Seychelles

Seychelles
Motto: Finis Coronat Opus (Tradusion: El risultato el corona el laoro)
Informasion
Nome par intiero:	Republica de łe Seychelles
Nome ufisiałe:	Repiblik Sesel
Łéngoa uficiałe:	creolo, inglexe, francexe
Cavedal:	Port Victoria  (24.701 ab. / 1997)
Polìtega
Governo:	Republica semipresidenzial
Capo de stato:	James Michel
Capo de governo:	James Michel
Indipendensa:	Dal Regno Unìo 29 de giugno 1976
Ingreso a l'ONU:	1976
Area
Totale:	455 km²
Pos. nel mondo:	177°
% delle acque:	trascurabile %
Popolasion
Totałe:	80.098 ab.  (2002)
Pos. nel mondo:	181°
Densità:	176 ab./km²
Giografia
Continente:	Africa
Fuxo oràrio:	UTC +4
Economia
Vałuta:	Rupia de łe Seychelles
Varie
TLD:	.sc
Prefiso tełef.:	+248
Sigla autom.:	SY
Ino nasionałe:	Koste Seselwa
Festa nasionałe:	8 giugno

Le Ixole Seicele, nome official République des Seychelles, xe n’arcipelago de 155 ixole e 40 scogli al largo de la costa oriental de l’Africa. Giograficamente le xe parte de l’Africa, anca se par la storia e la popolasion xe pi vicine a l’Axia. La cavedal xe Port Victoria su l’ixola de Mahe, la zente parla francexe, creolo e inglexe.

Storia

Par saverghene de pì, varda ła pajina Storia de le Seychelles.

Le ixole Seicele no gha na popolasion de nativi. Le ixole xera vode fin a l’arivo de i eoropei. I primi a vedar le ixole xe stà i portoghexi (1502, Vasco de Gama, che parò no gha mia atracà). I primi a far scalo so on ixola de le Seicele xe stà i inglexi en tel 1609. I francexi gha costruio de le basi navali en tel 1756, che gha anca dato el nome en onore del ministro de le finanse de re Luigi XV, Jean Moreau de Séchelles.

I inglexi gha tentà pi olte de tor el control de le ixole dal 1794 fin al 1812, co el governo locale gha capitolà. Le Seicele xe diventà indipendenti en tel 1976. N’ano dopo, France Albert René gha fato on colpo de stato, el sa proclamà presidente de na repblica socialista monopartitica. René l’è stà al poder fin al 1991, come presidente sensa elesioni; e fin al 2004 come presidente eleto da la popolasion. El presidente de ancò xe James Michel. El presidente forma el governo che el parlamento - Assemblée Nationale – de 34 membri gha da aprovare.

Giografia

Par saverghene de pì, varda ła pajina Giografia de le Seychelles.

De le 155 ixole, solo na trentina xe abità. On altra cinquantina podaria esar abità, ma no gha infrastruture e l’acua gha da esar portà via mare. La majoria d ele ixole gha n’altitudine media de do metri. L’arcipelagho l’è riparà da le tempeste tropicali che solitamente le colpise pi a sud.

Economia

L’industria pi importante xe el turismo (30% de i posti de laoro, e 70% de le entrate en valuta estera). Al secondo posto ghe la pesca del tono. Anca se el Prodoto Interno Lordo xe cresù del 700% da l’inidpendensa, el paexe rimane ono de i pi poveri del mondo, co el pi alto debito estero par abitante del pianeta. La richeza xe mal distribuia e pochi guadagna dal setor turistico.

Popolasion

Tuti i abitanti de le Seicele vien da de fora. La popolasion de ancò vien da India, Cina, Francia e ghe minoranze de origine africana.

Religion

La majoria de i abitanti xe Catoleghi, ghe na minoransa indù, e grupi de musulmani.