Joaquim Chissano

Da Wikipedia, l'ençiclopedia libara.
Va a: navigasion, serca
Joaquim Chissano

Joaquim Alberto Chissano (22 otobre 1939 – vivente) el xe stà el secondo presidente del Mozanbico (1986 – 2005). Dopo la presidensa, Chissano el ga scominsià a laorar come negosiatore internasional en Africa e el xe el presidente del Forum de i ex Capi de Stato e de Governo Africani.

Primi pasi[canbia | canbia sorxente]

Chissano el xe nato en tel vilagio de Malehice, en tel distreto de Chibuto de la Provinsia de Gaza. El xe stà el primo studente nero de el Liceo Antonio Olivera de Salazar de la cavedal del Mozanbico. Dopo el liceo, el ga studià en Portogalo. Chissano nol ga podesto finir i studi de medisina e el xe scanpà en Tanzania.

Vita politega[canbia | canbia sorxente]

Chissano el ga speso del tenpo en Fransa come rapresentante del Fronte de Libarasion del Mozanbico. El xe tornà en nel so paexe en tenpo par participar a la lota armata par l’indipendensa. Al momento de la libarasion, Chissano el xera on general magiore en tel grupo armato. Chissano el xe entrà en tel primo governo del Mozanbico come ministro d ei esteri. A la morte de Samora Machel, Chissano el xe diventà presidente.

Presidensa[canbia | canbia sorxente]

Co Chissano el xe diventà presidente, la guera sivile contro el grupo de la RENAMO la stava distrugendo el paexe. Chissano el ga sostegnù el proceso de dialogo, portà vanti da la comunità catolega de Sant’Egidio de Roma e da rapresentanti del governo italiano. La guera sivile la xe finia co la firma del Tratato de Roma (1992). Dopo la guera, la RENAMO la xe diventà ono de i partiti e el so capo, Alfonso Dhlakama, el se ga presentà a le elesioni del 1994. Chissano el ga vinto le elesioni col 52,3%. El governo de Chissano el ga tentà de ricostruir el paexe, specialmente al nord do la distrusion de le infrastruture la xe stà granda. En tel 2004, Chissano el ga deciso de ritirarse da la presidensa, anca sel podea presentarse par on terzo turno. Al so posto , Armando Guebuza el xe diventà presidente.

Ruolo internasionale[canbia | canbia sorxente]

Dopo che el se ga ritirà da presidente, Chissano el xe stà ciamà a laorar par el tratato de pace tra el govenro ugandexe e i ribeli del Lord’s Resistance Army (Esercito de Resistensa del Signor). La guera sivile en tel nord de l’Uganda la va vanti dal 1989.