Storia del Gabon

Da Wikipedia, l'ençiclopedia libara.
Mapa del Gabon

I primi abitanti del Gabon i xe stà i pigmei. Verso el X secolo, le xe rivà le prime etnie bantu, che le ga dato vita all'etnia mpongwe. I ultimi a rivar i xe i fang che scendea da nord e i se sa stabilì in Gabon dozento ani fa sirca. I portoghexi i xe rivà in tel XV secolo e i ga usà i porti naturali del Gabon far la trata de i sciavi. Dopo de lori, anca inglexi, francexi e olandexi i vegnea su ste coste par crompar sciavi.

Colonialismo[canbia | canbia el còdaxe]

Dal 1839 i francexi i ga scominsià a far acordi co i cai de le etnie de la costa. I francexi i ofriva protesion in canbio de acordi comerciali. En tel 1849, na nave de s-ciavi la xe stà caturada fora da la costa e i s-ciavi libaradi rente del fiume Komo. I s-ciavi i ga costruio na sitadina, ciamada Libreville, "sità libara". Par el 1885, tto el Gabon el xera in mane francexi che i ga meso n’aministrasion governativa za inte el 1903.

Indipendensa[canbia | canbia el còdaxe]

Dopo la seconda guera mondiale, le colonie francexi le se sa preparà a l’indipendensa. El Gabon el xe diventà indipendente el 17 agosto 1960. I do partii Bloco Democràtego Gabonexe (BDG) de Leon M’Ba e la Union Democràtega e Sociale Gabonexe (UDSG) de J.H. Aubame, i xe ndà a le elesioni, ma nisun ga ciapà la magioransa. M’Ba el xe stà eleto primo ministro co i voti de deputati indipendenti. I do partii i se sa meso d’acordo de rifar le elesioni co na lista comune. M’Ba el xe stà eleto presidente e Aubame ministro de i Esteri. En tel 1963, el BDG ga domandà a l’UDSG de unirse par formar on novo partio unico. M’Ba el ga domandà nove elesioni, che le xe ndà mal. Altre elesioni multipartìteghe le xe stà organizade in tel april 1964, co la vitoria del BDG. En tel 1967 M’Ba el xe stà rieleto presidente ma el xe morto l’ano dopo. El so vice presidente, Omar Bongo, el ga tolto el so posto, abolio tuti i partii e fondà el novo partio unico, el Partio Democràtego Gabonexe (PDG). Da alora el xe sempre stà rieleto. Durante la primavera democràtega africana de i primi ani novanta, anca i gabonexi i ga domandà de i canbiameni. Bongo el ga dovù far de le concesioni de politega interna, de decentramento de i poteri e de isalari. En tel marso del 1990, el PDG e le forse de l’oposisione le se ga incontrà. Da l’incontro le xe rivà nove decisioni politeghe: la creasion del senato, la libartà de stampa, de asociasion e de espresion, e la libartà de viagare a l’estero. Bongo el se sa dimeso par crear on governo de transision mentre che se preparava la nova Costitusion. En tel setembre 1990, Bongo el ga vinto le elesioni multipartìteghe e el PDG el ga preso la magioransa de i segi in parlamento. L’oposision la ga vinto varie sità ne le elesioni aministrative. Bongo rimane l’omo dominante de la politega del Gabon.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_del_Gabon&oldid=1058077"