Malabo
Da Wikipedia, ła ençiclopedia lìbara.
Malabo la xe la cavedal de la Guinea Equatoriale. La cavedal la xe ne la ixola de Bioko, e no su la tera ferma (Rio Muni). La cavedal la gha 120.000 abitanti, e la se stà slargando dopo ghe i gha catà el petrolio fora de Bioko.
[modìfega] Storia
En tel 1827, i inglexi i gha afità l’ixola de Bioko da i spagnoli e costruì el Forte Clarence. Da qi i inglexi i vole acontrolar i porti de l’Africa Ocidentale par far smetar la trata de i sciavi. I sciavi libarà vegnea portadi su l’ixola de Bioko. Co la fondasion de la colonia par i sciavi libaradi in Sierra Leone, i neri de Bioko i xe stà mandà la. On grupo l’è rimasto ndrio e i desendenti i se cata ancora ancò, i se ciama fernandinos. I fernandinos i parla on pidgin afro-portoghexe. Co i spagnoli sa ritolto l’ixola, i gha cambià el nome a la sità e i la ciamada Santa Isabela. En tel 1969, la cavedal la xe stà mosa da Bata a Santa Isabela. En tel 1973, el presidente Francesco Macias Nguema el gha sostegnù na campagna de africanizasione. La sità de Santa Isabela la gha cambià nome n’altra olta e l’è diventà Malabo. Macias gha anca scominsià la so campagna de genocidio e gha fato copar quasi tuti i bubi, n’etnia minoritaria en tel paexe ma che i xera la majoria a Bioko. Durante stò periodo, el 30% de la popolasion el xe scapà via e ancor ancò vive fora dal paexe. Ne i ultimi tempi, co el ricatameto de petrolio en te le acque teritoriali, la sità de Malabo la xe diventà na meta importante de marcanti eoropee americani. La zente, parò, non gha ancora visto lo svilupo che se podaria far co i schei del petrolio.
[modìfega] Gallery
gallery> Image:Bioko.png|Island of Bioko Image:Equatorialguineamap.png|Location in Equatorial Guinea </gallery>
Portałe Africa: varda łe altre voxe de Wikipedia che łe parla de Africa
