Storia de le Seychelles

Da Wikipedia, l'ençiclopedia libara.
Va a: navigasion, serca
Posizion de le Seycelles
Mapa de le Seychelles

La Storia de le Ixole Seychelles la scominsia co l’arivo de i eoropei. Prima de l’arivo de i francexi, le ixole le xera disabità.

Preistoria[canbia | canbia sorxente]

Co i francexi i xe rivà a le ixole seicele i no ga trovà abitanti. Se pensa che i navigatori arabi e persiani i le conosese. Come el xe anca probabile che i viagiatori axiatici che i ga colonizà el Madagascar i gabia pasà de qi. I portoghexi i gha visto le ixole en tel XVI secolo, ma i no ga mai tentà de costruir de le baxi permanenti.

En tel 1742, Bertrand François Mahé de La Bourdonnais, governator francexe de le Mauritius, el ga mandà on rupo de esploratori a le Seychelles. En tel 1756, on secondo grupo el ga preso poseso de le ixole a nome de la Fransa e i ga dato el nome de "Seychelles" par onorar el ministro de le finanse del tenpo.

Colonia francexe[canbia | canbia sorxente]

La colonia francexe la dipendeva da l’aministrasion de Mauritius. I primi coloni i ga fato fatiga a vivar e lo svilupo el xe scominsià solo verso el 1794 co l’arivo de Jean-Baptiste Quéau de Quincy, comandante de la marina francese.

Colonia britanica[canbia | canbia sorxente]

Colona a forma del Big Ben en te la cavedal Port Victoria

I inglexi i ga tentà varie olte de tor el sopravento en tel Oceano Indiano. L’ocasion la xe rivà co la rivolusion francexe. Co el tratato de Parigi del 1814, Seychelles e Mauritius le xe pasà soto el control inglexe. El 31 agosto 1903, le Seicele le xe diventà colonia a sè, stacà da le Mauritius.

Indipendensa[canbia | canbia sorxente]

El governatore inglexe ispesiona le trupe en tel 1972

En tel marso 1970, i rapresentanti politeghi de le Seychelles e l’aministrasion coloniale i ga tegnù n’asenblea a Londa par preparar la colonia a l’indipendensa. El Partito Democratico Seicelexe de James Mancham el volea na sistemasion che tegnese le Seychelles soto el control britanico. El Partito Unio del Popolo Seicelexe de France Albert René el volea l’indipendensa subito. Al secondo giro de tratati, tuti i ga espreso la volontà a rivar a l’indipendensa a breve termine. El 29 giunio 1976, le Seychelles le xe diventà indipendenti co Mancham presidente e René primo ministro. Le ixole de Aldabra, Farquhar Farquhar e Des Roches – dal 1965 parte del Teritorio Britanico de l’Oceano Indiano - le xe stà restituie a le Seicele.

Colpo de stato[canbia | canbia sorxente]

El 5 giunio 1977 René el ga fato on clo de stato, tolto la carega de presidente e trasformà el paexe en no stato monopartitico. En tel 1981, el governo el xe sopravisù a on tentativo de colpo de stato organizà da on grupo de mercenari. En tel agosto 1982 le forse militari le se sa amutinà. I soldadi rimasti fedeli algoverno i xe stà boni de ribaltar la situasion grasie a el sostegno de reparti tanzaniani.

Democrasia[canbia | canbia sorxente]

El 4 dicenbre 1991, René el ga parmeso el ritorno al sistema multipartitico. En tel lulio 1992 i seicelexi i ga votà par formar na comisione costitusionale che la ga finì i so laori en tel magio 1993. A giunio de lo steso an le elesioni presidensiali le ga visto la neta vitoria de René. René el xe stà rieleto anca en tel 1998. El so sucesor, James Alix Michel el xe stà rieleto el 13 lulio 2006, co l’opozision che la ga acusà el governo de orchestrar i brogli eletorali.