Storia de Gibuti

Da Wikipedia, l'ençiclopedia libara.
Va a: navigasion, serca
Sto articolo 'l 'é scrito in veronexe
Mapa de Gibuti

La Storia de Gibuti la scominsia co l’ocupasion francexe. Prima de l’arivo de i francexi, la zona de Gibuti la gha condiviso la storia de la Somalia.

I francexi[canbia | canbia sorxente]

I francexi i gha sempre volù esar la pi grande potensa mondiale. Durante el tempo de la concuista de l’Africa, i gha tentà de fermar l’avanzata inglexe. I francexi i volea metarghe el baston de traverso a el pian inglexe de verghe tuta l’Africa orientale da nord a sud, e i volea anca verghe el control de le pozisioni geopolitiche pi importanti. La costa longo el Mar Roso e lo streto de Aden i xera considerà importanti parché, co lo scavo del canale de Suez, cuel trato de mar el gavea da diventar ono de i pi usadi da la marina mercantile mondiale. El governo francexe el gha sostegnù i esploratori che i laorava en tel Corno d'Africa propio par poder utilixar i so studi e espandarse en te la region.

En tel 1862, dopo che el capitano Fleuriot de Langle el gavea visità la costa somala, i francexi i gha sotoscrito on tratato de amicisia co i sultani de Tadjoura, Gobaad e Raheita e crompà el porto de Obock. Altre espansioni, en tel 1884-5, le gha portà a la costitusion del teritorio de Gibuti de ancò. En tel 1886, la cavedal la xe stà mosa da Obock a Gibuti, ndo ghera on porto naturale pi grando e on marcà tra i pi importanti de el Corno d’Africa. La costrusion de la linea feroviaria da Addis Abeba a Gibuti (costruia dal 1897 al 1917) la gha fato garantio pi aloro al porto de Gibuti.

Guera mondiale[canbia | canbia sorxente]

Le forse de invasion italiane le se gha scontrà co i soldadi francexi ne i ani trenta e durante la seconda guera mondiale. Gibuti la xera ne le mane de el governo de Vichy ma el xe cascà en mane de i Aleati dopo che i inglexi i gha blocà el porto par tri mesi. Soldadi de Gibuti i gha combatù en Fransa en tel 1944. Co l’aprovasion de la Lege Cuadro (1956) el governo francexe el gha dato a le colonie pi autonomia. En tel 1958, co on referendum, Gibuti el gha sielto de far parte de la Fransa come on teritorio d’oltremare. Solo pochi ani dopo, co el presidente De Gaulle el gha visità Gibuti (agosto 1966) el gha catà dimostrasioni popolari che le volea l’indipendensa. En tel marso 1967, el 60% de i gibutiani i gha votà contro l’indipendensa.

Indipendensa[canbia | canbia sorxente]

La popolasion la gha però continuà a domandar cambiamenti. La majoria de i abitanti i xera del clan Issa, ma le legi francexi ghe dava la citadinansa a la minoransa afar. Co la lege so la citadinansa la xe stà cambià, anca i raporti de forsa politega i xe cambià. En tel referendum del magio 1977 la majoria la gha sielto l’indipendensa. En giunio 1977, Gibuti el xe diventà indipendente e Hassan Gouled Aptidon el xe stà eleto presidente. En tel 1981, Aptidon el gha trasformà la republica en no stato monopartitico. En tel 1991, la guera sivile la xe sciopà tra el governo e i guerilieri afar del Fronte par la Ricostrusion de l’Unità e la Democrasia. El conflito el xe terminà en tel 1994 co on tratato de paxe e l’entrata del Fronte en tel governo. Aptidon el xe stà rieleto en tel 1997 ma el gha lasà el potere en tel 1999 a 83 ani de età. So neodo, Ismail Omar Guelleh, el xe diventà presidente al so posto. Guelleh el xe sta rieleto en tel 2005. El so primo ministro el xe on afar, e afar el xe anca el ministro de i esteri. El governo parò el rimane saldamente en mane de la majoria somala. Le tensioni etniche le continua a dividar el paexe.

Siti internet[canbia | canbia sorxente]