Monarchia asołuta

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Monarchìa asołuta
Le monarchìe asołute in viòla

Na Monarchìa Asołuta ła xe na fórma de goerno onde che el Re (o el Prìnsipe o el Sultan) el ga tuti i poteri legislativo, executivo e judisiario e el comanda diretamente o par mexo de persóne nominàe da eło stéso: łe leje che el fa łe ga pi inportansa de tute łe altre leje e no łe vien limitàe da nisuna Costitusion.

Se vien aprovà na Costitusion xe parché el Re stéso l'aceta de fàrghene una e'l pol canbiarla quando che el vol.

Łe Monarchìe Asołute łe pol parò èsera ełetive, o sia el Sovran che comandarà el vien votà da un grupo de sitadini o alti funsionari: in 'sti rari caxi se parla de Monarchìa Ełetiva (asołuta).

In Europa gh'è un caxo soło de Monarchìa Asołuta Ełetiva, o sia ła Sità del Vatican indove che el Papa ełeto el ga tuti quanti i poteri ma el ga da èser votà dai Cardinałi e no'l pol mai trasferir definitivamente i poteri a chi che ghe par e piaxe. El Vatican comunque el ga na Leje Fondamentałe promulgà dal Papa.

Fora da l'Europa gh'è invese Monarchìe Asołute (no ełetive): par exenpio l'Arabia Saudia ła xe goernà da un Re che el ga tuti i poteri e no'l vien mìa votà, ma el trasméte i só poteri a xente de ła faméja nominando un fiol, un nevódo o un cuxin.


Controło de autoritàBNF (FRcb119549757 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monarchia_asołuta&oldid=1103135"