Storia del Niger

Da Wikipedia, l'ençiclopedia libara.
Mapa del Nizer

In tenpi preistorici, el deserto del Sahara el xera na zona fertile e rica de acqua. Da i ricatamenti paleontologici se sa che 60 000 ani fa el nord del Nizer el xera abità. Co la trasformasion del Sahara in on deserto e la formasion de la fassa del Sahel, le poplasion le se sa spostà a sud o verso le coste. El teritorio del Nizer el ga fato parte de vari regni: Songhai, Mali, Dendi, Gao, Kanen-Bornu e i regni de i hausa. En tel XIX secolo, i tuareg i ga formà na confederasion in aleansa co i hausa e riconquistà el teritorio hausa in man al regno de Sokoto (Nizeria).

Colonizasion[canbia | canbia el còdaxe]

El teritorio del Nizer el xe stà asegnà a la Fransaa la Conferensa de Berlin. I Francesi i ga fato fatiga a pasificar el teritorio e formar la colonia (dal 1890 al 1922). El Nizer el xera aministrà da un governatore che el vivea a Dakar, Senegal. Co la stagion de le indipendense, el Nizer el xe diventà prima no stato autonomo (1958) e el 3 agosto 1960 na repùblega indipendente co Hamani Diori presidente.

I primi ani[canbia | canbia el còdaxe]

En tel 1974, dopo ani de corusion e de disastri econòmeghi, i militari i ga fato on colpo de stato. Seyni Kountché el ga preso el comando e, al a so morte in tel 1987, on comitato militare el ga guidà el paexe. El colonel Ali Saibou el ga preso el comando, libarà i prisonieri politeghi, liberalizà l’economia e scrito na nova Costitusion. I studenti e i sindacati i ga domandà el multipartiismo. Saibou el ga verto la strada par sta reforma in tel 1990. En te lo steso ano, i tuareg i ga scominsià la guerilia par conquistar i so diriti.

Democrasia[canbia | canbia el còdaxe]

El presidente Tandja

En tel 1991, on governo de transision el ga preso el comando par preparar la strada a le elesion libare e al novo governo eleto in tel 1993. El proceso politego el xe andà vanti ben, co la creasion de partii, novi giornali, cosientizasion de la zente. Manco ben la xe andà l’economia. Mahamane Ousmane el xe diventà presidente in tel 1993 ma la coalision che lo sosteneva la xe cascà on ano dopo. Ousmane el ga fato far na nova elesion parlamentare, do el so partio el ga perso. El presidente el ga dovù metar primo ministro Hama Amadou, politego oposto al so grupo politego.

En tel 1995, el governo el ga firmà i acordi de pace co i tuareg. El governo el se sa inpegnà a darghe pi atension a i tuareg, a investir pi risorse in tel nord del paexe e inserir i tuareg in tel esercito naxionale. El 27 genaro 1996, Ibrahim Baré Maïnassara el ga fato on colpo de stato par metar fin a la stasi tra presidente e parlamento. Dopo sie mexi de governo de transision, Baré el se sa presentà a le elesion presidensiali contro 4 altri candidati. Prima he el comitato eletivo el finise de contar i voti, Baré el ga mandà via la comision e el ghe na meso una nova al so posto. Baré el xe stà proclamà el novo presidente del Nizer. Baré el ga subito perso la stima internasionale e de i stesi Nizerini. El novo presidente el ga fato arestar i opositori e blocà le libartà sivili e de espresion.

En tel aprile 1999, Baré el xe stà sasinà durante el colpo de stato de Daouda Malm Wanké. Wanké el ga costituio on Consilio Naxionale de Riconciliasion che el ga scrito na nova Costitusion. En tel lulio 1999 la popolasion la ga aprovà la nova Costitusion e in tel novembre de lo steso ano la ga votà Tandja Mamadou presidente.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Niger&oldid=1051050"