Hegoalde

Łocałixassion de l'Hegoalde in Euskal Herria

Hegoalde (in basco "parte sud") l'è ła denominassion uxà comunemente tra i parlanti baschi par indicar ła parte de Euskal Herria soto l'aministrassion spagnoła. La include i teritori de ła Navara (in basco Nafarroa) e de łe tre province parte de ła Comunità Autonoma dei Paexi Baschi, quałi Bizkaia (Vizcaya), Gipuzkoa (Guipúzcoa) e Araba (Alava).

Situà a sud del fiume Bidasoa, l'è dełimità a sud-est da l'Aragona, a sud da La Rioja e l'Ebro, a ovest da ła Castiglia e Łeon, a nord-ovest da ła Cantabria, a nord dal golfo de Bizkaia e a nord-est dai Pirenei (che i le separa dal Paexe Basco francexe).

El termine el se contrapone a Iparralde, uxà in basco par indicar el Paexe Basco francexe. El so uxo l'è abituałe tra i baschi, mentre in castiglián i le utiłixa soło che i nassionałisti.

L'espresion Paexe Basco spagnoło l'è poco frequente in castiglián, ma in francexe l'è utiłixà abitualmente, visto che łori i ciama el Paexe Basco francexe senplicemente Pays Basque. El discorso el vale anca par l'espresion Paexe basco sud.

Come sinonimo se uxa anca ła denominassion Paexe Basco peninsułare (in contrapoxission a Paexe Basco continentałe). Anca i nomi Paexe basconavaro o Paexe Basco-Navaro i'è stè utiłixè in difarenti momenti storici, come in tel projeto de Statuto Basco-Navaro durante ła Seconda Republica Spagnoła par denominar l'insieme de sti teritori.

In basco ła denominassion più formałe o coreta l'è Hego Euskal Herria (Paexe Basco sud in veneto).

Uno de i moti utiłixà par reclamar ła union o un trato comune ai quatro teritori, anca prima de ła nasita del nassionałixmo basco organixà, l'è laurak bat, espresion idiomatica che significa "quatro in una" o "union de łe quatro".

Varda anca

• Iparralde
• Euskal Herria
• Łéngoa basca