Madagascar
Da Wikipedia, ła ençiclopedia lìbara.
| Madagascar | |||||||||
|---|---|---|---|---|---|---|---|---|---|
|
|||||||||
| Motto: Patria, Libertà, Progresso | |||||||||
|
|
|||||||||
| Informasion | |||||||||
| Nome par intiero: | Republica del Madagascar | ||||||||
| Nome ufisiałe: | Repoblikan'i Madagasikara Republique de Madagascar |
||||||||
| Łéngoa uficiałe: | malgascio, francese | ||||||||
| Cavedal: | Antananarivo (1.050.000 ab.) | ||||||||
| Polìtega | |||||||||
| Governo: | Repubblica presidenziale | ||||||||
| Capo de stato: | Marc Ravalomanana | ||||||||
| Capo de governo: | Jacques Sylla | ||||||||
| Indipendensa: | Da la Francia 26 giugno 1960 | ||||||||
| Ingreso a l'ONU: | 20 setenbre 1960 | ||||||||
| Area | |||||||||
| Totale: | 587.041 km² | ||||||||
| Pos. nel mondo: | 29° | ||||||||
| % delle acque: | 0,6 % | ||||||||
| Popolasion | |||||||||
| Totałe: | 16 473 477 ab. (2002) | ||||||||
| Pos. nel mondo: | 15° | ||||||||
| Densità: | 75 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +3 | ||||||||
| Economia | |||||||||
| Vałuta: | Ariary | ||||||||
| Varie | |||||||||
| TLD: | .mg | ||||||||
| Prefiso tełef.: | 261 | ||||||||
| Sigla autom.: | RM | ||||||||
| Ino nasionałe: | Ry Tanindraza nay malala ô | ||||||||
|
|
|||||||||
El Madagascar xe no stato africàn. L’isola del Madagascar se cata a est del Mozanbico e xe la quarta pi grande isoła del mondo. La zente la parla malgasio e francexe. La cavedal xe Antananarivo.
Indice |
[modìfega] Storia
 |
Par savérghene piesè, varda ła vóxe Storia del Madagascar. |
I primi abitanti vegnea da l’Indonesia e i xe rivá nel V secolo de la nostra era. Sti grupi gha dato vita a l’etnia merina. Cinque secoli dop, grupi bantu xe rivá da l’Africa continentale e i gha formá le etnie sakalava e bara. Marcanti yemeniti e omaniti vegnea fin su le coste del Madagascar dal XI secolo. La loro presensa gha influenzá vari aspeti de la cultura malgasia. Etnie malgasie come i antemoro e i antanosy discende da i coloni arabi, e pratica fin ancò la fede islamica. La trata de i sciavi, e la relativa richeza che ne vegnea drio, gha parmeso a de i grupi etnici de fondar i primi regni. I sakalava gha dato vita a i regni de Menabe e de Boina, i zana-malata a quel de Betsimisaraka, i merina al regno de Andrianampoinimerina co cavedal a Antananarivo. El re Radama I fu el primo che reusi a unificar l’isola soto on solo regno. I so sucesori ie stá o verti a l’influenza eoropea o gha será i confini. Nel 1890 la Francia dichiarò el protetorato e nel 1895 l’è reusida a conquistar la cavedal. La regina Ranavalona III gha resistio, ma a la fine gha dovù cedar.
En tel 1947, xe scopiá na revolta indipendista. I francexi gha stroncá la revolta copando pi de 100.000 persone. L’indipendenza la rivò nel 1960 co Philibert Tsiranana come primo presidente. Tsiramana l’era filo francexe e la zente no la xera contenta. El oder pasò al ditatore Didier Ratsiraka che gha introdoto el socialismo filo sovietico, vietá la libartá de espresion e istitui el partito unico. Soto la presione de la primabvera democratica del 1991, Ratsiraka gha dovù dare el multi-partitismo e le elesioni libare. Fin al 2001, Ratsiraka gha controlá el governo. Ne le elesioni del 2001, dopo scontri armati par el control del governo, Marc Ravalomanana xe diventá presidente e Ratsiraka l’è ndá in esilio. Dal 2005, Ravalomanana gha scominsiá a prender posizioni sempre pi totalitarie. Nel 2007 el gha espulso de i misionari francexi che gavù el corajo de dir la veritá sul so regime ditatoriale.
[modìfega] Giografia
|
Par savérghene piesè, varda ła vóxe Giografia del Madagascar. |
L’Isola del Madagascar xe traversá dal tropico del Capricorno, el clima l’è tropicale. L’isola xe speso batua da forti piove e da uragani che vien da l’Oceano Indian. Al nord se cata coline che le sale fin a le tere alte del centro del paexe, par poi desendar n’antra olta al sud. El teritorio xe cuerto da foreste naturali e da risaie scavá a man.
[modìfega] Economia
Le risorse pi importanti par l’economia malgasia xe el turismo, l’esportasion de tesili, la produsion agricola e i minerai. El turismo sfruta le foreste naturali e la biodiversitá de l’isola. Interesante la produsion de vanilia (primo al mondo), fruta tropicale e olii esensiali. Le miniere de ilmenite e nickel produse par l’esportasion.
[modìfega] Popolasion
Ghe xe 18 grupi etnici principali, de origine axiatica e africana. Studi sul DNA e la lengoa (90% del malgascio xe de origine malese) dimostra l’influenza Axiatica. I trati orientali xe presenti sopratuto ne i altipiani centrali, e corrispondono alle popolazioni merina (3 milioni) e betsileo (2 milioni); la zente de la costa xe di origine africana. I pi grandi grupi etnici costieri xe i betsimisaraka (1,6 milioni), tsimihety e sakalava.
[modìfega] Religione
La metá da la popolasion segue la religiòn tradisionàl, che ghe dá importanza al culto de i morti. El 45% dei malgasci xe cristiani, catoleghi e protestanti in parti uguali. Tanti cristiani gha conservá aspeti tradisionali, specialmente la venerasion de i antenati. La Cexa Catolica, che basa la propria atività misionaria sul conceto de l'inculturazion, non respinge ste pratiche; i pastori protestanti i condane la religion tradisionale come superstizione. Ghe na minoranza islamica su le coste del nord.
Portałe Africa: varda łe altre voxe de Wikipedia che łe parla de Africa
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Mali |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Centrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Fransa) |  Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
