Storia de la Guinea Equatorial

Da Wikipedia, l'ençiclopedia libara.
Va a: navigasion, serca
Mapa de la Guinea Equatoriale


Come par quasi tuti i paexi de l’Africa Osidentale a sud del Sahel, i primi abitanti de la Guinea Equatoriale i xe stà i pigmei. Ancò se cata ancora de i picoli gupi de pigmei en te le foreste del Rio Muni. I bantu i xe rivà en do ondate migratorie. La prima verso el VII secolo d.C., e la seconda verso el XVII secolo. L’ixola de Bioko la xe sta abitada fin dal VII secolo da etnie che le vegnea dal Camerun.

Eoropei[canbia | canbia sorxente]

El esplorator Fernando Po el xe rivà a Bioko en tel 1471. Elo el gha ciamà l’ixola Formosa Flora (bel fiore). En tel 1474, i portoghexi i gha mandà i primo coloni che i xe restà fin al 1778. L’ixola de Bioko la xe stà subito ribatezà Fernando Poo par ricordar el primo eoropeo che la gavea visità. En tel 1778, el Portogalo el gha dato la colonia a i spagnoli en canbio de teritori en Sud America.

Colonia spaniola[canbia | canbia sorxente]

I spagnoli no gha mai investì tanto en te la colonia de la Guinea, specialmente en te la zona continentale. Su l’ixola de Bioko i gha meso na coltivasion de cacao e i gha fato vegnar lavoradori da la Nigeria par laorar la tera. I spagnoli i gha costruio scole e dispensari medici che i xera i mejo de tuta l’Africa en te i ani sesanta. En tel 1959, la colonia de la Guinea Spaniola la xe diventà na provincia de la Spagna. En tel 1963 el nome de la colonia el xe stà canbià e quelo de Guinea Equatoriae, co autonomia aministrativa e multipartitica – co i spagnoli i gavea el partito unico.

Indipendensa[canbia | canbia sorxente]

El 11 agosto 1968, soto la guida de le Nasioni Unie, i guineani i gha votà el referendum par l’indipendensa. I gha anca aprovà la nova Costitusion. Francisco Macías Nguema el xe stà eleto primo presidente e l’indipendensa la xe rivà el 12 otobre 1968. En tel lulio 1970, Nguema el gha proibì tuti i partiti manco che el suo e scanselà vari articoli da la Costitusion. Do ani dopo el se sa eleto presidente a vita. El presidente el gha fato serar le scole (1975), opreso la Cexa catolega (tute le cexe erade en tel 1978), fato copar i opositori politici, e el gha lasà che le infrastruture le ndese en rovina. I laoradori nigeriani, 60 000, i xe scapai via e l’economia la xe ndà a remengo. Nguema el gha promoso la politega de la autenticità, canbiando tuti i nomi cloniali par metar nomi locali. Santa Isabel, la cavedal, la xe diventà Malabo, Fernando Poo la xe stà batezà Masie Nguema Biyogo. En tel agosto 1979, Teodoro Obiang Nguema Mbasogo el gha fato on colpo de stato. El gha ribatezà l’ixola Bioko e promeso d emear ordine en te lo Stato.

Ditatura[canbia | canbia sorxente]

El presidente Obiang co Condoleezza Rice

El presidente Obiang el gha subì vari tentativi de colpo de stato, ma el xe sopravisù a tuti. El so sistema de governo el xe la ditatura. Dopo essarse scrito na nova Costitusion, el presidente Obiang el se gha dato tuti i poteri executivi del governo. El presidente ancò el pol far quel chel vol, proclama le legi chel vol lu, fa e disfa el governo. El 70% de i introiti del paexe i va ne le so tasche, sopratuto i schei che i riva da el petrolio. Anca se el prodoto interno lordo par pesona el xe ono de pi grandi del continente, tuta la popolasion la vive ne la povertà.