Mozanbico

Da Wikipedia, l'ençiclopedia libara.
Va a: navigasion, serca


Mozanbico
Mozanbico - Bandiera
Mozanbico - Stemma
Motto: 

LocationMozambique.svg


Informasion
Nome par intiero: Republica del Mozanbico
Nome ufisiałe: República de Moçambique
Łéngoa uficiałe: Portoghexe
Cavedal: Maputo  (966 837 ab.)
Polìtega
Governo: Republica
Capo de stato: Armando Guebuza
Capo de governo: Luisa Diogo
Indipendensa: Dal Portogało 'ntel 1975
Ingreso a l'ONU:
Area
Totale: 801 590 km²
Pos. nel mondo: 35°
 % delle acque: 2,2 %
Popolasion
Totałe: 19 104 696 ab.  (2000)
Pos. nel mondo: 55°
Densità: 23,8 ab./km²
Giografia
Continente: Africa
Fuxo oràrio: UTC +2
Economia
Vałuta: Metical
Energia:
Varie
TLD: .mz
Prefiso tełef.: +258
Sigla autom.: MOC
Ino nasionałe: Patria Amada
Festa nasionałe: 25 de giugno

Mz-map.png

El Mozanbico el xe on Stato de ł'Africa Orientałe. El ga 'na popołasion de 19 104 696 abitanti e una superficie de 801 590 km. Ła cavedal ła xe Maputo.

El confina a nord co' ła Tanzania, el Malawi e ło Zambia, a est co el Canałe de Mozanbico (che ło divide dal Madagascar) a sud co el Sudafrica e a ovest co ło Zimbabwe e ło Swaziland.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Mozanbico.

I primi abitanti del Mozanbico xera grupi pigmei che gha lasá dipinti murali nel nord e en tel centro del paexe. Nel secolo IV de la nostra era, grupi de bantu i è rivá en tel nord del Mozanbico. I xera agricoltori e fabri. Sti primi abitanti i comerciava co marcanti arabi che rivava su la costa a l'Ixola de Mozanbico e Pemba. I portoghexi i è rivá su le coste del Mozanbico en tel 1498 nel tentativo de verzar la rota par le Indie. La colonizasion la sa fermá su la costa, mentre el control del paexe vegnea dato en man a coloni privadi.

Dopo la seconda guera mondial, el Portogalo no volea molar le so colonie. Nel 1962, i grupi che volea l’indipendenza i sa riunio en tel Fronte par la Liberasion del Mozanbico (FRELIMO). La lota militare par la liberasion la scominciò en tel 1964. El FRELIMO no l’era sostegnú da la majoria de la popolasion. El Mozanbico xera na colonia da quatrocento ani e tanti no volea canbiar, o no volea farlo co la violensa. Nel 1974, on colpo de stato en Portogalo cambiò la situasion sul campo. El 25 giunio 1975, el Mozanbico diventava indipendente e Samora Machel xera el primo presidente. Machel gha subito dato asilo a i movimenti de liberasion del Sudafrica (ANC) e Rhodesia (ZANU). El governo del Sudafrica alora sa meso a sostener la Resistenza Nasional Mozambicana (RENAMO) che volea scominciar la guera civil par cambiar el governo. Co la guera, tuti i portoghexi gha lasá el paexe, provocando el crolo de la produsion agricola e industriale. La guera gha causá la morte de pi de un milion de mozanbicani e almanco do milioni se scapè ne i paexi vicini.

Armando Emílio Guebuza, Presidente del Mozanbico

El 19 otobre 1986, Samora Machel el xe morto en on incidente aereo provocá da i militari sudafricani. El so sucesor, Joaquim Chissano, gha continuá el proceso de le riforme e el dialogo co la RENAMO par finir la guera. L’acordo de pace fu firmá a Roma nel 1992 dopo che la Comunitá de Sant’Egidio e el governo italiano, co na comision organizá dal senator Rafaeli, gha lavorá par metar insieme i do litiganti. Armando Guebuza l’è diventá presidente nel dicembre 2004.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia del Mozanbico.

Grando tre olte l’Italia, el Mozanbico gha na gran varietá de ecosistemi. Particolar de el nord (area de Nampula) xe la savana arboricola.

Economia[canbia | canbia sorxente]

Dopo la guera civil, el paexe no gavea infrastruture che funzionaa. Ancó, el sud del Mozanbico gha infrastruture e industrie. El turismo xe en crescita. El nord del paexe l’è invece ancora drio costruir le infrastruture. La majoria de la popolasion la laora ne la agricoltura de sostentamento, o ne la pesca. El 88% de la tera arabile non l’è mia coltivá. El Mozanbico gha na crescita del 5 – 7%, ma gha anca avù de i disastri naturai che gha distruto tante zone. La zente che vive soto el livel de la povertá xe la majoria.

Popolasion[canbia | canbia sorxente]

El 99,66% de la popolasion xe bantu. I grupi majori xe i makua, al nord, i sena e i shona al zentro e sud. Su la costa se cat i makonde, na olta guerieri ancò scultori rinomadi.

Religione[canbia | canbia sorxente]

I catoleghi xe el 25%, el 19% segue el Sionismo, na seta cristiana de origine sudafricana. I musulmani xe el 18%, i se cata nel nord del paexe. El resto de la popolasion se identifica co grupi cristiani minori o i segue le religioni tradisionali.

Curiositá[canbia | canbia sorxente]

El nome Mozanbico vien da la prima cavedal, che la se cataa su l'isola de Mozanbico. El nome xe la trasformasion de Musa bin Bichi, el nome del capo vilagio che abitaa so l'isola quando i portoghexi xe rivá nel 1498.