Burundi

Da Wikipedia, l'ençiclopedia libara.
Va a: navigasion, serca


Burundi
Burundi - Bandiera
Burundi - Stemma
Motto: Unità, Laoro, Progresso

LocationBurundi.svg


Informasion
Nome par intiero: Republica del Burundi
Nome ufisiałe: Republika y'u Burundi, Republique du Burundi
Łéngoa uficiałe: kirundi, francese
Cavedal: Bujumbura  (300 000 ab. / 1994)
Polìtega
Governo: Republica presidensiale
Capo de stato: Pierre Nkurunziza
Capo de governo:  
Indipendensa: Dal Belgio el 1° de lujo 1962
Ingreso a l'ONU: 18 setenbre 1962
Area
Totale: 27 830 km²
Pos. nel mondo: 142°
 % delle acque: 7,8 %
Popolasion
Totałe: 6 054 714 ab.  (2003)
Pos. nel mondo: 99°
Densità: 206,1 ab./km²
Giografia
Continente: Africa
Fuxo oràrio: UTC +2
Economia
Vałuta: Franco del Burundi
Energia:
Varie
TLD: .bi
Prefiso tełef.: +257
Sigla autom.: BU
Ino nasionałe: Burundi bwacu
Festa nasionałe:

By-map.png


El Burundi xe on paexe de l'Africa Central, ne la region de i Grandi Laghi. El confina co la Tanzania, el Rwanda e la Republica Democratica del Congo. El nome vien da la lengoa parlà da la majoria de la popolasion, el kirundi. El Burundi xe picolo, sensa sbochi sul mar e ona de le nasioni pì poarete del mondo.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Burundi.

I primi abitanti de la zona xere i pigmei twa. Co le migrazioni de i bantu, i twa xe stà mesi en te on canton. I bantu gha organizà el primo regno indipendente nel XVI secolo. El primo re xe stà Ntare Rushatsi. I todeschi gha invaso la zona en tel 1903, ma i gha perso el paese dopo la Grande Guera. El Burundi xe pasà soto l'influenza belga, che za controlaa el Zaire (DR Congo). Dopo l'indipendenza nel 1962, el paexe l'è stà control da diversi governi totalitari in mano a i militari. Ghe xe stà vari genocidi nel 1965, 1972, 1988, en 1993 organizà da estemisti tutsi par copar i hutu. En tel 1993 ghe xe stà le prime elesioni libare vinte da Melchior Ndadaye, el primo presidente hutu, che el fu copà da militari tutsi dopo qualche mese. Dopo ani de instabilità e de altri genocidi - contro i tutsi -, Pierre Buyoya gha organizà on colpo de stato en tel 1966. Nel 2000, el governo gha firmà n'acordo co i ribelli par portar la paze nel paexe. Nonostante l'acordo, la guera civil l'è continuà fin al 2005, quando n'altro acordo l'è stà firmà

Giografia[canbia | canbia sorxente]

Quasi tuto el Burundi xe so n'altopiano pì alto de mile metri. La masima montagna xe el Karonje (2760 m). El resto del paese xe formà da coline. Na olta el paexe l'era cuerto da foreste. Ancò l'è tuto disboscà par far posto ai campi. Ghe resta solo manco de 600 km² de foreste en do parchi nasionali (Kibira, al confin co el Ruanda,e Rurubu.


Economia[canbia | canbia sorxente]

La majoria de i burundexi vive de agricoltura. Quasi tuti i coltiva i campi par verghe da magnar, parò ghe anca de la produsion par l'esportasion: cafè, coton, banana. Ghe industria manufaturiera legera. El Burundi xe el paese pì povero del mondo co el 70% de la popolasion che vive soto el livel de povetà. El 65% de i puteleti vive en stato de denutrision cronica.


Popolazion[canbia | canbia sorxente]

La majoria xe hutu (85%), on grupo bantu. I tutsi xe el 14%, el resto xe twa, grupo originario del Burundi. Co 315 abitanti par kilometro quadrà, el Burundi xe secondo solo al Ruanda en Africa par densità de popolasion. La gente la parla kirundi e francexe. El swahili l'è parlà al confin co la Tanzania e el Congo.


Religion[canbia | canbia sorxente]

La Cexa catolica xe el grupo religioso pì groso del Burundi (62%). Religioni tradisionali (23%) protestanti (5%) e musulmani (10%) xe presenti su tuto el teritorio nasional.