparà anca se con percentuałi difarenti, specialmente en Gipuzkoa, parte de la Nafarroa e in te i centri minori (l'è xa più dificile sentir parlar basco in te la grande metropoli de Bilbao). Ła popolasión l'è de sirca 3.000.000 abitanti (2.500.00 en Hegoalde e 500.000 en Iparralde) e no ła gà na capitale oficiałe, anca se speso par ragioni storiche ła vien individuà en Iruñea (Panplona).
[modifica] Teritori
 Araba (Alava) |
 Nafarroa Beherea (Basse-Navarre) |
 Bizkaia (Vizcaya) |
 Gipuzkoa (Guipuzcoa) |
 Lapurdi (Labourd) |
 Nafarroa Garaia (Navarra) |
 Zuberoa (Soule) |
[modifica] Varda anca
Portałe Paexi Baschi: varda łe altre voxe de Wikipedia che łe parla de Paexi Baschi
| Province basche (Euskal Herriko herrialdeak) | |||
 |
 Euskal Herria |
 Spagna (Hegoalde): Paexi Baschi ( Gipuzkoa ·  Araba ·  Bizkaia) ·  Navara Francia (Iparralde):  Lapurdi ·  Basa Navara ·  Zuberoa |
 |
