Storia del Camerun

Da Wikipedia, l'ençiclopedia libara.
Va a: navigasion, serca

La storia del Camerun la xe recente. Da i ricatamenti dei paleontologi se sa che i primi abitanti i xe rivà en sta region ntorno al neolitico. Anca se non ghe sicuresa storica, i primi abitanti i xera molto probabilmente pigmei, che i sopravive en tel Camerun co l’etnia baka.

Regni Bantu[canbia | canbia sorxente]

Dal VI secolo d.C. se gha svilupà na serie de regni. Ntorno al Lago Ciad ghera la siviltà Sao, on grupo de zente che vegnea da est, forse de origine hyksos. El xe poi stà el tempo de il regno del Kanem-Bornu. En tel ovest del paexe ghera i regni de Bamileke, Bamum e Tikar. Su i monti Mandara se catava el regno Mandara (XVI secolo). Ancò se pol oservar le forteze Mandara, fortificasioni de cui non se sa ben l’uso.

En tel 1492 i portoghexi i xe rivà su le coste del Camerun. I portoghexi i gha ciamà el fiume Wouri Rio dos Camarões, fiume de i gambari. Da qi el xe derivà el nome del paese. I portoghexi i no xe sta mia boni de colonixar el paexe anca parché la malaria la xera tropo forte par lori.

Tra i secoli XVII e XVIII i fulani, popolo di religione islamica, i gha invaso el Camerun sotometendo o parando via tuti i grupi non-islamici. I fulani del Camerun i xera vasali del califo de Sokoto (Nigeria).

Colonialismo[canbia | canbia sorxente]

Canbiamenti de i confini del Camerun. Da destra a sinistra, da su a zo: a) colonia todesca b) invasione inglexe c) divizion anglo-francexe d) indipendensa

Co la scoperta del chinino, i eoropei i podea vivar en Africa, anche ne le xone do la malaria la xera pi forte. I todeschi i gha scominsià la colonizasion del Camerun en tel 1870. I xe riusidi a controlar tuto el teritorio, e i gha meso la cavedal a Buea, prima, e a Yaoundé, dopo.

I todeschi i gha svilupà le infrastruture co la costrusion de la ferovia, ponti su i fiumi, ospedali e scole. Importante el ospedal de Douala, specialisà en malatie tropicali. I todeschi i xe stà i primim a catar el bacilo che causava el colera e l’ospedal de Douala el xera conosù come uno de i mejori.

Un sentro todesco in Camerun

Come par le altre colonie todesche, la prima guera mondiale la gha portà la fine de la presensa teutonica. I inglexi i gha invaso el Camerun en tel 1914 da la Nigeria. I francexi i gha incorporà el teritorio a sud. I francexi i gha continuà la politica de svilupo de i todeschi, inglexi i gha lasà el controlo de le piantagioni a i aministratori privati todeschi.

A la fine de la seconda guera mondiale, i camerunexi i gha scominsià a far conosar el desiderio de l’indipendensa e vari inteletuali i gha dato vita a l’Union de i Popoli del Camerun.

Indipendensa[canbia | canbia sorxente]

Ahmadou Ahidjo, primo presidente del Camerun, en tel 1982

En tel 1955, i francexi i gha meso l’Union de i Popoli del Camerun al bando. I militanti i xe alora pasà a le armi. I guerilieri i xera sopratuto bamileke e bassa, do etnie importanti en tel paexe. En tel 1960, i francexi i gha proclamà la republica autonoma del Camerun. La parte in man a i inglexi la gha votà par restar co la Nigeria (nord) e par unirse al Camerun francexe (sud). En tel 1961, Ahmadou Ahidjo el xe stà eleto primo presidente de la federasion camerunexe. La guerilia la xe continuà parché i guerilieri i no volea riconosar el governo. Ahidjo el gha nominà el monopartitismo e cambià la federasion en republica co cavedal a Yaoundé.

Ahidjo el gha dato le dimisioni en tel 1982. Paul Biya el xe diventà el capo de governo co el titolo de primo ministro. Biya el xe ancora al potere dopo verghe vinto, co brogli, le elesioni en tel 1992, 1997, e 2004.