Sudan

Da Wikipedia, l'ençiclopedia libara.
Va a: navigasion, serca
Nota disambigua.svg
Nota disambigua.svg
Nota dixanbìgua - Se te sì drio sercar la rejon giografica, varda Sudan (rejon)


Sudan - Sudan-text.svg
Sudan - Bandiera
Sudan - Stemma
Motto: Al-Nasr Lana [1]

Sudan (orthographic projection) highlighted.svg


Informasion
Nome par intiero: Republica del Sudan
Nome ufisiałe: (AR) جمهورية السودان, Jumhuriyat as-Sudan
Łéngoa uficiałe: arabo
Cavedal: Khartum  (1.974.780 ab. / 2005)
Polìtega
Governo: giunta miłitare
Capo de stato: Omar Hassan Ahmad al-Bashir
Capo de governo: Omar Hassan Ahmad al-Bashir
Indipendensa: 1° de genaro 1956
Ingreso a l'ONU: 12 de novenbre 1956
Area
Totale: 1 886 068 km²
Pos. nel mondo: 16°
 % delle acque: 5,18 %
Popolasion
Totałe: 39 148 162 ab.  (2004)
Pos. nel mondo: 32°
Densità: 15 ab./km²
Giografia
Continente: Africa
Fuxo oràrio: UTC +2
Economia
Vałuta: sterlina sudanexe[2]
Energia:
Varie
TLD: .sd
Prefiso tełef.: +249
Sigla autom.: SUD
Ino nasionałe: نحن جند للہ جند الوطن, Nahnu Jund Allah Jund Al-watan[3]
Festa nasionałe: 1° de genaro

Su-map.png

El Sudan, ufisialmente, ła Republica del Sudan (in arabo جمهورية السودان الديموقراطية) el xe on Stato de la Africa oriental, int'el Corno d'Africa.
El confina co ł'Egito a nord, ła Łibia a nordovest, el Ciad a ovest, ła Republica Sentrafricana a sudovest, el Sud Sudan a sud, ł'Etiopia a sudest e ł'Eritrea a est; el se afacia sol Mar Roso a nordest.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia del Sudan.

El ga 'na superfisie de 1 886 068 km²[4].

Ghe xe qualche montagna al confin con l’Uganda.

Tuto el Sudan fa parte del bacin idrografico del Nilo. El Nilo entra nel Sudan a Nimul, al confin con l’Uganda; el forma le paludi del Sudd e riceve le acque del Nilo Azuro a Khartoum; el riva al confin con l’Egito traversando la Nubia.
La costa l’è longa sirca 600 km.

El nord del Sudan l’è desertico, mentre el sud gha savane e foreste.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Sudan.

Antighità[canbia | canbia sorxente]

Da ricatamenti archeologici se sa che el Sudan xe sempre stà abità da i tempi preistorici.

El Sudan l’è nomenà ne la Bibia col nome de Kush.
El regno de la Nubia, nel sud de l’Egito e el nord de el Sudan de ancò, xe stà un regno potente. I Nubiani gavea acetà la cultura egizia, e i xe stà lori a reconquistar l’Egito dop che i Hyksos, popolazion semita de la Assiria, gavea ocupà el baso Egito[5]. La Nubia xe el vero paexe de le piramidi, ghe ne a bizefe.

I romani no gha mai ocupà el Sudan, ma i gha mandà de i grupi de esploratori che i è arivà en tel nord de l’Uganda e gha lassà na descrizion de le paludi del Sudd.

Nel III e IV secolo d.C. el cristianesimo xe rivà en Sudan, portà da misionari del nord Africa e del Medio Oriente.
I regni de Makuria, Nobatia e Meroe i gha acetà la nova fede e ancora ogi se pol vedar i resti[6] de le cexe e dei palazi de sti re.

Nel 640, quando i arabi i gha tentà de conquistar el Sudan, i re cristiani gha resistio. El condotier Abdallah ibn Saad no l’è stà bon de vinsar e gha sotoscrito un tratato de pace che xe resistìo fin al 1275.

Nel 1276, i Mameluchi che controlaa l’Egito i gha atacà la Nubia n’antra olta conquistando Dongola, la cavedal de Makuria. I arabi ie entrà nel nord del Sudan, ma no gha podesto andar en tel sud parchè ghera la mosca tse-tse che ghe dava problemi a le bestie.

Modernità[canbia | canbia sorxente]

Nel 1820, l’Egito atacò n’antra olta el Sudan par sicurarse el marcà dei sciavi.

I misionari catoleghi gha tentà varie olte de far rinascar la fede cristiana en tel nord, ma i no ghe mai reussidi.
Nei ani cinquanta del 1800, i misionari veronexi[7] del don Nicola Mazza ie riussìi a ndar en tel sud.

Nel 1882 Muhammad ibn Abballa se dichiarò el Mahdi[8] e gha conquistà tuto el nord del Sudan. Dopo verghe conquistà Khartoum, el Mahdi xe morto zoino.
El so sucesor, Khalifa, ga governà el Sudan fin che i inglexi ie riussìi a vinsar la bataglia de Omdurman (1898).

