Swaziland
| Swaziland | |||||||||
|---|---|---|---|---|---|---|---|---|---|
|
|||||||||
| Motto: Siyinqaba (Tradusion: Noaltri sémo ła fortéza) |
|||||||||
|
|
|||||||||
| Informasion | |||||||||
| Nome par intiero: | Regno del Swaziland | ||||||||
| Nome ufisiałe: | Umbuso weSwatini Kingdom of Swaziland |
||||||||
| Łéngoa uficiałe: | swati, inglese | ||||||||
| Cavedal: | Mbabane: 'ministrativa Lobamba, reale e legislativa (70,000 ab. / 2003) |
||||||||
| Polìtega | |||||||||
| Governo: | Monarchìa Asołuta | ||||||||
| Capo de stato: | Mswati III del Swaziland | ||||||||
| Capo de governo: | Themba Dlamini | ||||||||
| Indipendensa: | 6 de setenbre 1968 | ||||||||
| Ingreso a l'ONU: | |||||||||
| Area | |||||||||
| Totale: | 17.363 km² | ||||||||
| Pos. nel mondo: | 153° | ||||||||
| % delle acque: | 0,9 % | ||||||||
| Popolasion | |||||||||
| Totałe: | 1.104.343 ab. (2001) | ||||||||
| Pos. nel mondo: | 151° | ||||||||
| Densità: | 65 ab./km² | ||||||||
| Giografia | |||||||||
| Continente: | Africa | ||||||||
| Fuxo oràrio: | UTC +2 | ||||||||
| Economia | |||||||||
| Vałuta: | Lilangeni | ||||||||
| Varie | |||||||||
| TLD: | .sz | ||||||||
| Prefiso tełef.: | +268 | ||||||||
| Sigla autom.: | SD | ||||||||
| Ino nasionałe: | anthem Nkulunkulu Mnikati wetibusiso temaSwati | ||||||||
| Festa nasionałe: | |||||||||
|
|
|||||||||
El Regno del Swaziland el xe on Stato picenin de l’Àfrica del Sud. El confina col Mozanbico e col Sudàfrica. El só nome vien da ła tribù pi grosa, i Swazi. El Swaziland el xe ła ùltima nasion co na monarchìa asołuta en tuta l’Àfrica.
Indice |
Storia [canbia]
 |
Par saverghene de pì, varda ła pajina Storia de lo Swaziland. |
I primi abitanti del Swaziland i xere i Khoisan, un grupo de caciatori racojitori che 'l vivéa en tuta l’Àfrica del sud. I Khoisan i xe stà mandà via dai grupi bantu che i ga invadesto el teritorio. Par ła fin del XI secolo, i bantu i controlaa tuta ła zona che pi tardi ła deventarà ła tera dei Sotho e dei Nguni, i grupi etnici pi grandi che vive 'ntel Sudafrica. Quando i boeri i s'à moso da ła region del Capo, el re Sobhuza I l’è stà bon de conservar l’independensa. Dopo ła secónda guera boera (1899 – 1902) i Inglexi i ga ocupà el regno e i ło ga trasformà en on protetorato. El Swaziland l’è rivà a l’indipendensa el 6 de setenbre del 1968.
El re Sobhuza II l’è stà riméso sul trono e el ga regnà fin a ła morte, nel 1982. Só fiol, re Mswati III l’è ndà sù al trono e'l governa co só mare, come che vol ła tradision. El re el xe el aministrator de ła nasion, só mare (ciamada ła granda elefantésa) ła xe l'autorità spirituałe del Paéxe.
El re Mswati no'l se preòcupa mìa de vìvar nel luso mentre che i só sùditi i xe tra i pi poareti de l’Àfrica. El re no'l vol gnanca ła democrasia, e tuti i partidi i xe vietadi.
Giografia [canbia]
|
Par saverghene de pì, varda ła pajina Giografia de lo Swaziland. |
El paexe el xè montagnóxo al confin co el Mozanbico. El teren el se sbasa verso ovest co łe savane e łe foreste pluviałi. Gh'è tanti fiumi che pasa per el Swaziland.
Economia [canbia]
El Swaziland l’è uno dei Paixi africani co pi risorse. Ła zente, parò, ła xe tra ła pi poareta del continente. El 70% de ła popołasion el vive sóto el livel de povertà (on euro al dì). Ła majorìa de l’economìa ła xe en man ai bianchi. El re el dopra i schei de ła nasion par conprarse màchine e fabricar viłe par łe só mojere. Puchi schei i vien utilizà par el sviłupo.
El Swaziland l'esporta legname, ananasi, e coton. Ła industria pi granda l’è queła dei concentrati par far bìbite, ła xe na conpagnia mericana. Carbon e diamanti i vien scavà su łe montagne.
Società [canbia]
Ła majorìa dei Swazi i vive ne łe zone rurałi. Ła concentrasion de zente ła ga portà a utilizar masa i prai e l’aqua, anca parché el 60% de ła tera el xe del re, e el resto de conpagnie el xe foresto. El Paexe el ga senpre dei mominti de séco che colpise ła zente pi poareta. El nùmaro dei małài de AIDS el xe el pi alto de tuto el móndo (39% de ła popolasion el xe infetà).
Popołasion [canbia]
Ła majorìa de ła popołasion i xe Swazi, un grupo bantu de ła faméja dei Ngoni. Gh'è puchi zulu e afrikaaner (bianchi del Sudafrica disendenti dai boeri).
Rełigion [canbia]
I cristiani i xe el 83% (i catòleghi xe al 6%), el resto i segue ła religion tradisionałe.
Curioxità [canbia]
Tuti i ani, el re el va védar ła reed dance, el bało de łe cane. El xe só dirito de tórse na nóva mojer tra una de łe bałerine, che łe ga da èsar vèrgini e łe bała nude.
| Stati del mondo | Africa | |
 Algeria |  Angoła |  Benin |  Botswana |  Burkina Faso |  Burundi |  Camerun |  Capo Verde |  Ciad |  Costa d'Avorio |  Egito |  Eritrea |  Etiopia |  Gabon |  Gambia |  Ghana |  Gibuti |  Guinea |  Guinea Equatorial |  Guinea-Bissau |  Comore |  Kenya |  Lesotho |  Liberia |  Libia |  Madagascar |  Malawi |  Małì |  Maroco |  Mauritania |  Mauritius |  Mozambico |  Namibia |  Niger |  Nigeria |  Republica Sentrafricana |  Rep. Dem. del Congo |  Republica del Congo |  Ruanda |  São Tomé e Príncipe |  Senegal |  Seychelles |  Siera Leon |  Somałia |  Sudafrica |  Sudan |  Sud Sudan |  Swaziland |  Tanzania |  Togo |  Tunixia |  Uganda |  Zambia |  Zimbabwe |
|
| Enclave e posedimenti europei | |
|---|---|
 Ceuta (Spagna) | Melilla (Spagna) |  Réunion (Fransa) |  Sant'Ełena (Regno Unìo) |
|
| Teritori con stato legałe mìa definìo | |
 Sahara Ocidental |
|
