Camerun

Da Wikipedia, l'ençiclopedia libara.
Va a: navigasion, serca


Camerun
Camerun - Bandiera
Camerun - Stemma
Motto: Pace, Laoro, Patria

LocationCameroon.svg


Informasion
Nome par intiero: Repùblica del Camerun
Nome ufisiałe: République du Cameroun
Republic of Cameroon
Łéngoa uficiałe: francese, inglese
Cavedal: Yaoundé  (1.430.000 ab. / 2004)
Polìtega
Governo: Repubblica
Capo de stato: Paul Biya
Capo de governo: Philémon Yang
Indipendensa: Da ła Francia el 1° de genaro 1960
Ingreso a l'ONU: 20 de setenbre 1960
Area
Totale: 475.440 km²
Pos. nel mondo: 52°
 % delle acque: 1,3 %
Popolasion
Totałe: 15.746.179 ab.  (2003)
Pos. nel mondo: 60°
Densità: 34 ab./km²
Giografia
Continente: Africa
Fuxo oràrio: UTC +1
Economia
Vałuta: Franco CFA
Energia:
Varie
TLD: .cm
Prefiso tełef.: +237
Sigla autom.: CAM
Ino nasionałe: Chant de Ralliement
Festa nasionałe:

Cameroon-CIA WFB Map.png


El Camerun xe na republica de l’Africa Osidental. El confina co la Nigeria, el Chad, la Republica de l’Africa Zentral, la Guinea Equatoriale, el Gabon, e la Republica del Congo, e l’Oceano Atantego. El Camerun gha quasi tuti i ecosistemi africani, e el xe ciamà l’Africa in miniatura. Se parla inglexe, fransexe e 200 lengoe locali. La cavedal xe Yaoundé.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia del Camerun.

I primi abitanti del Camerun xera i baka, na popolasion de pigmei. Nel secolo V, de i grupi sudanici xe rivà da la zona del lago Chad. I portoghexi xe rivá nel 1472 e i gha tacá a far marcá co i abitanti de la costa. Al scominsio del XIX secolo, Modibo Adama sa meso a la testa de guerieri fulana par conquistar el nord del paexe e crear el emirato de Adamava. En tel 1884, i todeschi sa tolta el teritorio e i la ciamá la colonia del Kamerun. I novi coloni gha scominsiá a costruir strade e altre struture usando el laoro coato. Dopo la Grande Guera, la colonia l’é stá divisa tra Fransa e Regno Unio. Dopo na guera de liberasion contro i francexi dal 1955 in poi, el Camerun l’é diventá indipendente nel 1960 (1 janaro la parte francexe, 1 otobre la parte inglexe). El primo presidente xe stá Ahmadou Ahidjo. Dopo verghe abolì la federasion, el Camerun xe diventá na republica presidensiale. Ahidjo gha lasá el poder el 4 novembre 1982 al so sucesor, Paul Biya, che xe el presidente fin ancò. Biya gha poderi asoluti e la zente se lamenta da abusi de i diriti umani. La corusion xe difusa.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia del Camerun.

El Camerun xe na olta e mezo l’Italia e gha na diversitá de ecosistemi unica nel continente. La costa xe pianegiante co foreste e piova tuto l’ano. L’altopian meridional gha foreste pluviali e do stagioni, seca e piovosa. La catena montagnosa la riva a 4.095 metri. L’altopian osidental xe fertile e pien de laghi, el teren vulcanico xe coltiva’ intensivamente. Al nord se cata tereni aridi e savane.

Economia[canbia | canbia sorxente]

Le industrie pi grandi del Camerun xe l’agricoltura (café, tabaco, cana da zucaro), lo sfrutamento forestale (37% del paexe xe cuerto da foreste) e la pesca. 48% de la popolasion vive soto el livel de la povertá (on euro al giorno). El turismo xe en cresita. El paexe gha riserve minerarie de grosa entità, ma no ghe molta atività mineraria.

Popolasion La majoria de i camerunexi xe zoena (47% soto i trent’ani), e la popolasion urbana xe alta (52%). Ghe xe 282 difarenti etnie, che parla 232 lengoe.

Religion[canbia | canbia sorxente]

El nord del paexe xe musulman. La zente de la costa xe catolega, al zentro se trova catoleghi, altri grupi cristiani e le religioni tradisionali.

Curiositá[canbia | canbia sorxente]

I portoghexi che xe rivá su le coste del Camerun gha catá che ghera tanti scampi (camarões en portoghexe) e i gha ciamá el paexe el Rio dos Camarões, da chi vien el nome Camerun.