Co sta vitoria, i inglexi gha ciapà el controlo del paexe. Nominalmente i lavoraa co i egisiani, ma i veri paroni iera lori.
I inglesi gavea na regola: divide et impera[9], anca en Sudan, i inglexi gha diviso el paese en zone de influenza. I permetea el lavoro de i misionari, catoleghi e protestanti, nel sud, sopratuto per far scole e svilupar la zona. Ma i europei no podea lavorar libaramente al nord.

Indipendensa[canbia | canbia sorxente]

El Sudan xe divantà indipendente nel 1955.

Subito dopo, el sud gha scominzià la prima guerra civile [10] parche i sudisti no volea star soto el nord, ma partecipar a la vita del paese en modo paritario ai musulmani. Nel 1964, el governo musulmano del nord gha espulso tuti i misionari[11]. che lavoraa al sud.
Nel 1969, Gaafer Mohamed Nimeiri gha fato un colpo de Stato sostenù da i comunisti.
Sta guera andò vanti fin al 1972, quando el acordo de Addis Abeba fu firmà dai i rapresentanti del sud e del nord.

La paxe no la andò vanti par tanto. Nimeiri l’era un ditator che volea impor la lege islamica su tuti, anca i cristiani; no ghera gnanca libartà de stampa e de movimento.

Nel 1983, i soldai del sud che stava a Bor gha fato un amutinamento, scominsiando la seconda guera civil.[12]El leader del sud xera John Garang che gha guidà la revolta fin a la fin del 2004.
Nel 1989 co un colpo de Stato, el soldà Omar Hassan Ahmed el-Bashir el ga asunto el governo. El-Bashir gha continuà con la politica de oprexion de le popolazioni marginali.

Dal 2003 la guera del governo la va anca contro el Darfur[13].
El governo central paga i i milisiani arabi janjaweed par copar la gente e distruzar i vilagi del Darfur. La comunità islamica no la dixe niente parchè gha interesi politici, economici[14] e anca parchè i darfuriani xe musulmani, ma neri e quindi considerai manco importanti de la popolasion arabizada del nord.

Nel janaro 2005, i acordi de pace[15], relativi a la guera intra nord e sud, ie stà firmà a Nairobi.
El 30 de lujo del 2005, Garang l’è stà copà e Salva Kiir, el so vice, l’è diventà presidente del sud e vice-presidente del Sudan.

El 9 de lujo 2011 el Sud Sudan el xe diventà indipendente.

Politica[canbia | canbia sorxente]

Atualmente el Sudan el xe 'na republica presidensiałe ma tegnù da na giunta miłitare.
El governo de Khartoum l’è guidà da Omar Hassan Ahmed el-Bashir.

La capital xe Khartoum.

Demografia[canbia | canbia sorxente]

Etnie[canbia | canbia sorxente]

Al nord ghe xe tribù nere arabizate: la xente se considera de cultura araba.

Nel Darfur ghe xe tribu’ nere.

Al sud i popoli ie in majoria nilotici. I grupi majori xe i denka, i shilluk, i bari, i zande. Ghe anca grupi come i acholi che se cata anca en Uganda.

Religion[canbia | canbia sorxente]

La majoria de i sudanesi xe musulmani (60%).
Le religioni tradisionali le xe sevie da el 27% de la xente. I cristaiani i xe el 14% (i catoleghi xe el 13%).

Lengoe[canbia | canbia sorxente]

Al nord la xente usa la lengoa araba.

Etimologia[canbia | canbia sorxente]

El nome del Sudan vien da l’arabo Bilad es Sudan, che vol dire "paexe de i neri".
Bisogna però tegnar conto che sudan, en arabo, gha anca el significà de "sciavo": el Sudan xe sempre stà un serbatoio de sciavi per i marcati de l’Arabia e del Maghreb.

Note[canbia | canbia sorxente]

  1. Tradusion: "Ła vitoria ła xe nostra"
  2. dal 9 de genaro 2007
  3. "A semo ł'exercito de Dio e deła nostra tera"
  4. En termine de superficie el jera el Stato pì grando del continente african prima de l'independensa del Sud Sudan.
  5. el nord de l’Egito
  6. I ricatamenti i xe stà fati da l’Università de Varsavia e dal riceratore veronexe Giovanni Vantini.
  7. Tra lori ghera anca Daniele Comboni che sarà el fondator de i misionari comboniani che tanto gha laorà nel Sudan.
  8. che vol dir "mesia"
  9. in latin "dividi e comanda"
  10. ciamada de i Anya Nya da el nome de uno de i movimenti separatisti de el sud
  11. I xera quasi tuti comboniani, tanti dal Veneto
  12. Pi de do milioni de persone xe morte par colpa de la guera.
  13. na region granda na volta e meza l’Italia
  14. el Darfur l’è rico de petrolio e altri minerai che ghe interesa a la Cina
  15. I acordi de pace dixe che nel 2009 ghe sarà un referendum par vedar se el sud vol star col nord o far no Stato indipendente. El problema xe che el nord nol vol perdar el sud, dove ghe petrolio, legno, minerai de tuti i tipi e diamanti.[citasion nesesaria]